![](http://www.doca.gov.mm/sites/default/files/styles/consumer_inner_image__847x424_/public/ရွှေဘို.jpg?itok=9AgqsCeq)
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန စစ်ကိုင်းတိုင်းဒေသကြီး၊ ရွှေဘိုခရိုင် ဦးစီးမှူးရုံးမှ တာဝန်ရှိသူများသည် ကုန်စည်များ ထုတ်လုပ်၊ ဖြန့်ဖြူး၊ ရောင်းချရာတွင် ဥပဒေနှင့်အညီ ဆောင်ရွက်ရန် လုပ်ငန်းရှင်များ သိသင့်သည့် စားသုံးသူကာကွယ်ရေးဥပဒေအကြောင်း သိကောင်းစရာများ ဆွေးနွေးပွဲကို ၁၉.၂.၂၀၂၀ ရက်နေ့တွင် ရေဦးမြို့နယ်ရှိ စီးပွားရေးလုပ်ငန်းရှင်များနှင့် တန့်ဆည်မြို့နယ်ရှိ စီးပွားရေးလုပ်ငန်းရှင်များကို လည်းကောင်း၊ ၂၀.၂.၂၀၂၀ ရက်နေ့တွင် ဝက်လက်မြို့နယ်ရှိ စီးပွားရေးလုပ်ငန်းရှင်များကို လည်းကောင်း၊ ၂၁.၂.၂၀၂၀ ရက်နေ့တွင် ခင်ဦးမြို့နယ်ရှိ စီးပွားရေးလုပ်ငန်းရှင်များကိုလည်းကောင်း သက်ဆိုင်ရာ မြို့နယ်စီမံခန့်ခွဲမှုကော်မတီရုံးများရှိ အစည်းအဝေးခန်းမ၌ ကျင်းပခဲ့ပါသည်။
ဆွေးနွေးပွဲတွင် စားသုံးသူကာကွယ်ရေးဥပဒေအခန်း (၁၈) ပါ ကုန်အညွှန်းအမှတ်အသားဖော်ပြခြင်းနှင့် မြန်မာနိုင်ငံစားသုံးသူကာကွယ်ရေးကော်မရှင်က ထုတ်ပြန်ထားသည့် ညွှန်ကြားချက်အမှတ်(၂/၂၀၁၉)တို့အား အသေးစိတ်ရှင်းလင်းဆွေးနွေးပြီး စီးပွားရေးလုပ်ငန်းရှင်များမှ သိရှိလိုသည်များကို မေးမြန်းခြင်းများ ဆောင်ရွက်ခဲ့ပြီး ဥပဒေအခန်း (၁၈)ပါ ကုန်အညွှန်းအမှတ်အသားဖော်ပြခြင်းနှင့် မြန်မာနိုင်ငံစားသုံးသူကာကွယ်ရေးကော်မရှင်က ထုတ်ပြန်ထားသည့် ညွှန်ကြားချက်အမှတ်(၂/၂၀၁၉) တို့အား ဖြန့်ဝေခဲ့ကြောင်း သတင်းရရှိပါသည်။
စစ်ကိုင်းတိုင်းဒေသကြီး
စားသုံးသူရေးရာဦးစီးဌာန