ကလေးမြို့နယ်၊ အောင်မြေမာန်ရပ်ကွက်သို့ စားသုံးသူရေးရာဉီးစီးဌာနမှ ဒေါ်စန္ဒာမွန် (ဒု-ဉီးစီးမှူး ) နှင့် ဝန်ထမ်းများသည် ( ၂၆.၁.၂၀၂၃ ) ရက်နေ့တွင် ကလေးမြို့နယ်၊ အောင်မြေမာန် ရပ်ကွက်ရှိ လ္ဘက်ရောင်းဝယ်ရေးလုပ်ငန်းရှင် ဒေါ်စန်းရင်နှင့်သွားရောက် တွေ့ဆုံဆွေးနွေးခဲ့ပါသည်။
လက္ဖက်လုပ်ငန်းရှင်ဒေါ်စန်းရင်က ဇန်နဝါရီလပိုင်းအတွင်းတွင် ရောင်းဝယ်ဖောက်ကားမှု အနေဖြင့် လမ်းပန်းဆက်သွယ်ရေး အခက်အခဲကြောင့် လက္ဖက်နှင့်ပဲကြမ်းများ ပြတ်လပ်မှုများရှိကြောင်းနှင့် မြို့နယ်တွင်းသာ ရောင်းချရလျက်ရှိပြီး ပေါက်ဈေးနှုန်းအနေဖြင့် ရောင်းဈေးနှုန်းများမှာ လ္ဘက်အခါး တစ်ပိဿာလျှင် (၄၀၀၀)ကျပ်၊ နှစ်ပြန်ကြော်တစ်ပိဿာလျှင် ( ၈၅၀၀ ) ကျပ်၊ ကုလားပဲကြမ်းတစ်ပိဿာလျှင် ( ၆၈၀၀ ) ကျပ်၊ မြေပဲစားလှော်တစ်ပြည် ( ၆၅၀၀ ) ကျပ်၊ စေျးနှုန်းဖြင့် ရောင်းချလျှက်ရှိပါကြောင်း၊ ယခုနှစ်လုပ်ငန်းများ လုပ်ဆောင်ရာတွင် လမ်းခရီး ကြန့်ကြာမှုများကြောင့် ပစ္စည်းများပြတ်လပ်မှုများရှိပြီး ဈေးကွက်ရောင်းချမှု အနေဖြင့်လည်း ယခင်နှစ်များကထက် တစ်ဝက်ခန့်သာ ရောင်းချလျှက်ရှိပါကြောင်းနှင့် ယခင်နှစ်များကဲ့သို့ ရောင်းဝယ်မှုများမကောင်းဘဲ စားဝတ်နေရေးအတွက်သာ ရောင်းချရလျက်ရှိကြောင်း၊ လက္ဖက်၊ ပဲကြမ်းရောင်းဝယ်ရေးလုပ်ငန်းရှင် ဒေါ်စန်းရင်မှ ဆွေးနွေးပြောကြားခဲ့ကြောင်း သတင်းရရှိပါသည်။
DOCA(စစ်ကိုင်း)