ဧရာဝတီတိုင်းဒေသကြီး၊ ဟင်္သာတခရိုင်၊ ဇလွန်မြို့နယ်အတွင်း ရောင်းချနေသော ဆန်စက်/ ဆန်ပွဲရုံ လက်လီလက်ကားအရောင်းဆိုင်များနှင့် သိုလှောင်ရုံများအား ပြည်တွင်းစပါး၊ ဆန်ဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင်ရောင်းချရန် ရည်ရွယ်ချက်ဖြင့် သိုလှောင်ထားခြင်းရှိ/ မရှိကို ဇလွန်မြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးသန့်ဇင်ဦးသည် သက်ဆိုင်ရာ မိတ်ဖက်အဖွဲ့စည်းများနှင့် ပူးပေါင်းပြီး (၁၃.၃.၂၀၂၆)နေ့တွင် ကွင်းဆင်းစစ်ဆေးခြင်းကို ဆောင်ရွက်ခဲ့ပါသည်။
ထိုသို့ကွင်းဆင်းရာတွင် ပူးပေါင်းအဖွဲ့သည် ပြည်တွင်းစပါး၊ ဆန်ဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင်ရောင်းချရန် ရည်ရွယ်ချက်ဖြင့် သိုလှောင်ထားခြင်းများမရှိကြောင်း၊ ဇလွန်မြို့နယ်အတွင်းရှိ ရွှေဘိုပေါ်ဆန်းရောင်းချသည့် ဆန်ဆိုင်များအားဝယ်ယူရောက်ရှိသည့် နေ့ရက်၊ ဝယ်ယူသည့်ဈေးနှုန်း၊ ပြန်လည်ရောင်းချသည့်ဈေးနှုန်း၊ ကျန်ရှိသည့်ရွှေဘိုပေါ်ဆန်း ဆန်အိတ်အရေအတွက်များအား စစ်ဆေးဆောင်ရွက်ခဲ့ပြီး ရွှေဘိုပေါ်ဆန်း ဆန်များအား ဈေးနှုန်းမြှင့်တင်ရောင်းချမှုမရှိခြင်း၊ သိုလှောင်ဈေးကစားမှုများ မဖြစ်ပေါ်စေရေးနှင့် ဈေးနှုန်းတည်ငြိမ်မှန်ကန်စေရေးတို့အတွက် သက်ဆိုင်ရာ ဆန်စပါးလုပ်ငန်းကြီးကြပ်ရေးအဖွဲ့ ဆန်စပါးဆိုင်ရာ အသင်းအဖွဲ့များ၊ သက်ဆိုင်ရာမိတ်ဖက်အဖွဲ့စည်းများနှင့် ပူးပေါင်း၍ ကွင်းဆင်းစိစစ်ကြပ်မတ် ဆောင်ရွက်ခဲ့ကြောင်း သတင်းရရှိပါသည်။
DOCA (ဧရာဝတီ)