ဧရာဝတီတိုင်းဒေသကြီး၊ ကျုံပျော်ခရိုင်၊ ရေကြည်မြို့နယ် (၁၁.၃.၂၀၂၆) ရက်နေ့၊ နံနက် (၁၀:၃၀) နာရီအချိန်တွင် စားသုံးသူရေးရာဦးစီးဌာန ရေကြည်မြို့နယ်တာဝန်ခံ ဒေါ်ချယ်ရီမြင့်သည် ပြန်ကြားရေးနှင့် ပြည်သူ့ဆက်ဆံရေးဦးစီးဌာနှင့် ပူးပေါင်း၍ မြို့နယ်ပြန်ဆက်ဦးစီးမှူးရုံးတွင် ၂၀၂၆ခုနှစ်၊ မတ်လ (၁၅) ရက်နေ့ကျရောက်မည့် ကမ္ဘာ့စားသုံးသူအခွင့်အရေးများနေ့ကို ကြိုဆိုဂုဏ်ပြုသောအားဖြင့် စားသုံးသူအခွင့်အရေးအသိပညာပေး Talk Show ပြုလုပ်ဆောင်ရွက်ခဲ့ကြောင်း သိရသည်။
ထိုသို့ဆောင်ရွက်ရာတွင် မြို့နယ်တာဝန်ခံဒေါ်ချယ်ရီမြင့်က ကမ္ဘာ့စားသုံးသူအခွင့်အရေးများနေ့ ကိုမတ်လ (၁၅) ရက်နေ့ ကျင်းပလျက်ရှိရာ စားသုံးသူများ၏ အခွင့်အရေးများကို သိရှိစေရန်၊ ဘေးကင်းလုံခြုံသော ကုန်စည်နှင့်ဝန်ဆောင်မှု့များရရှိစေရန်၊ စားသုံးသူကာကွယ်ရေးဆိုင်ရာ အသိပညာများ တိုးတက်လာစေရန်ရည်ရွယ်၍ ကျင်းပလျက်ရှိခြင်း၊ မြန်မာနိုင်ငံသည် ၂၀၁၄ ခုနှစ်၊ မတ်လ (၁၄) ရက်နေ့မှ စတင်၍ စားသုံးသူကာကွယ်ရေး ဥပဒေကို ပြဌာန်းခဲ့ပြီး ၂၀၁၆ ခုနှစ်မှစတင်၍ ကမ္ဘာ့စားသုံးသူအခွင့်အရေးများနေ့ကို နှစ်စဉ်ကျင်းပလျက် အာဆီယံစားသုံးသူကာကွယ်ရေးမဟာဗျူဟာ (၂၀၁၆-၂၀၂၅) ကိုအာဆီယံနိုင်ငံများနှင့် အတူဆောင်ရွက်ခြင်း၊ ၂၀၂၆ ခုနှစ်၊ ကမ္ဘာ့စားသုံးသူအခွင့်အရေးများနေ့၏ ဆောင်ပုဒ်ဖြစ်သော “ ထုတ်ကုန်ဘေးကင်းလုံခြုံမှ ယုံကြည်စိတ်ချ စားသုံးသူဘဝ ” နှင့်အညီ အရည်အသွေးပြည့်ဝသော ထုတ်ကုန်များ တိုးတက်ထုတ်လုပ်နိုင်ရန် နိုင်ငံတော်မှ MSMEs လုပ်ငန်းများဖွံ့ဖြိုးတိုးတက်စေရန် အားပေးဆောင်ရွက်လျက်ရှိခြင်း၊ စားသုံးသူများသည် မိမိတို့၏ အခွင့်အရေးများကို သိရှိနားလည်တောင်းဆိုရယူနိုင်ရန် စားသုံးသူအခွင့်အရေး (၈) ချက်ကို အသိပညာပေးဆောင်ရွက်၍ စားသုံးသူများ ဘေးအန္တရာယ်ကင်းရှင်းစေရန် စားသုံးသူရေးရာဦးစီးဌာနသည် အသိပညာပေးခြင်း၊ ဈေးကွက်စောင့်ကြည့်စစ်ဆေးခြင်း၊ ကုန်အညွှန်းအမှတ်အသားစီစစ်ခြင်းတို့ကို မိတ်ဖက်ဌာနများ၊ ပုဂ္ဂလိက အဖွဲ့အစည်းများ၊ အသင်းအဖွဲ့များ၊ စီးပွားရေးလုပ်ငန်းရှင်များ၊ စားသုံးသူပြည်သူများနှင့် ပူးပေါင်း၍ ဆောင်ရွက်လျက်ရှိသည်ကို အသိပညာပေးဆောင်ရွက်ခဲ့ကြောင်း သိရှိရပါသည်။
DOCA (ဧရာဝတီ)