စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ စားသုံးသူရေးရာဌာန ခွဲတာဝန်ခံ ဒု-ဦးစီးမှူး ဒေါ်နွယ်နွယ်အေးနှင့်ဝန်ထမ်းများအဖွဲ့သည် စားသုံးသူအခွင့်အရေးနှင့်အကျိုး စီးပွားကို ကာကွယ်ရန် ရည်ရွယ်၍ (၆.၄.၂၀၂၆)ရက်နေ့၊ နံနက်(၁၀:၀၀)နာရီအချိန်တွင် ပခုက္ကူမြို့၊ “ရက်ကန်းနှင့် အသက်မွေးပညာသင်တန်းကျောင်း”၌ စားသုံးသူကာကွယ်ရေးအသိ ပညာပေးဟော ပြောပွဲ ကျင်းပပြုလုပ်ခဲ့ရာဆရာ/ဆရာမ(၁၄)ဦး၊ သင်တန်းသား/သူ(၂၀)ဦး၊ စုစုပေါင်း (၃၄)ဦး တက် ရောက်ခဲ့ပါသည်။
အဆိုပါဟောပြောပွဲတွင် စားသုံးသူရေးရာဌာနခွဲတာဝန်ခံက စားသုံးသူရေးရာဦးစီးဌာနပေါ်ပေါက် လာပုံ၊ မျှော်မှန်းချက်၊ ရည်မှန်းချက်များ၊ လုပ်ငန်းဆောင်ရွက်ချက်များ၊ စားသုံးသူကာကွယ်ရေးဥပဒေပါ အခန်း(၉)၊ ပုဒ်မ-၁၉ ပါ စားသုံးသူအခွင့်အရေးနှင့်တာဝန်များအကြောင်း၊ စားသုံးသူကာကွယ်ရေး လုပ်ငန်းသည် စားသုံးသူနှင့် စီးပွားရေးလုပ်ငန်းရှင်အကြားကော်မရှင်နှင့် ကော်မတီအဆင့်ဆင့်တို့မှ သတ်မှတ်ဆောင်ရွက်ပေးသည့် မျှတမှုရှိသောလုပ်ငန်းစဉ် ဖြစ်သောကြောင့် စားသုံးသူအခွင့်အရေး နစ်နာဆုံးရှုံးမှုများဖြစ်ပေါ်ပါက မိမိတို့ဌာနသို့ တိုင်ကြားနိုင်ကြောင်း အကျယ်တဝင့်ရှင်းလင်း ဆွေးနွေး ခဲ့ပါသည်။
ဆက်လက်၍ သတင်းအချက်အလက်နည်းပညာနှင့် အရည်အသွေးစီမံခန့်ခွဲရေးဌာနခွဲ တာဝန်ခံ ဒု-ဦးစီးမှူး ဒေါ်သူဇာကျော်က စားသုံးသူကာကွယ်ရေး ဥပဒေ(၂၀၁၉)၊ အခန်း(၁၈)ပါ ကုန်အညွှန်း အမှတ်အသားဖော်ပြခြင်း၊ အခန်း(၁၉) ပါတိုင်ကြားခြင်း စိစစ်ညှိနှိုင်းဖြေရှင်း ဆောင်ရွက်ခြင်းနှင့် စားသုံး သူအခွင့်အရေးများ နစ်နာဆုံးရှုံးမှုရှိလျှင် စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင် ရွက်ရေး စင်တာ(CICC)သို့ တိုင်ကြားနိုင်ကြောင်း၊ တိုင်ကြားနိုင်သူများနှင့် တိုင်ကြားနိုင်သည့် နည်းလမ်း များမှာ DOCA Myanmar မိုဘိုင်း Application ၊ Facebook စာမျက်နှာ နှင့် Consumer Call Center (1535)ဖွင့်လှစ် ထားရှိပြီးဖြစ်၍ တိုင်ကြားနိုင်ကြောင်းဆွေးနွေးပြီး ဟောပြောပွဲအပြီးတွင် သင်တန်းသူ တစ်ဦးမှ Consumer Call Center (1535)သို့ ဖုန်းခေါ်ဆို၍ သိလိုသည်များမေးမြန်းခဲ့ပြီး လက်ကမ်း စာစောင်များဖြန့်ဝေခဲ့ကြောင်း သိရှိရပါသည်။
DOCA(မကွေး)