စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ မုံရွာခရိုင်ဦးစီးမှူးနှင့် မုံရွာမြို့နယ် တာဝန်ခံတို့သည် (၂၄.၆.၂၀၂၆) ရက်နေ့၊ နေ့လယ် (၁၃း၀၀) နာရီအချိန်တွင် မုံရွာမြို့နယ်၊ ထန်းတောရပ်ကွက်၊ အ.မ.က (မူလွန်) ကျောင်းတွင် ဆရာ/ ဆရာမ နှင့် ကျောင်းသား၊ ကျောင်းသူများအား ကုန်စည်နှင့် ဝန်ဆောင်မှုများ ဝယ်ယူသုံးစွဲရာတွင် ဘေးအန္တရာယ်ကင်းရှင်းစွာ ရွေးချယ်ဝယ်ယူစားသုံးနိုင်အတွက် ရည်ရွယ်၍ စားသုံးသူ အသိပညာပေးဟောပြော ဆောင်ရွက်ခဲ့ကြောင်း သိရပါသည်။
ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မုံရွာမြို့နယ်တာဝန်ခံ ဒေါ်ခင်မာချိုမှ မိတ်ဆက်စကားပြောကြားပြီး စားသုံးသူတိုင်းရရှိရမည့် အခွင့်အရေးနှင့် စားသုံးသူများမှ လိုက်နာဆောင်ရွက်ရမည့်တာဝန်များအကြောင်း၊ စားသုံးသူ၏ အဓိပ္ပါယ်ကို သိရှိနိုင်ရန် ရှင်းလင်းပြောကြားခြင်း၊ ကုန်စည်နှင့်ဝန်ဆောင်မှုများ ဝယ်ယူသုံးစွဲရာတွင် စားသုံးသူပြည်သူများ ဘေးအန္တရာယ်ကင်းရှင်းစေရေးနှင့် နစ်နာဆုံးရှုံးမှုများ မရှိစေရန်အတွက် သတိပြုဆောင်ရွက်ရမည့်အချက်များ၊ ကုန်စည်များဝယ်ယူသုံးစွဲရာတွင် ကုန်အညွှန်း အမှတ်အသားပြည့်စုံသည့်ကုန်စည်များကို ရွေးချယ်ဝယ်ယူရန်နှင့် နစ်နာဆုံးရှုံးမှုများ ဖြစ်ပေါ်လာပါက အလွယ်တကူတိုင်ကြားနိုင်သည့် နည်းလမ်းများကို ဟောပြောခဲ့ပြီးအဆိုပါ ဟောပြောပွဲတွင် ဆရာ/ ဆရာမ (၅)ဦးနှင့် ကျောင်းသား/ကျောင်းသူ (၁၀၄)ဦး၊ စုစုပေါင်း (၁၀၉)ဦး တက်ရောက်ခဲ့ကြောင်း သိရှိရပါသည်။
DOCA(စစ်ကိုင်း)