စာသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ်တာဝန်ခံ သည် ကျေးလတ်နှင့်မြို့ပြပြည်သူများ၊ စီးပွားရေးလုပ်ငန်းရှင်များအား စားသုံးသူကာကွယ်ရေးဥပဒေပါ စားသုံးသူများရရှိနိုင်မည့် အခွင့်အရေးများ၊ လိုက်နာရမည့်တာဝန်များ၊ တားမြစ်ချက်များနှင့်ပြစ်မှုပြစ် ဒဏ်များအား သိရှိစေရန်နှင့် ကုန်အညွှန်းအမှတ်အသားဆိုင်ရာသတ်မှတ်ချက်များနှင့် ပတ်သက်၍ သိရှိ စေရန်၊ ဘေးအန္တရာယ်ကင်းသောအစားအသောက်နှင့် ကုန်စည်များအား ရွေးချယ်ဝယ်ယူအသုံးပြုတတ် စေရန် ရည်ရွယ်၍ အသိပညာပေးဆွေးနွေးပွဲများနှင့် စျေးကွက်စောင့်ကြည့်စစ်ဆေးခြင်းလုပ်ငန်းများ စဉ်ဆက်မပြတ်ဆောင်ရွက်လျက်ရှိပါသည်။
ထိုသို့ ဆောင်ရွက်ရာ တောင်တွင်းကြီးမြို့နယ်တာဝန်ခံသည် (၁၅.၅.၂၀၂၆)ရက်နေ့၊ နံနက် (၁၀:၀၀)နာရီအချိန်တွင် တောင်တွင်းကြီးမြို့၊ မြန်မာ့လယ်ယာဖွံ့ဖြိုးရေးဘဏ်သို့ မိုးစပါးစိုက်ပျိုးစရိတ် ချေးငွေလာရောက် ထုတ်ယူကြသော သီလအုပ်စုနှင့် မောင်းတိုင်(၂)ရပ်ကွက်တို့မှ မိုးစပါးစိုက်တောင်သူ (၂၀၀)ဦးတို့အား စားသုံးသူကာကွယ်ရေးဥပဒေ ၂၀၁၉ ပါ စားသုံးသူများ ရရှိနိုင်မည့် အခွင့်အရေး (၈)ချက်၊ လိုက်နာရမည့်တာဝန် (၄)ချက်၊ အခန်း(၁၈)ပါ ကုန်အညွှန်းအမှတ်အသားဆိုင်ရာ သတ်မှတ် ချက်များ၊ စားသုံးသူများနစ်နာဆုံးရှုံးမှုများ ဖြစ်ပေါ်လာပါက တိုင်ကြားနိုင်ရန် နည်းလမ်းများအား ရှင်းလင်းချပြဆွေးနွေးခဲ့ကြောင်း သိရှိရပါသည်။
DOCA(မကွေး)