ပဲခူးတိုင်းဒေသကြီး၊ ပြည်ဈေးကွက်တွင် ပဲသစ်အချို့နေ့စဉ် ဝင်ရောက်လျှက်ရှိရာ ဘိုကိတ်ပဲသီးနှံသစ်များလည်း ဝင်ရောက်မှုများလာခဲ့ကြပါသည်။ ။ ပြည်အနီးတဝိုက်ဒေသများမှ ဝင်ရောက်ခဲ့ပြီး တစ်ရက်အိတ် ၂၀၀/ ၃၀၀ကျော် ဝင်ရောက်ခဲ့ပါသည် ။ အရောင်းအဝယ်အနေဖြင့် လက်လီသမားသာ အဝယ်ရှိ၍ တစ်ရက်အိတ် ၂၀/၃၀ကျော် ဒေသတွင်း ဝယ်ယူမှုအချို့သာ ရှိခဲ့ကြပါသည်။ ဘိုကိတ်ပဲသစ်ဈေးမှာ တစ်တင်း ၄၂၀၀၀ကျပ်ဖြင့် ပဲဈေးကွက်အတွင်း အခြားပဲသီးနှံများနှင့်ယှဉ်လျှင် ဈေးအေးနေခဲ့သော သီးနှံဖြစ်ခဲ့ပါသည်။ ယခင်နှစ်ကလည်း ပဲဈေးကွက်မှာ ဘိုကိတ်ပဲသီးနှံ ဈေးအနိမ့်ဆုံးဖြစ်ခဲ့၍ တစ်တင်း ၃၃၀၀၀ကျပ်သာ ရရှိခဲ့သော်လည်း ယခုနှစ်တွင် ယခင်နှစ်ဈေးထက် ကျပ် ၁သောင်းနီးပါး ဈေးပိုလာခဲ့ကြောင်း သိရှိပါသည်။
DOCA(ပဲခူး)