![](http://www.doca.gov.mm/sites/default/files/styles/consumer_inner_image__847x424_/public/17_1.jpg?itok=TsUsFjh3)
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ဒိုက်ဦးမြို့နယ် တာဝန်ခံနှင့် ဝန်ထမ်းများသည် ဒီဇင်ဘာလ ၂၀ ရက်နေ ၊ နေ့လယ် (၁း၀၀)နာရီအချိန်က ညောင်လေးပင်ခရိုင်၊ ဒိုက်ဦးမြို့ အ.ထ.က(၂)တွင် ကျင်းပပြလုပ်သော လူငယ်စကားဝိုင်းတွင် မြို့နယ်အထွေထွေအုပ်ချုပ်ရေးမှူး၊ မြို့နယ်အမျိုးသမီးရေးရာ၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အားကစားနှင့်ကာယပညာဦးစီးဌာနတို့နှင့်ပူးပေါင်း၍ ကျောင်းသား/သူများအား စားသုံးသူကာကွယ်ရေးဆိုင်ရာသိကောင်းစရာများကို အသိပညာပေးဟောပြောခဲ့ပါသည်။
ဟောပြောပွဲတွင် စားသုံးသူရေးရာဦးစီးဌာန၊ ဒိုက်ဦးမြို့နယ်တာဝန်ခံက စားသုံးသူရေးရာဦးစီးဌာနပေါ်ပေါက်လာပုံ၊ စားသုံးသူအခွင့်အရေးများနှင့် စားသုံးသူရေးရာဦးစီးဌာနက ဆောင်ရွက်လျက်ရှိသည့် စားသုံးသူကာကွယ်ရေးအကြောင်းအရာများကိုလည်းကောင်း၊ ဈေးကွက်အတွင်း ရောင်းချလျက်ရှိသောကုန်ပစ္စည်းများတွင် ကုန်အညွှန်းအမှတ်အသားများ ပြည့်စုံမှန်ကန်စွာပါဝင်နိုင်ရေးအတွက် မိမိတို့ဌာနမှ စစ်ဆေးရေးအရာရှိများခန့်အပ်၍ ဈေးကွက်အတွင်း စစ်ဆေးနေခြင်းများ၊ ကျောင်းသား/သူများအနေဖြင့် အစားအသောက်၊ ကုန်ပစ္စည်းတစ်ခုခုအား ဝယ်ယူအသုံးပြုမည်ဆိုပါက ကုန်အညွှန်းအမှတ်အသားကို သေချာစွာဖတ်ရှု၍ သုံးစွဲသင့်ကြောင်းကို ဆွေးနွေးဟောပြောပြီး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။
အဆိုပါဟောပြောပွဲသို့ ကျောင်းသား/သူ (၂၀၀) ဦးတက်ရောက်ခဲ့ကြောင်း သိရှိရပါသည်။
DOCA(ပဲခူး)