မွန်ပြည်နယ်၊ စားသုံးသူရေးရာဦးစီးဌာနမှ ဝန်ထမ်းများသည် (၁၅-၃-၂၀၂၃) ရက်နေ့တွင် ချောင်းဆုံမြို့နယ်ရှိ ကညှော်ကျေးရွာနှင့် မော်လမြိုင်မြို့နယ်ရှိ သီရိမြိုင်ရပ်ကွက်၊ ဇေယျာမြိုင်ရပ်ကွက်တို့တွင်လည်းကောင်း၊ (၁၆-၃-၂၀၂၃) ရက်နေ့တွင် မော်လမြိုင်မြို့နယ်ရှိ သင်္ဘောလဲရပ်ကွက်၊ မီးလောင်ပြင်ရပ်ကွက်နှင့် ညောင်ပင်ဆိပ်ရပ်ကွက်တို့တွင်လည်းကောင်း၊ ၁၇-၃-၂၀၂၃ ရက်နေ့တွင် မော်လမြိုင်မြို့နယ်ရှိ အောင်သုခရပ်ကွက်၊ ဂေါက်ကွင်း(ငန်းတေး)ရပ်ကွက်နှင့် သရက်တောရပ်ကွက်တို့တွင်လည်းကောင်း၊ (၁၈-၃-၂၀၂၃) ရက်နေ့တွင် မော်လမြိုင်မြို့နယ်ရှိ ကမ်းနားလမ်း(ရေပေါ်ဈေး)၊ ဈေးကြိုရပ်ကွက်တို့တွင်လည်းကောင်း၊ (၁၉-၃-၂၀၂၃) ရက်နေ့တွင် မော်လမြိုင်မြို့နယ်ရှိ ကမ်းနားလမ်း(ရေပေါ်ဈေး)၊ မောင်ငံ(အောင်တော်မူ)ရပ်ကွက်တို့တွင်လည်းကောင်း ကုမ္ပဏီများကဖြန့်ဖြူးရောင်းချသည့် စားအုန်းဆီများအား ဈေးကွက်အတွင်း လက်လီ/လက်ကားဖြန့်ဖြူးရောင်းချခြင်းကို ကြပ်မတ်ဆောင်ရွက်ခဲ့ကြောင်း သိရှိရပါသည်။
ထိုသို့ဆောင်ရွက်ရာတွင် စားသုံးဆီတင်သွင်းသည့်ကုမ္ပဏီများက လက်ကားကုန်သည်များသို့ ဖြန့်ဖြူးပေးခဲ့သည့်စားအုန်းဆီများကို ရန်ကုန်အထိုင်ဈေးနှင့် ရည်ညွှန်းလက်ကားဈေးနှုန်းအပေါ် သယ်ယူပို့ဆောင်ခကုန်ကျစရိတ်များထပ်ပေါင်း၍ ၂ရာခိုင်နှုန်းအမြတ်ထက်မပိုသောဈေးနှုန်းဖြင့် ဈေးကွက်အတွင်းသို့ ပြန်လည်ဖြန့်ဖြူးရောင်းချရမည်ဖြစ်ရာ လက်လီဈေးကွက်အတွင်း သင့်တင့်မျှတသောဈေးနှုန်းများဖြင့် ရောင်းချစေရေး၊ ဈေးနှုန်းအဆမတန်မြှင့်တင်ရောင်းချမှုမရှိစေရေးတို့ အတွက် ကွင်းဆင်းကြပ်မတ်ဆောင်ရွက်ခဲ့ကြောင်း သိရှိရပါသည်။
DOCA(မွန်)