စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ပန်းတနော်မြို့နယ်မှ မြို့နယ်တာဝန်ခံ ဦးအောင်ကျော်သက်နှင့် ဝန်ထမ်းများသည် မိတ်ဖက်အဖွဲ့အစည်းဖြစ်သော စည်ပင်သာယာရေးအဖွဲ့နှင့် ပူးပေါင်း၍ (၁၇.၃.၂၀၂၆) ရက်နေ့ နေ့လယ် (၁၅း၀၀) နာရီအချိန်တွင် ပန်းတနော်မြို့နယ် ဒေါဝါးကျေးရွာရှိ ဦးအေးထွန်း ဆန်စက်သို့သွားရောက်၍ ထုတ်ကုန်လုံခြုံစိတ်ချရမှုရှိစေရေး ကွင်းဆင်းလေ့လာ ဆောင်ရွက်ခဲ့ကြောင်း သိရသည်။
အဆိုပါ ကွင်းဆင်းလေ့လာမှုတွင် ပန်းတနော်မြို့နယ်၊ မြို့နယ်တာဝန်ခံ ဦးအောင်ကျော်သက်မှ အေးထွန်း (ထွန်းတောက်) ဆန်စက်ပိုင်ရှင် တို့တွေ့ဆုံ၍ စားသုံးသူရေးရာဦးစီးဌာန၏ လုပ်ငန်းဆောင်ရွက်မှုများ MSME လုပ်ငန်းဖွံ့ဖြိုးတိုးတက်ရေး၊ ပန်းတနော်မြို့နယ်၏ ဆန်၊စပါး ဈေးကွက်အခြေအနေ၊ ရန်ကုန်သို့ ဆန်တင်ပို့နိုင်မှု အခြေအနေများရှိပါက ကုန်တင်ပိုလွှာနှင့်အတူ ဆန်စက်မှ ထွက်ရှိသောဆန်များကို ပန်းတနော်မြို့နယ် တာဝန်ခံရုံးသို့ နေ့စဉ်ပေးပို့ရန် ထွက်ရှိမှုကို စားသုံးသူရေးရာဦးစီးဌာန၊ မအူပင်ခရိုင်သို့ ပေးပို့ဆောင်ရွက်နိုင်မည်ဖြစ်ကြောင်း လုပ်ငန်းများကို ပူးပေါင်းဆောင်ရွက်နိုင်ရန်ကိုလည်းကောင်း၊ ဆန်စက်မှ လက်ရှိစပါးဝယ်ယူမှုအခြေအနေများကိုမေးမြန်းခြင်း ဆန်စပါးလုပ်ငန်း၏ ဖွံ့ဖြိုးတိုးတက်ရေး၊ ဆန်စက်တွင် လက်ရှိ ဧည့်မထ စပါး လက်ကျန် ၄၀၀၀ တင်းရှိပြီး ဆန်အိတ် ၇၀၀ အိတ်ရှိကြောင်းနှင့် နေစဉ် ၁၅တန်ကျ ကြိတ်ခွဲလည်ပတ်ကာ ဒေသတွင်းသို့ ရည်ညွှန်းဈေးဖြင့် ရောင်းချနေပြီး ရန်ကုန်သို့လည်း ဆန်/ဆန်ကွဲ အနည်းငယ် တင်ပိုလျက်ရှိကြောင်း သိရပြီး စပါး/ဆန်ကဏ္ဍဖွံ့ဖြိုးတိုးတက်ရေးနှင့် myro တွင် ရထုတ်ကျန်စာရင်းများကို လစဉ် လဆန်း ၇ရက်နေ့တွင် မဖြစ်မနေဖြည့်သွင်း ဆောင်ရွက်နိုင်ရန်ကို အကျယ်တဝင့် ဆွေးနွေးအသိပညာပေးဆောင်ရွက်ခဲ့ကြောင်း သတင်းရရှိပါသည်။
DOCA(ဧရာဝတီ)