နေ့စဉ်ဟင်းလျာထဲတွင်မပါမဖြစ်သော စားဖိုဆောင်သီးနှံတစ်မျိုးဖြစ်သည့် ခရမ်းချဉ်သီးကို မိုင်းလုံးရပ်ကွက် ၊ ရွာတန်းရှည်ရပ်ကွက်နှင့် လင်ဖုံလေးကျေးရွာတို့တွင် အများဆုံးစိုက်ပျိုးလျက်ရှိပါသည်။
ယခုဇန်နဝါရီလ တတိယပတ်တွင် ဈေးကွက်အတွင်းဖြစ်ပေါ်နေသော ခရမ်းချဉ်သီးဈေးနှုန်းမှာ တစ်ပိဿာလျှင် (၂၀၀၀)ကျပ်ဈေးဖြင့် အရောင်းအဝယ်ဖြစ်လျက်ရှိပြီး ယခင်ဇန်နဝါရီလ ပထမပတ်တွင် ခရမ်းချဉ်သီးဈေးနှုန်းမှာ တစ်ပိဿာ(၁၀၀၀)ကျပ်ဖြင့် ရောင်းချခဲ့ရာ ယခင်ဇန်နဝါရီလပထမပတ်နှင့် ယခုတတိယပတ် ဈေးနှုန်းနှိုင်းယှဉ်လျှင် (၁၀၀၀)ကျပ်ခန့် မြင့်တက်လာကြောင်း၊ ဈေးနှုန်းမြင့်တက်လာရခြင်းမှာ ဒေသထွက်ခရမ်းချဉ်သီးများကို အခြားဒေသများသို့တင်ပို့ရောင်းချရန်အတွက် ပင်လောင်းဘက်မှ ကားကြီးများဖြင့် လာရောက်ဝယ်ယူသောကြောင့် ဈေးနှုန်းမြင့် တက်ရခြင်းဖြစ်သည်ဟု သီရိမင်္ဂလာဈေးရှိ ခရမ်းချဉ်သီးရောင်းချသော ဈေးသည်တစ်ဦးထံမှ သိရပါတယ်။
DOCA(ကယား)