၇.၁၂.၂၀၂၀ ရက်နေ့နှင့် ၈.၁၂.၂၀၂၀ ရက်နေ့တို့တွင် ကချင်ပြည်နယ်စားသုံးသူရေးရာဦးစီးဌာနမှ စစ်ဆေးရေးမှူးများသည် မြစ်ကြီးနားမြို့၊ ယုဇနရပ်ကွက်၊ မြို့သစ်ကြီးရပ်ကွက်နှင့် ခေမာသီရိရပ်ကွက်များရှိ ဆေးနှင့်ဆေးပစ္စည်း အရောင်းဆိုင်နှင့် ကုန်စုံဆိုင်များတွင် အရေးကြီးကုန်စည်များဖြစ်သည့် Covid-19 ရောဂါကာကွယ်ရေးဆိုင်ရာ အထောက်အကူပြုပစ္စည်းများဖြစ်သည့် Mask, Hand Gel & Face Shield များ ဈေးနှုန်းမြှင့်တင်ရောင်းချခြင်း ရှိ/မရှိ ကွင်းဆင်းစစ်ဆေးခဲ့ရာ အမျိုးအစား၊ အရည်သွေး၊ အာမခံချက်အပေါ်မူတည်၍ သင့်တင့်မျှတသော ဈေးနှုန်းများဖြင့်သာ ရောင်းချနေကြောင်း စိစစ်တွေ့ရှိရပြီး ရောင်းချသောဆိုင်ရှင်များအား ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်၍ သိုလှောင်ထားရှိခြင်းမရှိစေရေးနှင့် ဖောက်ဖျက်ကျူးလွန်ပါက အရေးကြီးကုန်စည်များဆိုင်ရာ ဥပဒေ ပုဒ်မ(၅)အရ အရေးယူခံရမည်ဖြစ်ကြောင်း ရှင်းလင်းအသိပညာပေးခြင်းများ ဆောင်ရွက်ခဲ့ပါသည်။
စားသုံးသူရေးရာဦးစီးဌာန
ကချင်ပြည်နယ်