စစ်ကိုင်းတိုင်းဒေသကြီး၊ ရွှေဘိုခရိုင်၊ ရွှေဘိုမြို့ စည်ပင်သာယာဈေးကြီးအတွင်း၊ အပြင်၊ ဈေးကြီး အနီးပတ်ဝန်းကျင်နှင့် မြို့ပေါ်ရှိနေရာအသီးသီးတွင် ဆောင်းရာသီပေါ်ပန်းမုန်လာများ ရောင်းချလျက် ရှိကြောင်း သိရှိရသည်။
ရွှေဘိုမြို့တွင်ရောင်းချလျက်ရှိသော ပန်းမုန်လာများကို ရွှေဘိုခရိုင်အတွင်းရှိ ရွှေဘိုမြို့နယ် ညောင်ပင်သာကျေးရွာနှင့် ခင်ဦးမြို့နယ်အတွင်းရှိ ညောင်ပင်ကြီးစုကျေးရွာ၊ သပွတ်တောကျေးရွာ၊ ထန်းကုန်းကျေးရွာ၊ မှန်တောကျေးရွာများတွင်စိုက်ပျိုးကြပြီး စိုက်ပျိုးသူများမှ နေ့စဉ်ကားများဖြင့် လာရောက် ဖောက်သည်ပေးကြကြောင်း၊ တစ်ဆင့်ပြန်လည်ရောင်းချသူများမှ တစ်နေ့ရောင်းချ၍ ကုန်သလောက်သာ ဝယ်ယူကြကြောင်း၊ ဝယ်ယူရသည့်ဈေးနှုန်းမှာ အပွင့်လှပါက တစ်ပွင့်လျှင် (၃၀ဝိ/-)၊ (၄၀ဝိ/-) ဖြစ်ပြီး ပြန်လည်ရောင်းချသည့်ဈေးနှုန်းမှာ တစ်ပွင့်လျှင်(၅၀ဝိ/-)၊ (၆၀ဝိ/-)စသည်ဖြင့် အပွင့်အကြီး အသေးအပေါ်မူတည်၍ ရောင်းချကြောင်း သိရှိရပါသည်။ ဆောင်းရာသီဖြစ်သဖြင့် အခြားသော ရာသီပေါ် ဟင်းသီးဟင်းရွက်အစုံဖြင့်တွဲဘက်ရောင်းချရသဖြင့် ဈေးနှုန်းချိုသာပြီး ဟင်းတစ်ခွက်ဖြစ်သည့် ပန်းမုန်လာသည်လည်း ရောင်းအားကောင်းကြောင်း၊ ဈေးသည်တစ်ဦးအနေဖြင့် တစ်ရက်လျှင် အပွင့်(၅၀)ကျော်ခန့် ရောင်းချရသဖြင့် တွက်ခြေကိုက်ကြောင်း သတင်းရရှိပါသည်။
DOCA(စစ်ကိုင်း)