( ၂၁.၉.၂၀၂၆ ) ရက်နေ့တွင် ကလေးဝမြို့၊ အမှတ် ( ၂ ) အခြေခံပညာ မူလတန်းလွန်ကျောင်းဝန်းအတွင်း ရောင်းချနေသည့် ကျောင်းမုန့်ဈေးတန်းအား မြို့နယ်အဆင့် ဌာနဆိုင်ရာတာဝန်ရှိ အကြီးအကဲများက ကျောင်းစျေးတန်းရှိ စျေးဆိုင်များအား ကျန်းမာရေးနှင့် ညီညွတ်စွာရောင်းချခြင်း ရှိ/ မရှိ ဈေးကွက်စောင့်ကြည့် စစ်ဆေးခဲ့ကြကြောင်း သိရှိရပါသည်။
ဈေးကွက်စောင့်ကြည့်စစ်ဆေးရာတွင် ကျောင်းမုန့်ဈေးတန်းတွင် ရောင်းချနေသော မုန့်များအနေဖြင့် ကျန်းမာရေးနှင့် ညီညွတ်သည့် အစားအစာများ ရောင်းချရန်၊ စားသုံးရန်မသင့် ထုတ်ပြန်ထားသော အစားအသောက်များ ရောင်းချခြင်းမပြုရန်၊ သက်တမ်းလွန် အစားအသောက်များနှင့် အတုယူမှားနိုင်ဖွယ်ရှိသော စီးကရက်ပုံ ချိုချဉ်များ၊ အရက်ပုလင်းပုံ အချိုရည်ပုလင်းများ ရောင်းချခြင်းမပြုရန် ပြောကြားခဲ့ကြပြီး စားသုံးသူရေးရာဦးစီးဌာနမှ ဦးကျော်ကျော်မိုး (မြို့နယ်တာဝန်ခံ) က ကုန်အညွှန်းအမှတ်အသားပြည့်စုံသည့် အစားအသောက်များကိုသာ အဓိကထားရောင်းချကြရန် ပညာပေးခြင်းများ ပြုလုပ်ခဲ့ကြပြီး ကျန်းမာရေးဦးစီးဌာနမှလည်း အသုပ်များရောင်းချရာတွင် လက်အိတ်များကို စနစ်တကျ အသုံးပြုကြရန်နှင့် စနစ်တကျဖုံးအုပ်၍ ရောင်းချကြရန် ပြောကြားခဲ့ကြကြောင်း သိရှိရပါသည်။
DOCA(စစ်ကိုင်း)