စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူး ဦးဝေဠုအောင်သည် စားသုံးသူများ ဘေးအန္တရာယ်ကင်းရှင်းပြီး ကျန်းမာပျော်ရွှင်စေရန် ရည်ရွယ်၍ (၃.၈.၂၀၂၆)ရက်နေ့၊ နံနက်(၁၀:၀၀)နာရီအချိန်တွင် ခရိုင်ဦးစီးမှူးရုံး၌ မိဘပြည်သူ (၂၀)ဦးအား စားသုံးသူကာကွယ်ရေးဥပဒေအား အသိပညာပေးဆွေးနွေးခဲ့ကြောင်း သိရသည်။
ခရိုင်ဦးစီးမှူးက ဆွေးနွေးရာတွင် ဌာန၏သမိုင်းကြောင်းနှင့် လုပ်ငန်းဆောင်ရွက်ချက်များ၊ ဦးစီးဌာန၏ဆောင်ပုဒ်၊ မျှော်မှန်းချက်၊ ရည်မှန်းချက်များ၊ စားသုံးသူကာကွယ်ရေးဥပဒေ၏ ရည်ရွယ်ချက်များ၊ စားသုံးသူကာကွယ်ရေးဥပဒေ ပြဌါန်းချက်ပါ အခန်း(၉)၊ ပုဒ်မ - ၁၉ စားသုံးသူ၏ အခွင့်အရေးများနှင့် ပုဒ်မ - ၂၀ စားသုံးသူ၏တာဝန်များအကြောင်း၊ အခန်း(၁၈) ပုဒ်မ - ၄၁ ပါ၊ ကုန်အညွှန်းအမှတ်အသား ဖော်ပြချက်များအကြောင်း၊ တိုင်ကြားနိုင်သူများ၊ တိုင်ကြားနိုင်သည့် နည်းလမ်းများနှင့် Consumer Call Center (၁၅၃၅) လိုင်းခွဲနံပါတ် (၁)နေပြည်တော်၊ (၂)ရန်ကုန်မြို့၊ (၃)မန္တလေးမြို့များသို့ ဆက်သွယ်ပြီး စားသုံးသူရေးရာ ကိစ္စရပ်များအား မေးမြန်းဆွေးနွေးနိုင်ကြောင်းနှင့် တိုင်ကြားနိုင်သည့် အခြေအနေများအား ဟောပြောဆွေးနွေးခြင်းနှင့် အွန်လိုင်းစနစ်ဖြင့် ရောင်းဝယ်မှုဆိုင်ရာသိကောင်းစရာများအကြောင်းအား Power Point ဖြင့် အသေးစိတ်ဆွေးနွေးခဲ့ကြောင်း သိရှိရပါသည်။
DOCA(မကွေး)