မုံရွာမြို့နယ်အတွင်း ခရမ်းချဉ်သီးကို မိုးဦးနှင့် မိုးနှောင်းကာလများတွင် ဒေသအတွင်း တစ်နိုင်တစ်ပိုင် စိုက်ပျိုးကြပါသည်။ ခရမ်းချဉ်သီးသည် အပူပိုင်းဒေသနှင့် သမနွေပိုင်းဒေသတို့တွင် ကောင်းမွန်စွာစိုက်ပျိုးဖြစ်ထွန်းသည်။
ယခုအချိန်တွင် ဒေသတွင်းခရမ်းချဉ်သီးပေါ်သည့် ရာသီချိန်ဖြစ်သည့်အတွက် ဈေးကွက်တွင် ဒေသတွင်းထွက်ကုန် ခရမ်းချဉ်သီးများ လှိုင်လှိုင်ဝင်ရောက်လျက်ရှိပြီး မုံရွာမြို့နယ်အတွင်း ဖြစ်ပေါ် နေသော ခရမ်းချဉ်သီးဈေးနှုန်းများမှာ ဇန်နဝါရီလ ပထမအပတ်တွင် ခရမ်းချဉ်သီး တစ်ပိဿာလျှင် ကျပ် ၁၀၀၀-၁၂၀၀ မှ ယခု ဇန်နဝါရီလ ဒုတိယအပတ် တွင် ကျပ် ၁၅၀၀-၂၀၀၀ အထိ ဈေးနှုန်းမြင့် တက်လျက်ရှိပြီး အရောင်းအဝယ်သွက်ကာ ခရမ်းချဉ်စိုက်တောင်သူများ အဆင်ပြေနေကြောင်း တောင်သူများထံမှ သိရသည်။
DOCA(စစ်ကိုင်း)