တနင်္သာရီတိုင်းဒေသကြီး၊ မြိတ်ခရိုင်သည်အသားငါးပေါကြွယ်ဝသောဒေသဖြစ်ပြီး သစ်သီး ဝလံပေါးများသောဒေသလည်းဖြစ်သည့်အပြင် ကြက်မောက်သီးများလည်းစိုက်ပျိုးသော ဒေသဖြစ် သည်။ ကြက်မောက်သီးသည် ဒေသထွက်ရာသီပေါ်သီးနှံဖြစ်ပြီး ယနေ့အချိန်တွင် စျေးကောင်း ရရှိကြောင်းသိရှိရပါသည်။ ကြက်မောက်သီးသည် မိုးရာသီဖြစ်သော မေလအကုန်၊ ဇွန်၊ ဇူလိုင်လတို့ တွင် အများဆုံးထွက်ရှိပြီး ယခင်နှစ်ထက်ယခုနှစ်တွင်ပို၍ စျေးကောင်းရရှိကြောင်းသိရှိရပါသည်။ မြိတ်မြို့တွင်ယခင်ကဇူလိုင်လလယ်အထိထွက်ရှိချိန်တွင် ယခုဇွန်လအကုန်တွင် အချို့ကြက်မောက် ပင်များမှာအသီးထွက်ရှိမှု မရှိတော့ကြောင်းသိရှိရပါသည်။ မြိတ်ဒေသတွင် ကြက်မောက်သီးကိုမြို့ရှိ ခြံများနှင့် ကျေးရွာများတွင် အများဆုံးစိုက်ပျိုးကြပြီး ဒေသတွင်းစျေးကွက်တွင် အဓိကဖြန့်ဖြူးကာ တခါတစ်ရံ ရန်ကုန်မြို့သို့တင်ပို့လျက်ရှိကြောင်းသိရှိရပါသည်။ စိုက်ပျိုးသူများကအလုံးကြွေလိုက် ဖြစ်စေ အခက်ပါအတွဲလိုက်ဖြစ်စေရောင်းချကြပြီး အလုံးကြွေနှင့်အတွဲလိုက်တွင် အတွဲလိုက်က ပို၍စျေးကောင်းရရှိလျက်ရှိပါသည်။ ဒေသတွင်းစျေးကွက်တွင် လိုသလောက်မရရှိနိုင်သဖြင့် စျေး ကောင်းပိုမိုရရှိလာပြီး ယခင်နှစ်ကမြိတ်ဒေသတွင် ကြက်မောက်သီး (၂၀)လုံးပါတစ်တွဲလျှင် ၁၅၀၀ ကျပ်မှ ၃၅၀၀ကျပ်ထိသာ စျေးပေါက်ခဲ့သော်လည်း ယခုနှစ်တွင် ကြက်မောက်သီး (၂၀)လုံးပါ တစ်တွဲလျှင် ၃၅၀၀ ကျပ် မှ ၆၀၀၀ ကျပ်ထိ စျေးရရှိခဲ့ကြောင်းသိရှိရပါသည်။ အလုံးကြွေအနေဖြင့် တစ်လုံး ၂၀၀ကျပ်ဖြင့်ရောင်းချလျက်ရှိကြောင်းသိရှိရပါသည်။
DOCA(တနင်္သာရီ)