စားသုံးသူများအနေဖြင့် ကုန်ပစ္စည်း သို့မဟုတ် ဝန်ဆောင်မှုနှင့်ပတ်သက်၍ စားသုံးသူအခွင့်အရေး ထိခိုက်နစ်နာမှုများ၊ မလုံခြုံသောကုန်ပစ္စည်းများ၊ ကုန်အညွှန်းအမှတ်အသား မပြည့်စုံသောကုန်ပစ္စည်းများ၊ သက်တမ်းလွန်ကုန်ပစ္စည်းများ ရောင်းချခြင်းနှင့် အခြားစားသုံးသူအခွင့်အရေး ချိုးဖောက်ခံရသည့်ကိစ္စရပ်များကို Consumer Call Center (1535) သို့ ဆက်သွယ်၍ အခမဲ့တိုင်ကြားနိုင်ကြောင်းကို ပန်းတနော်မြို့နယ် စားသုံးသူရေးရာဦးစီးဌာနမှ ရပ်ကွက်နေပြည်သူများကို မြို့နယ်အထွေထွေအုပ်ချုပ်ရေးဦးစီးဌာန ရုံးခန်းတွင် အသိပညာပေးခဲ့ကြောင်း သိရသည်။
ပန်းတနော်မြို့နယ် အလယ်ပိုင်းရပ်ကွက်နေ ပြည်သူများကို အသိပညာပေးရာ စားသုံးသူအခွင့်အရေး နစ်နာမှုရှိလာပါက တိုင်ကြားရာတွင် ဖြစ်စဉ်အသေးစိတ်၊ ဝယ်ယူခဲ့သည့် ဆိုင်အမည်၊ ဝယ်ယူသည့်နေ့ရက်၊ ပြေစာ (ရှိပါက)၊ ကုန်ပစ္စည်းဓာတ်ပုံနှင့် သက်သေအထောက်အထားများကို ပူးတွဲတင်ပြပေးပါက စုံစမ်းစစ်ဆေးဆောင်ရွက်ရာတွင် ပိုမိုထိရောက်ကြောင်း၊ ဆက်သွယ်ဆောင်ရွက်ရာတွင် Consumer Call Center (1535) လိုင်းခွဲ(၁၊၂၊၃)အား ရုံးချိန်အတွင်း ဆက်သွယ်ဆောင်ရွက်နိုင်ကြောင်းကိုလည်းကောင်း Consumer Call Center (1535) သည် စားသုံးသူများ၏ တိုင်ကြားချက်များကို လက်ခံ၍ သက်ဆိုင်ရာဌာနများနှင့် ချိတ်ဆက်ညှိနှိုင်းကာ ဥပဒေနှင့်အညီ ဆောင်ရွက်ပေးလျက်ရှိပြီး စားသုံးသူများ၏ အခွင့်အရေးကာကွယ်ရေးနှင့် တရားမျှတသော ဈေးကွက်စနစ် ဖြစ်ပေါ်စေရေးအတွက် အရေးပါသော ဝန်ဆောင်မှုတစ်ရပ်ဖြစ်ကြောင်းကို အကျယ်တဝင့် ရှင်းလင်းဟောပြောခဲ့ပြီး တိုင်ကြားမှုကို ဖြေရှင်းဆောင်ရွက်ပေးခဲ့သည့် ဖြစ်စဉ်များကို ဟောပြောပေးခဲ့ကြောင်း တက်ရောက်သူ ပြည်သူ ၈၀ဦးတက်ရောက်ခဲ့ကြောင်း သိရှိရပါသည်။
DOCA(ဧရာဝတီ)