“ ဒလမြို့နယ်အတွင်းရှိ စားအုန်းဆီကိုယ်စားလှယ်များ၏ စားအုန်းဆီလက်လီဖြန့်ဖြူးရောင်းချမှု အခြေအနေများအပေါ်မြေပြင်ကွင်းဆင်းစစ်ဆေးခြင်း ”

           ရန်ကုန်တိုင်းဒေသကြီး၊ တွံတေးခရိုင်၊ ဒလမြို့နယ်၊ မြို့မ(၄)ရပ်ကွက်တွင် စားအုန်းဆီရောင်းချနေမှုအား မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးဦးစီးဌာန၊ မြို့နယ်စားသုံးသူရေးရာဦးစီးဌာနနှင့် ရပ်ကွက်အုပ်ချုပ်ရေးမှူးတို့ပါဝင်သော ပူးပေါင်းအဖွဲ့ဖြင့်  စက်တင်ဘာလ(၂၂)ရက်နေ့၊ နံနက်(၀၉:၃၀)နာရီအချိန်တွင် ဈေးကွက်စောင့်ကြည့်စစ်ဆေးမှုများ ဆောင်ရွက်ခဲ့ကြောင်း သိရသည်။

         ထိုသို့ ကွင်းဆင်းစစ်ဆေးခဲ့ရာတွင် မြို့နယ်စားသုံးသူရေးရာဦးစီးဌာန မြို့နယ်တာဝန်ခံမှ အိမ်ထောင်စုများ၏ စားအုန်းဆီခွဲတမ်းရရှိမှုအခြေအနေ၊ ဖြန့်ဖြူးရမည့် ရပ်ကွက်၊ ကျေးရွာအုပ်စုအလိုက် သတ်မှတ်ခွဲ့တမ်းများအတိုင်း ဖြန့်ဖြူးနေမှုအခြေအနေနှင့် ရပ်ကွက်၊ ကျေးရွာအုပ်စုများရှိ စားအုန်းဆီအရောင်းတာဝန်ခံများအနေဖြင့် မိမိတို့၏ ကျေးရွာအုပ်စုအတွင်းရှိ စားသုံးသူ ပြည်သူများထံသို့ သတ်မှတ်ခွဲတမ်းအပြည့်အဝ လက်လီပြန်လည်ဖြန့်ဖြူးရောင်းချနေမှုစာရင်းများအား မှတ်တမ်းစာအုပ်များ စနစ်တကျပြုစုထားရှိရန်နှင့် သက်ဆိုင်ရာဌာနများ၊ အဖွဲ့အစည်းများမှ ရှောင်တခင်ကွင်းဆင်းစစ်ဆေးသည့်အခါ တိကျစွာဖြင့် ရှင်းလင်းပြသနိုင်ရေးနှင့် စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ်ကင်းရှင်းသော စားသုံးဆီများကို သင့်တင့်သောဈေးနှုန်းဖြင့် ဝယ်ယူစားသုံးနိုင်ရန်နှင့် ပြည်တွင်းလိုအပ်ချက်များကို ဖြည့်ဆည်းပေးနိုင်ရန် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားအုန်းဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီက ဆောင်ရွက်ပေးလျက်ရှိကြောင်း စားသုံးသူကာကွယ်ရေး အသိပညာပေးပြောကြားခြင်းတို့ ဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)