စားသုံးသူရေးရာဦးစီးဌာန၊ ဟင်္သာတခရိုင်၊ ဟင်္သာတမြို့နယ် လယ်တော်ကျေးရွာအုပ်စု၊ ခရိုင် ဆီလုပ်ငန်းရှင်အသင်းရုံး၌ ၂၀၂၆ ခုနှစ် ဇူလိုင်လ ၁၉ ရက်နေ့ နံနက်(၁၀:၃၀)နာရီအချိန်တွင် ဟင်္သာတမြို့နယ်ဦးစီးမှူးသည် ဟင်္သာတမြို့ပေါ် ကုန်စုံဆိုင်လုပ်ငန်းရှင်များ၊ ကုန်စို/ကုန်ခြောက်ရောင်းချသူလုပ်ငန်းရှင်များနှင့် ဆီလုပ်ငန်းရှင်များအား ကုန်အညွှန်းအမှတ်အသားဖော်ပြခြင်းနှင့် စီးပွားရေးလုပ်ငန်းရှင်၏တာဝန်များအကြောင်း အသိပညာပေးဟောပြောခြင်းကို ဆောင်ရွက်ခဲ့ကြောင်း သိရသည်။
ထိုသို့ဆောင်ရွက်ရာတွင် ၂၀၁၅ ခုနှစ် စားသုံးသူကာကွယ်ရေးဥပဒေပါ အခန်း ၁၀ ပုဒ်မ (၂၁) တွင် ဖော်ပြထားသော စီးပွားရေးလုပ်ငန်းရှင်များ တာဝန်ယူဆောင်ရွက်ရမည့် စားသုံးသူကိုခွဲခြားမှုမရှိဘဲ စီးပွားရေးကျင့်ဝတ်၊ စည်းကမ်းနှင့်အညီ ဖြောင့်မတ်မှန်ကန်စွာဆောင်ရွက်ခြင်း၊ ကုန်စည်နှင့် စပ်လျဉ်း၍ သတ်မှတ်ထားသည့်အရည်အသွေး စံသတ်မှတ်ချက်များအပေါ် အခြေခံ၍ အာမခံချက်ပေးခြင်း၊ အာမခံကာလအတွင်း ပျက်စီးဆုံးရှုံးမှုအတွက် တာဝန်ယူဆောင်ရွက်ပေးခြင်း၊ ရိုးရှင်းမှန်ကန်သော သတင်းအချက်အလက်များပေးခြင်းကို လိုက်နာဆောင်ရွက်ရမည်ဖြစ်ကြောင်း၊ မြန်မာနိုင်ငံ စားသုံးသူကာကွယ်ရေးကော်မရှင်က ထုတ်ပြန်ကြော်ငြာထားသော ညွှန်ကြားချက်အမှတ် (၁/၂၀၁၉) နှင့်အညီ ကုန်စည်များတွင် မြန်မာဘာသာဖြင့်ဖြစ်စေ၊ မြန်မာနှင့်အခြားဘာသာ တွဲလျက်ဖြစ်စေ ဖော်ပြရမည့် သုံးစွဲပုံအညွှန်း၊ ဓါတ်မတည့်ကြောင်းဖော်ပြချက်၊ ကြိုတင်သတိပေးချက်များ၊ ဘေးထွက်ဆိုးကျိုး ဖော်ပြချက်များကို သိသာထင်ရှားစွာ ဖော်ပြရမည်ဖြစ်ပြီး လိုက်နာဆောင်ရွက်ရန်လိုအပ်ကြောင်း စသည်တို့ကို အသိပညာပေးဟောပြောခဲ့သည်ဟု သတင်းရရှိပါသည်။
DOCA (ဧရာဝတီ)