စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်တွင် မြန်မာနိုင်ငံ ဆန်စပါးအသင်းချုပ် မှ မြို့နယ်အထိ ချိတ်ဆက်ဆောင်ရွက်နိုင်ရန်အတွက် ခရိုင်စားသုံးသူရေးရာဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စိုက်ပျိုးရေးဦးစီးဌာနနှင့် မြို့နယ်အတွင်းရှိ ဆန်စက်လုပ်ငန်းရှင်များ၊ ဆန်စပါးကုန်သည်များ၊ တောင်သူများ စုပေါင်းပြီး ဆန်စပါးမြို့နယ်အမှုဆောင်ရွေးချယ်ပွဲ ကို ဒီဇင်ဘာလ (၈)ရက်နေ့တွင် မြို့နယ်စိုက်ပျိုးရေးဦးစီးဌာန မြို့မ knowledge center တွင် Covid-19 ကျန်းမာရေးဆိုင်ရာ ညွှန်ကြားချက်နှင့်အညီ ကျင်းပခဲ့ပါသည်။
ရှေဦးစွာ စားသုံးသူရေးရာဦးစီးဌာန၊ ကန့်ဘလူခရိုင်ဦးစီးမှူး ဦးဇော်မင်းသိန်းမှ မြန်မာနိုင်ငံ ဆန်စပါးအသင်းချုပ်အနေဖြင့် နိုင်ငံတော်အကြီးအကဲ၏ လမ်းညွှန်ချက်နှင့်အညီ အောက်ခြေအဆင့် တွင် လက်တွေ့ကျကျပူးပေါင်းဆောင်ရွက်နိုင်ရေး ဆန်စပါးထုတ်လုပ်ရောင်းဝယ်မှုတွင် အဓိကပါဝင် သည့် တောင်သူ၊ စက်ပိုင် ၊ ကုန်သည်များ ညီညွတ်စွာပူးပေါင်းဆောင်ရွက်၍ လယ်ယာကဏ္ဍဖွံ့ဖြိုး တိုးတက်စေရန် ဆောင်ရွက်ရခြင်းဖြစ်ကြောင်း ရှင်းလင်းဆွေးနွေးပါသည်။
ဆက်လက်ပြီး တက်ရောက်လာသူ စက်ပိုင်၊ ကုန်သည်၊ တောင်သူများမှ ကျွန်းလှမြို့နယ် ဆန်စပါးအလုပ်အမှုဆောင် (၁၀)ဦးအား ရွေးချယ်ခဲ့ကြောင်း သိရသည်။
စစ်ကိုင်းတိုင်းဒေသကြီး
စားသုံးသူရေးရာဦးစီးဌာန