၂၀၂၆ ခုနှစ်၊ မေလ ၂၁ ရက်နေ့၊ နံနက်(၀၈း၀၀)အချိန်တွင် တနင်္သာရီတိုင်းဒေသကြီးဦးစီး မှူးရုံးမှ စစ်ဆေးရေးအရာရှိနှင့် ဝန်ထမ်းများသည် သက်ဆိုင်ရာဌာနပူးပေါင်းအဖွဲ့များဖြစ်သည့် အစားအသောက်နှင့်ဆေးဝါးကွပ်ကဲရေးဦးစီးဌာန၊ ပြည်သူ့ကျန်းမာရေးဦးစီးဌာန၊ စည်ပင်သာယာရေး အဖွဲ့တို့နှင့်အတူ ထားဝယ်မြို့၊ ကမ်းနားပျံကျစျေးအတွင်းရှိ ကုန်စုံဆိုင်များအား စျေးကွက်စောင့်ကြည့် စစ်ဆေးခြင်း ဆောင်ရွက်ခဲ့ပါသည်။
ထိုသို့စျေးကွက်စောင့်ကြည့်စစ်ဆေးခြင်း ဆောင်ရွက်ရာတွင် ဦးစားပေးကုန်စည်များမှ စစ်ဆေးရမည့် စည်သွပ်အစားအစာများ၊ အချဉ်ရည်များတွင် စားသုံးသူပြည်သူများ ဘေးအန္တရာယ် ကင်းရှင်းစွာ ဝယ်ယူသုံးစွဲနိုင်စေရေးအတွက် စားသောက်ကုန်များအား သက်တမ်းကုန်လွန်ခြင်း များရှိ/မရှိ စစ်ဆေးခြင်းနှင့်ကုန်အညွှန်းအမှတ်အသားဖော်ပြရာတွင်မြန်မာဘာသာနှင့် အခြားဘာသာ တစ်ခုခုနှင့်ဖြစ်စေ တွဲလျက်ဖြစ်စေ ပြည့်စုံမှန်ကန်စွာပါရှိ မှု ရှိ/မရှိစစ်ဆေးခြင်းများနှင့် ခေါက်ဆွဲဖတ်၊ မုန့်ဖတ်များတွင် ဖော်မလင်နှင့်ကန့်သတ်ဓါတုပစ္စည်းများထည့်သွင်းရောင်းချခြင်းများ မရှိစေရေး စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။
DOCA(တနင်္သာရီ)