ရန်ကုန်တိုင်းဒေသကြီး၊ တွံတေးခရိုင်၊ ဒလမြို့နယ်၊ ဗိုလ်ရန်ပြေရပ်ကွက်၊ Gold Star မုန့်လုပ်ငန်းပိုင်ရှင်အား စားသုံးသူရေးရာဦးစီးဌာန မြို့နယ်တာဝန်ခံမှ စက်တင်ဘာလ(၂၃)ရက်နေ့၊ နံနက်(၁၀:၀၀)နာရီအချိန်တွင် လုပ်ငန်းရှင်အသိပညာပေး ဆွေးနွေးဟောပြောခဲ့ကြောင်း သိရ သည်။
ထိုသို့ အသိပညာပေး ဆွေးနွေးဟောပြောခဲ့ရာတွင် စားသုံးသူရေးရာဦးစီးဌာန ဒလမြို့နယ် တာဝန်ခံမှ စားသုံးသူပြည်သူများ ဘေးအန္တရာယ်ကင်းရှင်းစေရေးနှင့် ထုတ်ကုန်များလုံခြုံစိတ်ချရ မှုရှိစေရေးတို့အတွက် စားသုံးသူကာကွယ်ရေးဥပဒေကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် ၂၀၁၉ ခုနှစ် မတ်လ ၁၅ ရက်နေ့တွင် အတည် ပြု ပြဌာန်းနိုင်းခဲ့ပြီး ၎င်းဥပဒေပါ စီးပွားရေးလုပ်ငန်းရှင်များအနေဖြင့် ကုန်သွယ်မှုပြုရန်နှင့် ထုတ်လုပ်မှုပြုရန်အလို့ဌာ ကုန်စည်(သို့မဟုတ်)ဝန်ဆောင်မှုနှင့် စပ်လျဉ်း၍ သက်ဆိုင်ရာအစိုးရဌာန အစိုးရအဖွဲ့အစည်းများက သတ်မှတ်ထားသည့် အရည်အသွေးစံသတ်မှတ်ချက်များနှင့် လုပ်ငန်းအနေဖြင့် မိမိတို့ထုတ်လုပ်သည့် ကုန်စည်နှင့်ဝန်ဆောင်မှုအမျိုးမျိုးတို့တွင် မဖြစ်မနေထည့်သွင်းဖော်ပြရမည့် ကုန်အညွှန်းအမှတ်အသားများအား စားသုံးသူများ ဘေးအန္တရာယ်ကင်းရှင်းစေရန်အတွက် မဖြစ်မနေထည့်သွင်းဖော်ပြရမည်ဖြစ်ကြောင်း၊ စီးပွားရေးလုပ်ငန်းရှင်များမှ လုပ်ငန်းများလုပ်ကိုင်ဆောင်ရွက်ရာတွင် စီးပွားရေးလုပ်ငန်းကျင့်ဝတ်၊ စည်းကမ်းချက်များနှင့်အညီ စားသုံးသူပြည်သူများ နစ်နာဆုံးရှုံးမှု ဖြစ်ပွားစေမည့် ကုန်စည်ထုတ်လုပ် ဖြန့်ဖြူးရောင်းချခြင်းများ မပြုလုပ်ကြရန် အကျယ်တဝင့် ဆွေးနွေးပြောကြားခဲ့ကြောင်း သိရှိရပါသည်။
DOCA(ရန်ကုန်)