မကွေးတိုင်းဒေသကြီးသည် မြန်မာနိုင်ငံ၏ ဆီအိုးကြီးဟု တင်စားရလောက်အောင် ဆီထွက်သီးနှံ နှမ်း၊ မြေပဲတို့အား အဓိကထားစိုက်ပျိုးကြသော်လည်း စပါးကို မကွေးမြို့နယ်အနေဖြင့် (၂၃၅၂) ဧကသာ စိုက်ပျိုးကြသဖြင့် ဆန်ဖူလုံမှုမရှိ၍ စပါးထွက်ရှိရာ အခြားတိုင်း/ပြည်နယ်များမှ တင်သွင်းရကြောင်း သိရှိရပါသည်။
၂၀၂၃ခုနှစ်၊ ဖေဖော်ဝါရီလအတွင်း စပါး အဓိကစိုက်ပျိုးသည့် ဧရာဝတီတိုင်းမှ ဆန်(၄၅၄၇၁) အိတ်၊ မန္တလေးတိုင်းမှ(၇၇၇၉)အိတ်၊ ရန်ကုန်တိုင်းမှ(၂၁၇၅)အိတ်၊ စစ်ကိုင်းတိုင်းမှ(၃၀၀၀)အိတ်၊ ရခိုင် ပြည်နယ်မှ(၁၄၄၀)အိတ် စုစုပေါင်း(၅၉၈၆၅)အိတ်တို့ စီးဝင်ခဲ့ကြောင်းနှင့် ဒေသတွင်း အရောင်းအဝယ် ဖြစ်နေသော ဆန်စျေးနှုန်းများမှာ ဧရာပဒေသာ(ပွင့်ဖြူ) (၂၄)ပြည် တစ်အိတ်လျှင် (အဟောင်း) ကျပ် (၇၈၀၀၀-၈၃၀၀၀)၊ (အသစ်)ကျပ်(၆၈၀၀၀-၇၀၀၀၀)၊ ဧရာပဒေသာ(မြောင်းမြ) (၂၄)ပြည် တစ်အိတ်လျှင် (အသစ်)ကျပ်(၆၀၀၀၀-၆၀၅၀၀)၊ ပေါ်ဆန်းမွှေး(ရွှေဘို) (၂၄)ပြည် တစ်အိတ်လျှင်(အဟောင်း) ကျပ် (၉၅၀၀၀-၁၀၀၀၀၀)၊ (အသစ်)ကျပ်(၈၀၀၀၀-၈၅၀၀၀)၊ ပေါ်ဆန်းမွှေး(မြောင်းမြ) (၂၄)ပြည် တစ်အိတ်လျှင်(အဟောင်း) ကျပ်(၇၀၀၀၀)၊ မနောသုခ(မြောင်းမြ)(၂၄)ပြည် တစ်အိတ်လျှင် (အသစ်) ကျပ်(၅၃၀၀၀- ၅၅၀၀၀)နှင့် ဖန်သီး (၂၄)ပြည် တစ်အိတ်လျှင် (အသစ်)ကျပ်(၅၇၅၀၀) တို့ဖြစ်ကြောင်း သိရှိရပါသည်။
DOCA(မကွေး)