စားသုံးသူကာကွယ်ရေးအသိပညာပေး (Talk Show)ကို ၂၀၂၂ ခုနှစ် ဒီဇင်ဘာလ ၁၉ ရက်နေ့၊ နံနက် ၁၁း၀၀ နာရီအချိန်တွင် စားသုံးသူရေးရာဦးစီးဌာန၊ မော်လမြိုင်ခရိုင်၊ ကျိုက်မရောမြို့နယ်တာဝန်ခံ ဦးအောင်ညီညီခန့်၊ ကျိုက်မရောမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်ချိုမြတ်မြတ်ထွေးတို့က ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre ၌ Talk Show ဖြင့် အသိပညာပေးဆောင်ရွက်ခဲ့ကြောင်းသိရပါသည်။
အဆိုပါ TalK Show တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်ချိုမြတ်မြတ်ထွေးမှ ပြည်သူ့အတွက် စားသုံးသူကာကွယ်ရေးအသိပညာရရှိစေရေး အသိပညာပေးဆွေးနွေးပွဲဖြစ်ကြောင်း၊ စားသုံးသူရေးရာဦးစီးဌာန၊ မော်လမြိုင်ခရိုင်၊ ကျိုက်မရောမြို့နယ်တာဝန်ခံဦးအောင်ညီညီခန့်က စားသုံးသူရေးရာဦးစီးဌာန၏ စားသုံးသူတို့၏အခွင့်အရေး(၈)ချက်ကိုလည်းကောင်း၊ စားသုံးသူအခွင့်အရေးများကို သိရှိပြီးရယူနိုင်ရန်၊ စားသုံးသူဆုံးရှုံးနစ်နာမှုရှိလာပါက တိုင်ကြားနိုင်သည့်နေရာများနှင့် စားသုံးသူရေးရာဦးစီးဌာန၏လုပ်ရှားဆောင်ရွက်ချက်များ။ နေရာဒေသစုံစွာ ဟောပြောပွဲများဆောင်ရွက်နေမှုများ၊ စားသုံးသူရေးရာဦးစီးဌာန၏ Webiste www.doca.gov.mm တွင်လေ့လာနိုင်ကြောင်း စားသုံးသူကာကွယ်ရေးအသိပညာပေးခြင်းဖြင့် ပြည်သူ့အတွက် များစွာအကျိုးကျေးဇူးရရှိကြောင်း ပြောကြားခဲ့ပါသည်။ ထို့အပြင် ယခုလို ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်ပူးပေါင်းဆောင်ရွက်ခြင်း Talk Show အစီအစဉ်ဖြင့်လည်း ပြည်သူ့များ ကျယ်ကျယ်ပြန့်ပြန့်သိရှိစေမည်ဖြစ်သည့်အတွက် ကျေးဇူးတင်ပါသည်ဟု ဆွေးနွေးပြောကြားခဲ့ကြောင်း သတင်းရရှိပါသည်။
DOCA(မွန်)