ရန်ကုန်တိုင်းဒေသကြီး၊ အလုံမြို့နယ်နေ တိုင်ကြားသူတစ်ဦးသည် အစားအသောက်ပို့ဆောင်ရေး ကုမ္ပဏီတစ်ခုမှတစ်ဆင့် Junction City တွင် ဖွင့်လှစ်ထားသော Black Canyon ဆိုင်မှ ငွေကျပ် ၂၅,၁၅၅/- တန်ဖိုးရှိ Spicy Pan Fried Spaghetti တစ်ပွဲ အား CB Bank မှတဆင့် ငွေပေးချေ၍ မှာယူခဲ့ရာ Rider မှ Order အား လာရောက်ပို့ဆောင်ပေးခြင်း မရှိသည့်အပြင် Order တန်ဖိုးငွေအား ပြန်လည်အမ်းပေးခြင်း မရှိသောကြောင့် စားသုံးသူရေးရာဦးစီးဌာန၏ Website Complaint System မှတစ်ဆင့် တိုင်ကြားလာပါသည်။
ဖြေရှင်းဆောင်ရွက်မှုအခြေအနေ။ တိုင်ကြားမှုနှင့်ပတ်သက်၍ ဌာနမှ တာဝန်ရှိသူများက တိုင်ကြား ခံရသည့် အစားအသောက်ပို့ဆောင်ရေးကုမ္ပဏီမှ တာဝန်ရှိသူများထံ ဆက်သွယ်ဆောင်ရွက်ခဲ့မှု အပေါ် တိုင်ကြားခံရသည့်ကုမ္ပဏီမှ တိုင်ကြားသူသည် အစားအသောက်မှာယူရာ၌ ယခုကဲ့သို့ အဆင် မပြေမှုကြုံတွေ့ရခြင်းအပေါ် စိတ်မကောင်းဖြစ်ရပါကြောင်း၊ တိုင်ကြားသူအား ရုံးဘက်မှ ဖုန်းဖြင့် တိုက်ရိုက်ဆက်သွယ်ပြီး ကြုံတွေ့ခဲ့ရသော အဆင်မပြေမှုများအတွက် သေချာစွာတောင်းပန်စကား ပြောကြားခဲ့ပါကြောင်း၊ ထို့အပြင် အော်ဒါမရောက်ရှိဘဲ ဘဏ်ကဒ်မှ ငွေဖြတ်တောက်သွားခြင်းအပေါ် Refund Process ကိုလည်း ဆောင်ရွက်ပြီးဖြစ်သလို ဝန်ဆောင်မှုအသုံးပြုစဉ် အဆင်မပြေမှုများ ဖြစ်ပွားခဲ့သည့်အတွက် နောက်တစ်ကြိမ်မှာယူသည့်အခါ ကျေနပ်မှုရှိစေရန် Food Code ကိုလည်း ထည့်သွင်းပေးထားပြီးဖြစ်ပါကြောင်း အကြောင်းပြန်ကြားလာသဖြင့် ဌာနမှတာဝန်ရှိသူများသည် တိုင်ကြားသူထံ ဆက်သွယ်မေးမြန်းခဲ့ရာ အစားအသောက်ပို့ဆောင်ရေးကုမ္ပဏီမှ ဆောင်ရွက်ပေးမှု အပေါ် ကျေနပ်မှုရှိပါကြောင်းနှင့် တိုင်ကြားမှုအား ပိတ်သိမ်းလိုကြောင်း ပြောကြားလာသဖြင့် တိုင် ကြားမှုအား ၈-၅-၂၀၂၆ ရက်နေ့တွင် ပိတ်သိမ်းဆောင်ရွက်ခဲ့ပါသည်။