စစ်ကိုင်းတိုင်းဒေသကြီး၊ ကလေးခရိုင်ဦးစီးမှူးရုံးနယ်မြေအတွင်းရှိ ကလေးဝမြို့ပေါ်ရှိ အိမ်သုံးလျှပ်စစ်ပစ္စည်းများအား စားသုံးသူရေးရာဦးစီးဌာနမှ ဦးကျော်ကျော်မိုး မြို့နယ်တာဝန်ခံမှ ဦးဆောင်၍ မိတ်ဖက်ဌာနများဖြစ်သည့် မြို့နယ်စီမံခန့်ခွဲမှုကော်မတီ၊ စည်ပင်သာယာရေးကော်မတီ၊ မြန်မာနိုင်ငံရဲတပ်ဖွဲ့၊ မီးသတ်တပ်ဖွဲ့တို့ ပူးပေါင်း၍ ပြည်သူများအသုံးပြုသည့် အိမ်သုံးလျှပ်စစ် ပစ္စည်းများအနေဖြင့် ဘေးအန္တရာယ် ကင်းရှင်းစွာ အသုံးပြုနိုင်စေရန်အတွက် ရည်ရွယ်၍ ကွင်းဆင်းစစ်ဆေးရခြင်းဖြစ်ကြောင်း သိရှိရသည်။
ကလေးဝမြို့ပေါ်ရှိ အိမ်သုံးလျှပ်စစ်ပစ္စည်းအမျိုးမျိုးအရောင်းဆိုင်အား စစ်ဆေးရာတွင် လျှပ်စစ်ပစ္စည်းများတွင် စားသုံးသူကာကွယ်ရေးဥပဒေပါ ကုန်အညွှန်းအမှတ်အသား ပြည့်စုံမှု ရှိ/မရှိ စားသုံးသူများအား ထိခိုက်နစ်နာစေနိုင်သော၊ သတ်မှတ်စံချိန်စံညွှန်းများနှင့်မကိုက်ညီသော ပစ္စည်းများ ဈေးကွက်အတွင်းမှ ပပျောက်စေရန်နှင့် အရည်အသွေးပြည့်မီသော ပစ္စည်းများကိုသာရောင်းချရန်နှင့် ဆိုင်ပိုင်ရှင်များအနေဖြင့် သိသင့်သိထိုက်သော စီးပွားရေးလုပ်ငန်းရှင်များ လိုက်နာရမည့်အချက်များကို အသိပညာပေးဆွေးနွေးခဲ့ကြောင်း သိရှိရပါသည်။
DOCA(စစ်ကိုင်း)