ဧရာဝတီတိုင်းဒေသကြီး၊ ဖျာပုံခရိုင်၊ဖျာပုံမြို့(၁၀)ရပ်ကွက် ၆ လမ်းအတွင်းရှိ ဦးသက်နိုင် ပိုင်ဆိုင်သော“မဟာစံ”ငါးနှပ်ခြောက်ကင်လုပ်ငန်းအား စားသုံးသူရေးရာဦးစီးဌာနမှ ဒု-ခရိုင်ဦးစီးမှူးနှင့် ဝန်ထမ်းများသည် (၆.၄.၂၀၂၆) ရက်နေ့ (၁၃:၀၀) နာရီအချိန်တွင် သွားရောက်၍ ဈေးကွက်မရောက်မီ ကုန်စည်များဘေးအန္တရာယ်ကင်းရှင်းစေရေးအတွက် ကွင်းဆင်းစိစစ်ခဲ့ကြပါသည်။
ထိုသို့ကွင်းဆင်းစိစစ်ရာတွင် ကုန်စည်များအားစားသုံးသူဘေးအန္တရာယ် ကင်းရှင်းစေရေးအတွက် ကုန်ပစ္စည်း အမှတ်တံဆိပ်၊ ထုတ်လုပ်သည့်ရက်စွဲ၊ သက်တမ်းကုန်ဆုံးသည့်ရက်စွဲ၊ အလေးချိန်ဖော်ပြထားရှိမှု(ကျပ်သား)၊သက်ဆိုင်ရာဌာနများ၏ ထောက်ခံချက်များပြည့်စုံစွာပါဝင်မှုရှိ/ မရှိ၊ ထားသိုသိမ်းဆည်းပုံအညွှန်းများ ပြည့်စုံစွာဖော်ပြထားခြင်းရှိ/ မရှိတို့ကို ကွင်းဆင်းစိစစ်ခဲ့ကြပါသည်။ ထို့နောက်ဒု-ခရိုင်ဦးစီးမှူးမှရောင်းချနေသော“မဟာစံ”ငါးနှပ်ခြောက်လုပ်ငန်းအားကုန်အညွှန်းအမှတ် အသားပြည့်စုံစွာဖော်ပြရန်နှင့် ဈေးနှုန်းဈေးကွက်အခြေအနေ တွက်ချေကိုက်မှု အခြေအနေများအား ဆွေးနွေးခဲ့မှုအပေါ် သတင်းရရှိပါသည်။
DOCA(ဧရာဝတီ)