ဟိုတယ်ဝန်ဆောင်မှုနှင့်ပတ်သက်၍ တိုင်ကြားလာမှုအပေါ် ဖြေရှင်းပေးမှုအခြေအနေ

      မန္တလေးတိုင်းဒေသကြီး၊ ချမ်းအေးသာစံမြို့နယ်နေ တိုင် ကြားသူတစ်ဦးသည် ပုဂံမြို့ရှိ ဟိုတယ်တစ်ခုသို့ လူအယောက် (၃၀) တည်းခိုခဲ့ရာ ရေကူးကန်ဘေးရှိ ဘန်ဂလိုများတွင် တည်း ခိုခဲ့ရာ အခန်းများမှာ ဘုတ်ပြားများဖြင့် ဆောက်ထားပြီး တစ် ဖက်ခန်းမှ လမ်းလျှောက်လျှင် လှုပ်နေခြင်း၊ စကားပြောသံ၊ အိမ်သာရေချသံများမှာ အတိုင်းသားကြားနေရခြင်း၊ ဟိုတယ်ဟု ဆိုင်းဘုတ်တင်ထား သော်လည်း တည်းခိုခန်းသာသာ Quality စံချိန်မမီသောကြောင့် ပေးရသည့် တန်ဖိုးနှင့် ဝန်ဆောင်မှု မကိုက်ညီခြင်းအပေါ် ငွေကြေးပေးချေရခြင်းများသည် စားသုံးသူအပေါ် မျှတမှုမရှိသဖြင့် ဟိုတယ်သို့ (၂) ရက်တည်းခိုမည့် အစီအစဉ်ဖြင့် ၁၁၂၇၀၀၀ ပေးသွင်းခဲ့ရာ (၁) ညသာတည်းခိုပြီး နောက်ရက်ဆက်မနေလိုပါသဖြင့် ပြောကြားရာ Booking တင်ပြီး မနေဖြစ်ခြင်း အား ဟိုတယ် Policy အတိုင်း တစ်ရက်စာ Booking ၏ ထက်ဝက်တောင်းပါသဖြင့် ညှိနှိုင်းရာ ၄၀၀,၀၀၀ ကျပ် ပေးအပ်ခဲ့ရပါသဖြင့်စားသုံးသူရေးရာဦးစီးဌာနသို့  တိုင်ကြားလာပါသည်။

ဖြေရှင်းဆောင်ရွက်မှုအခြေအနေ။    တိုင်ကြားမှုနှင့်ပတ်သက်၍ မန္တလေးတိုင်းဒေသကြီးဦးစီးမှူးရုံးမှ စားသုံးသူကာကွယ်ရေးဥပဒေပါ ပြဋ္ဌာန်းချက်များနှင့်စိစစ်ခဲ့ရာ လုပ်ငန်းရှင်မှ စားသုံးသူကာကွယ်ရေး ဥပဒေ ပုဒ်မ-၂၁(ဆ)နှင့် ပုဒ်မ-၂၆(ခ) တို့အား ဖောက်ဖျက်ကျူးလွန်ကြောင်း တွေ့ရှိရသည့်အတွက် တိုင်ကြားခံရသည့်ဟိုတယ်အား “သတိပေးခြင်း” အမိန့်ချမှတ်ခဲ့ပြီး နောက်နောင်တွင် အလားတူ ဖြစ်စဉ်မျိုး ထပ်မံမပေါ်ပေါက်စေရေး အထူးအလေးထား လိုက်နာဆောင်ရွက်ရန်နှင့် ဦးစီးမှူးရုံးမှ ချမှတ်သည့် စီမံခန့်ခွဲရေးဆိုင်ရာအမိန့်အား Hotel ပိုင်ရှင်လက်ဝယ်သို့ ပေးအပ်ဆောင်ရွက်ခဲ့ပြီးဖြစ် ပါကြောင်းနှင့် တိုင်ကြားသူမှလည်း မန္တလေးတိုင်းဒေသကြီး ဦးစီးမှူးရုံးမှ သတိပေးခြင်း အမိန့်ချ မှတ်ခဲ့မှုအပေါ် ကျေနပ်မှုရှိပါသည်။ တိုင်ကြားမှုအပေါ် ဆောင်ရွက်မှုအခြေအနေအား မန္တလေးတိုင်း ဒေသကြီး စားသုံးသူရေးရာကော်မတီသို့ တင်ပြခဲ့ရာ သတိပေးမိန့်ချမှတ်ခဲ့မှုအား ဟိုတယ်နှင့်ခရီး သွားလာရေးညွှန်ကြားမှုဦးစီးဌာန၊ မန္တလေးတိုင်းဒေသကြီးဦးစီးမှူးရုံးသို့ အကြောင်းကြားစာပေးပို့ သွားရန် ဆုံးဖြတ်ခဲ့ပါသဖြင့် စားသုံးသူကာကွယ်ရေးဥပဒေ ပုဒ်မ-၅၂(က)အရ သတိပေးခြင်းအမိန့် ချမှတ်ခဲ့ပြီးဖြစ်ပါကြောင်း သိရှိနိုင်ပါရန်နှင့် ဟိုတယ်နှင့် ခရီးသွားလာရေးညွှန်ကြားမှုဦးစီးဌာန အနေ ဖြင့် လုပ်ထုံးလုပ်နည်းများနှင့်အညီ ဆက်လက်ဆောင်ရွက်နိုင်ရေး အကြောင်းကြားစာပေးပို့ခဲ့ပြီး ဖြစ် ပါသဖြင့် တိုင်ကြားမှုအား ပိတ်သိမ်းဆောင်ရွက်ခဲ့ပါသည်။