မအူပင်ခရိုင်၊ ဓနုဖြူမြို့နယ်၊ ငါးဘတ်အိုင်ကျေးရွာအုပ်စု၊ငါးဘတ်အိုင်ကျေးရွာရှိ ရွှေအိုင်မြေ ဘက်စုံသုံးခန်းမတွင် အခြေခံစက်ချုပ်သင်တန်းသားများနှင့် ဒေသခံပြည်သူများအား စားသုံးသူကာကွယ်ရေး အသိပညာပေးဟောပြောပွဲအား မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ဘေးအန္တရာယ် ဆိုင်ရာစီမံခန့်ခွဲမှုဦးစီးဌာန၊ မိတ်ဖက်ဌာနများနှင့် ပူးပေါင်း ၂.၆.၂၀၂၆ ရက်နေ့ နံနက် (၁၀း၀၀) နာရီအချိန်တွင် သင်တန်းသူ(၅၀)ဦး အသိပညာပေးခဲ့ကြောင်း သိရသည်။
အသိပညာပေးဆောင်ရွက်ရာတွင် စားသုံးသူရေးရာဦးစီးဌာန၊ ဓနုဖြူမြို့နယ်ဦးစီးမှူး ဦးဝင်းမင်းစိုးမှ ဟောပြောရာ အခြေခံစက်ချုပ်သင်တန်းသားများအတွက် စားသုံးသူကာကွယ်ရေး အသိပညာပေးခြင်းသည် မိမိကိုယ်တိုင် စားသုံးသူအဖြစ် အခွင့်အရေးရရှိစေရန်နှင့် နောင်တွင် လုပ်ငန်းရှင်ဖြစ်လာပါက ဥပဒေနှင့်အညီ လုပ်ကိုင်နိုင်ရန် အလွန်အရေးကြီးကြောင်း၊ စက်ချုပ်သမများအနေဖြင့် စားသုံးသူ (သို့မဟုတ်) ဝန်ဆောင်မှုရယူသူအဖြစ် သိထားရမည့် အခွင့်အရေးများရှိကြောင်း၊ မိမိဝယ်ယူသည့် အထည်အလိပ်၊ အပ်ချည်နှင့် စက်ပစ္စည်းများသည် အရည်အသွေး ပြည့်မီရပါမည်ဖြစ်သည်။ စက်ပစ္စည်းများ၏ အာမခံသက်တမ်းနှင့် အသုံးပြုပုံကို ရှင်းလင်းစွာ သိရှိခွင့်ရှိရပါမည်။ မည်သည့်ပစ္စည်းကိုမဆို မိမိစိတ်ကြိုက် နှိုင်းယှဉ်ရွေးချယ် ဝယ်ယူနိုင်ရပါမည်။ ဝယ်ယူထားသော ပစ္စည်းများချို့ယွင်းပါက ပြန်လဲခြင်း သို့မဟုတ် လျော်ကြေးတောင်းခွင့် ရှိရပါမည်ကြောင်း ရှင်းလင်းခြင်း၊ ဆက်လက်၍ နောင်တွင် စက်ချုပ်လုပ်ငန်းရှင် (ဝန်ဆောင်မှုပေးသူ) ဖြစ်လာပါက လိုက်နာရမည့် တာဝန်များလည်းရှိကြောင်း၊ အထည်အပ်နှံသူကို ချုပ်ခ၊ ပိတ်စပမာဏနှင့် အထည်ရမည့်ရက် အတိအကျ ပြောရပါမည်။ စားသုံးသူ စိတ်တိုင်းကျဖြစ်စေရန် ချုပ်ရိုးချုပ်သားနှင့် ဒီဇိုင်းကို စေတနာပါပါ ဖန်တီးပေးရပါမည်။ မိမိကိုယ်ပိုင်အထည် ထုတ်လုပ်ပါက စားသုံးသူရေးရာဦးစီးဌာန၏ ညွှန်ကြားချက်အတိုင်း ကုန်အညွှန်းအမှတ်အသားများ ဆိုဒ်၊ အထည်အမျိုးအစားကို မြန်မာဘာသာဖြင့် ထည့်သွင်းရပါမည်။ နစ်နာမှုများရှိလာပါက တိုင်ကြားနိုင်သည့် နည်းလမ်းများရှိကြောင်း ကုန်စည် (သို့မဟုတ်) ဝန်ဆောင်မှုကြောင့် နစ်နာပါက စားသုံးသူ ရေးရာဦးစီးဌာန (DOCA) သို့ ဆက်သွယ်တိုင်ကြားနိုင်ပါသည်။ အရေးပေါ်အကူအညီနှင့် သတင်းအချက် အလက်များအတွက် 1535 သို့ ရုံးချိန်အတွင်း ခေါ်ဆိုမေးမြန်းနိုင်ပါကြောင်း တက်ရောက်သူ သင်တန်သားများကို ရှင်းလင်းပြီး တက်ရောက်သူများမှလည်း သိလိုသည်များမေးမြန်းမှုကို ရှင်းလင်းပေးခဲ့ကြောင်း သိရှိရပါသည်။
DOCA(ဧရဝတီ)