၂၀၂၂ ခုနှစ် ဒီဇင်ဘာလ နောက်ဆုံးပတ်အတွင်း မုံရွာမြို့နယ်ထွက် အခြေခံစားကုန်များဖြစ်သော ရွှေဘိုပေါ်ဆန်း(ဆန်)တစ်ပြည်လျှင် (၃၄၀၀)ကျပ်၊ ဧရာမင်း(ဆန်) (အဟောင်း)တစ်ပြည်လျှင် (၂၆၀၀)ကျပ်နှင့် ဧရာမင်း(ဆန်) (အသစ်)တစ်ပြည်လျှင် (၂၁၀၀)ကျပ်ဖြင့်အရောင်းအဝယ်ဖြစ်လျက်ရှိပါသည်။ စားအုန်းဆီတစ်ပိဿာလျှင် (၅၂၅၀)ကျပ်၊ မြေပဲဆီတစ်ပိဿာလျှင် (၉၅၀၀)ကျပ်၊ နှမ်းဆီတစ်ပိဿာလျှင် (၉၅၀၀)ကျပ်တို့ဖြင့် အရောင်းအဝယ်ဖြစ်လျက်ရှိပါသည်။ ကြက်သွန်နီလက်လီတစ်ပိဿာလျှင် (၂၅၀၀)ကျပ်မှ (၃၀၀၀)ကျပ်အထိ၊ ကြက်သွန်ဖြူလက်လီ(ဗမာ) တစ်ပိဿာလျှင် (၅၀၀၀)ကျပ်မှ (၅၅၀၀)ကျပ်အထိ၊ ကြက်သွန်ဖြူ(ရှမ်း)တစ်ပိဿာလျှင် (၄၅၀၀)ကျပ်မှ (၅၀၀၀)ကျပ်အထိ၊ ကြက်သွန်ဖြူ(ကြူကုတ်)တစ်ပိဿာလျှင် (၄၅၀၀)ကျပ်မှ (၅၀၀၀)ကျပ်အထိ၊ ချင်းတက်တစ်ပိဿာလျှင် (၁၄၀၀)ကျပ်မှ (၁၅၀၀)ကျပ်အထိ၊ ငရုတ်ခြောက်များမှာ အမျိုးအစားအလိုက် တစ်ပိဿာလျှင် (၁၇၀၀၀)ကျပ်မှ (၁၈၀၀၀)ကျပ်အထိ၊ အာလူးတစ်ပိဿာလျှင် (၂၀၀၀)ကျပ်မှ (၂၁၀၀) ကျပ်အထိ၊ ခရမ်းချဉ်သီးတစ်ပိဿာလျှင် (၈၀၀)ကျပ်မှ (၉၀၀)ကျပ်အထိ စသည်ဖြင့် အသီးသီးအရောင်းအဝယ်ဖြစ်လျက်ရှိပါသည်။
ကြက်ဥ(ကြီး)လက်လီဈေးနှုန်းမှာ တစ်လုံးလျှင် (၂၅၀)ကျပ်၊ အသေးတစ်လုံးလျှင် (၂၀၀)ကျပ်၊ ဘဲဥ(ကြီး)တစ်လုံးလျှင် (၃၀၀)ကျပ်၊ အသေးတစ်လုံးလျှင် (၂၅၀)ကျပ်ရှိသည်။ မုံရွာမြို့၏ သား/ ငါးဈေးနှုန်းမှ ကြက်သား (CP) တစ်ပိဿာလျှင် ( ၉၀၀၀)ကျပ်မှ (၁၀၀၀၀)ကျပ်အထိ၊ ကြက်သား(ဗမာ)တစ်ပိဿာလျှင် (၁၂၀၀၀)ကျပ်၊ ဝက်သားတစ်ပိဿာလျှင် (၁၅၀၀၀)ကျပ်မှ (၁၆၀၀၀) ကျပ်အထိ၊ အမဲသားတစ်ပိဿာလျှင် (၁၅၀၀၀)ကျပ်မှ (၁၆၀၀၀)ကျပ်အထိ၊ ငါးမြစ်ချင်းတစ်ပိဿာလျှင် (၆၀၀၀)ကျပ်၊ ငါးကြင်းတစ်ပိဿာလျှင် (၆၀၀၀) ကျပ်တို့ဖြင့် အရောင်းအဝယ်ဖြစ်နေကြောင်းသိရပါသည်။
ဒီဇင်ဘာလ နောက်ဆုံးပတ်တွင် အခြေခံစားကုန်များဖြစ်သည့် စားအုန်းဆီ၊ ကြက်သွန်နီနှင့် ခရမ်းချဉ်သီးဈေးများမှာ ယခင်လပတ်ထက် ဈေးအနည်းငယ်ကျနေကြောင်း သိရှိရပါသည်။
DOCA(စစ်ကိုင်း)