(၁၈.၇.၂၀၂၆) ရက်နေ့တွင် ဓနုဖြူမြို့နယ်၊ အမှတ်(၂)ရပ်ကွက်ရှိ မဝေပွဲရုံ (ပိုင်ရှင် ဦးနိုင်ဝင်း) သို့ စားသုံးသူရေးရာဦးစီးဌာနမှ သက်ဆိုင်ရာတာဝန်ရှိသူများက ကွင်းဆင်း၍ ပြောင်းနှင့် မတ်ပဲလက်ကျန်အခြေအနေ၊ ဈေးနှုန်းဖြစ်ပေါ်နေမှုများကို စစ်ဆေးခဲ့ကြောင်း သိရသည်။
ကွင်းဆင်းစစ်ဆေးချက်အရ ပြောင်းလက်ကျန် (၁)တင်းခွဲဝင် အိတ် (၁၀၀) ရှိပြီး စုစုပေါင်း (၁၅၀)တင်းရှိကြောင်း သိရသည်။ လက်ရှိဈေးကွက်တွင် ပြောင်းတစ်တင်းလျှင် ကျပ် ၃၀,၀၀၀ မှ ၃၃,၀၀၀ အတွင်း အရောင်းအဝယ်ဖြစ်ပေါ်လျက်ရှိကြောင်း စုံစမ်းသိရှိရသည်။
ထို့ပြင် မတ်ပဲလက်ကျန် (၄,၅၀၀)တင်းရှိပြီး လက်ရှိပေါက်ဈေးမှာ မတ်ပဲတစ်တင်းလျှင် ကျပ် ၁၁၃,၁၀၀ ခန့်ဖြင့် အရောင်းအဝယ်ဖြစ်ပေါ်နေကြောင်း ကွင်းဆင်းစစ်ဆေးချက်များအရ သိရသည်။
အဆိုပါ ကွင်းဆင်းစစ်ဆေးမှုကို ဒေသတွင်း သီးနှံလက်ကျန်အခြေအနေ၊ ဈေးကွက်ဖြစ်ပေါ်မှုနှင့် ကုန်သွယ်စီးဆင်းမှုအခြေအနေများကို သိရှိနိုင်ရေးအတွက် ဆောင်ရွက်ခဲ့ကြောင်း သိရှိရပါသည်။
DOCA(ဧရာဝတီ)