ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ညောင်တုန်းမြို့နယ်ဦးစီးမှူးရုံးမှ ဒေါ်ချိုမီဇင်နှင့် ဝန်ထမ်းများသည် (၂၁-၄-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ညောင်တုန်းမြို့နယ်၊ မဲဇလီကျေးရွာရှိ ဦးအောင်ရွှေ၏ ဧရာဝတီဆန်စက်သို့သွားရောက်၍ ဈေးကွက်မရောက်မီကုန်စည်များအား ထုတ်ကုန်လုံခြုံစိတ်ချရမှုရှိစေရေး ကွင်းဆင်းစစ်ဆေးဆောင်ရွက်ခဲ့ကြပါသည်။
အဆိုပါ ကွင်းဆင်းစစ်ဆေးရာတွင် ညောင်တုန်းမြို့နယ်ဦးစီးမှူးရုံးမှ ဒေါ်ချိုမီဇင်က ဧရာဝတီဆန်စက်ပိုင်ရှင် ဦးအောင်ရွှေအားတွေ့ဆုံ၍ ဆန်စက်ကြိတ်ခွဲထုတ်လုပ်မှုလုပ်ငန်းစဉ်များအကြောင်းကိုမေးမြန်းခဲ့ပြီး ဆန်စပါးကြိတ်ခွဲထုတ်လုပ်မှု၊ ဆန်စပါးဈေးနှုန်းဈေးကွက်အခြေအနေ၊ ရန်ကုန်သို့ ဆန်တင်ပို့မှုအခြေအနေ၊ ဆန်စက်လုပ်ငန်းများဖွံ့ဖြိုးတိုးတက်စေရေး၊ လက်ကျန်စပါးနှင့် စီးဝင်စီးထွက်မှုအခြေအနေများ၊ ဆန်စက်မှထွက်ရှိလာသောဆန်များကို စနစ်တကျ အလေးချိန်မှန်ကန်ပြည်ဝစွာဖြင့် ထုတ်ပိုးမှု၊ ကုန်အညွှန်းအမှတ်အသားပြည်စုံစွာပါဝင်စေရး၊ MSME လုပ်ငန်းဖွံ့ဖြိုးတိုးတက်စေရေးအတွက် တွေ့ဆုံဆွေးနွေးပြီး ဈေးကွက်မရောက်မီကုန်စည်များ ထုတ်ကုန်လုံခြုံစိတ်ချရမှုရှိစေရန်အတွက် အလေးပေးဆောင်ရွက်နိုင်ရန် ဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)