စားဖိုဆောင်သီးနှံတစ်မျိုးဖြစ်သော အာလူးကိုယခင်က လွိုင်ကော်၊ ဒီးမော့ဆိုမြို့နယ် များတွင် စိုက်ပျိုးလျက်ရှိပြီး ယခုအခါ စိုက်ပျိုးမှုအနည်းငယ်သာရှိသဖြင့် အခြားဒေသများဖြစ်သည့် ပင်လောင်း၊ အောင်ပန်းနှင့် နောင်တရားမြို့တို့မှ အများဆုံးတင်သွင်းရောင်းချလျက်ရှိပါသည်။
ယခုဇန်နဝါရီလတတိယပတ်အတွင်း ဈေးကွက်တွင်ဖြစ်ပေါ်နေသော အာလူးဈေးနှုန်းမှာ တစ်ပိဿာလျှင် (၃၀၀၀)ကျပ်ဖြင့် အရောင်းအဝယ်ဖြစ်လျက်ရှိရာ ယခင်ဒီဇင်ဘာလတတိယပတ်တွင် အာလူးဈေးနှုန်းမှာ တစ်ပိဿာလျှင်(၂၅၀၀)ကျပ်ဖြစ်ပြီး ယခုဇန်နဝါရီလတတိယပတ်နှင့် ယခင်ဒီဇင်ဘာလတတိယပတ် နှိုင်းယှဉ်လျှင် အာလူးတစ်ပိဿာ(၅၀၀)ကျပ်ခန့် ဈေးနှုန်းမြင့်တက်လာကြောင်း နောင်ယားဈေးရှိ အာလူးရောင်းချသူတစ်ဦးထံမှ သိရပါတယ်။
DOCA(ကယား)