ကယားပြည်နယ်တွင် စိုက်ပျိုးထွက်ရှိသော ကန်စွန်းရွက်သည် ဒေသခံများ နေ့စဉ်စားသုံးကြ သော ဟင်းသီးဟင်းရွက်တစ်မျိုးဖြစ်ပြီး ဒေသ၏ဈေးကွက်အတွင် အရောင်းအဝယ်ဖြစ်လျက်ရှိပါ သည်။ ကန်စွန်းရွက်သည် စိုက်ပျိုးပြီးနောက် အချိန်တိုအတွင်း ခူးဆွတ်ရောင်းချနိုင်သည့်အပြင် တစ်ကြိမ်စိုက်ပျိုးပြီး အကြိမ်ကြိမ် ခူးဆွတ်နိုင်သောကြောင့် တောင်သူများအတွက် ပုံမှန်ဝင်ငွေ ရရှိနိုင်သော ဟင်းရွက်တစ်မျိုးဖြစ်သည်။ ထို့အပြင် ကန်စွန်းရွက်ကို လတ်ဆတ်စွာစားသုံးကြသော ကြောင့် ခူးဆွတ်ပြီးနောက် အချိန်ကြာကြာမထားဘဲ ဈေးကွက်သို့ အမြန်တင်ပို့ရောင်းချရန်လိုအပ် ပါသည်။
ကယားပြည်နယ်ထွက် ကန်စွန်းရွက်များကိုအများအားဖြင့် ဒေသအတွင်းဈေးများ၊ ရပ်ကွက် ဈေးဆိုင်များ၊ ဟင်းသီးဟင်းရွက်ဆိုင်များနှင့် စားသောက်ဆိုင်များသို့ ရောင်းချနိုင်သည်။ ကန်စွန်း ရွက်၏ဈေးနှုန်းမှာ ရာသီအလိုက် ထွက်ရှိမှုပမာဏ၊ စားသုံးသူဝယ်လိုအား၊ ရာသီဥတု၊ သယ်ယူပို့ ဆောင်ရေးစရိတ်နှင့် အရွက်၏ လတ်ဆတ်မှုအပေါ်မူတည်၍ ဈေးအတက်အကျရှိနိုင်ပါသည်။
ကန်စွန်းရွက်သည် ပုပ်လွယ်ညှိုးလွယ်သော ဟင်းရွက်ဖြစ်သောကြောင့် ခူးဆွတ်ပြီးနောက် သန့်ရှင်းစွာစုစည်းခြင်း၊ အရွယ်အစားနှင့် အရည်အသွေးအလိုက်ခွဲခြားခြင်း၊ အရိပ်ရပြီးအေးမြသော နေရာတွင် ထားရှိခြင်းနှင့် ဈေးကွက်သို့အချိန်မီ ပို့ဆောင်ခြင်းတို့ကို ပြုလုပ်ရန်အရေးကြီးသည်။ အရည်အသွေးကောင်းပြီးလတ်ဆတ်သော ကန်စွန်းရွက်များသည် စားသုံးသူများ၏ ဝယ်လိုအား ပိုမို ရရှိနိုင်သဖြင့် ဈေးကောင်းရရှိနိုင်သည်။ ထို့ကြောင့် ကယားပြည်နယ်တွင် ကန်စွန်းရွက်ကို စနစ်တ ကျစိုက်ပျိုးပြီး ဈေးကွက်အခြေအနေနှင့် ကိုက်ညီအောင်ခူးဆွတ်ရောင်းချနိုင်ပါက တောင်သူများ အတွက် နေ့စဉ်စားသုံးမှုရှိပြီး ဝင်ငွေရရှိနိုင်သော ဟင်းရွက်တစ်မျိုးဖြစ်ပါသည်။ လွိုင်ကော်မြို့ပေါ်ရှိ သီရိမင်္ဂလာဈေးတွင် ကန်စွန်းရွက် တစ်စည်းကို (၅၀၀) ကျပ်ဖြင့် ရောင်းချလျှက်ရှိကြောင်း ဈေးသည်တစ်ဦးထံမှ သိရှိရပါသည်။
DOCA(ကယား)