HighLight News

                  စားသုံးသူများ ကုန်စည်နှင့်ဝန်ဆောင်မှုများကြောင့် နစ်နာဆုံးရှုံးမှုမဖြစ်စေရေးအတွက် ကုန်စည်များတွက် ကုန်အညွှန်းအမှတ်အသားများကို ဥပဒေ၊ အမိန့်၊ ညွှန်ကြားချက်များနှင့်အညီ ပြည့်စုံမှန်ကန်စွာဖော်ပြခြင်းဖြင့် စားသုံးသူများဘေးအန္တရာယ်ကင်းရှင်းစွာအသုံးပြုနိုင်မည်ဖြစ်ရာ စစ်ဆေးရေးမှူးများသည် ဈေးကွက်အတွင်းရောင်းချနေသောကုန်စည်များအား ကုန်အညွှန်းအမှတ်အသားများ ညွှန်ကြားချက်နှင့်အညီဖော်ပြထားခြင်းရှိ/ မရှိကို စစ်ဆေးဆောင်ရွက်လျက်ရှိပါသည်။

                 တောင်ငူခရိုင်ဦးစီးမှူးရုံးမှ ဒုတိယခရိုင်ဦးစီးမှူး ဦးမင်းဇော်သည် ခရိုင်ဦးစီးမှူးရုံးမှ ဌာနခွဲတာဝန်ခံ ဦးစောသန်းထိုက်ကျော်နှင့် ရေတာရှည်မြို့နယ်တာဝန်ခံ ဦးဇော်ဇော်ထွေးတို့နှင့်အတူ နိုဝင်ဘာလ ၇ ရက်နေ့ နံနက်ပိုင်းက ရေတာရှည်မြို့ရှိ ကုန်စုံဆိုင်ကြီးများတွင် ရောင်းချနေသော ခလေးအာဟာရဖြည့်စွက်အစာများတွင် ကုန်အညွှန်းအမှတ်အသားများဖော်ပြထားမှုများအား ဈေးကွက်စောင့်ကြည့်စစ်ဆေးခြင်းကို ဆောင်ရွက်ခဲ့ပါသည်။

                 ရေတာရှည်မြို့ရှိ ကုန်စုံဆိုင်ကြီးများတွင် Gold Power, Cerelac, Similac, Drupro အမှတ်တံဆိပ် ကလေးအာဟာရဖြည့်စွက်အစာများကို ရောင်းချသည်ကိုတွေ့ရှိရပြီး မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်နှင့်အညီ ကုန်အညွှန်းအမှတ်အသားများကို မြန်မာဘာသာဖြင့် ပြည့်စုံစွာဖော်ပြထားသည်ကိုတွေ့ရှိရကြောင်း၊ ဒုတိယခရိုင်ဦးစီးမှူးက စားသုံးသူနစ်နာဆုံးရှုံးမှုမဖြစ်စေရေးအတွက် ညွှန်ကြားချက်နှင့်အညီ ကုန်အညွှန်းအမှတ်အသားပြည့်စုံစွာဖော်ပြထားသည့် ကုန်စည်များကိုသာရောင်းချကြရန် အသိပညာပေးဆွေးနွေးခဲ့ကြောင်း သိရှိရပါသည်။

DOCA(ပဲခူး)

စားသုံးသူရေးရာဦးစီးဌာန၊ မြောက်ပိုင်းခရိုင်၊ တိုက်ကြီးမြို့နယ်ခွဲတာဝန်ခံ ဒေါ်တင်တင်ဌေးသည် ၇-၁၁-၂၀၂၄ ရက်နေ့၊ နံနက် (၁၉:၃၀)နာရီအချိန်တွင် တိုက်ကြီးမြို့နယ်အတွင်း ရောင်းချနေသော စက်သုံးဆီဆိုင်(၉)ဆိုင်အား ရောင်းချဆီအမျိုးအစား၊ ဈေးနှုန်း၊ ဆီဘောက်ဆာကားဝင်ရောက်မှုနှင့် ဆီလက်ကျန်အခြေအနေများကို နေ့စဉ်စာရင်းပြုစုပေးပို့လျက်ရှိပြီး စက်သုံးဆီရည်ညွှန်းဈေးအတိုင်း LED ဘုတ်ဖြင့်ရောင်းချနေ၍ ရရှိသောစက်သုံးဆီခွဲတမ်းများအား စနစ်တကျမှန်ကန်စွာရောင်းချစေရန်၊ ဆီပြတ်လပ်မှုရှိပါက စက်သုံးဆီလက်ကျန်စာရင်းကို အချိန်နှင့်တပြေးညီ စာရင်းပေးပို့ရန်နှင့် ဆီဘောက်ဆာကားအဝင်စာရင်းများကိုလည်းပေးပို့ရန် မှာကြားခဲ့ကြောင်းသိရှိရပါသည်။
DOCA(ရန်ကုန်)
-

မြောက်ပိုင်းခရိုင်ဦးစီးမှူးရုံးမှ ဦးအောင်တင်စိုး၊ ခရိုင်ဦးစီးမှူးပါ (၄)ဦးတို့သည် ၅-၁၁-၂၀၂၄ ရက်နေ့၊ နေ့လယ်(၁၃:၅၀)နာရီအချိန်တွင် လှိုင်သာယာ(အနောက်ပိုင်း)မြို့နယ်ရှိ BEST တံဆိပ် စည်သွပ်ဘူးလုပ်ငန်းသို့ သွားရောက်ကွင်းဆင်းစစ်ဆေးခဲ့ပါသည်။
ထိုသို့ဆောင်ရွက်ရာ၌ အမှတ်(၁၁၆)၊ ဧရာလမ်း၊ စက်မှုဇုန်(၅)ရှိ BEST တံဆိပ်စက်ရုံမှူး ဦးနိုင်လင်း ပူးပေါင်းပါဝင်လျက် ထုတ်လုပ်ရောင်းချလျက်ရှိသော ကုန်ပစ္စည်းများမှာ ငါးသေတ္တာ၊ သက်သက်လွတ်သီးစုံပဲဟင်း၊ မုန့်ဟင်းခါးဟင်းရည်အနှစ်၊ ရွှေပုစွန်ကြော်ငံပြာရည်ချက်၊ ကြက်မော်လမြိုင်ချက်၊ ဒညင်းသီးပြုတ်၊ ငါးကြင်းပေါင်းတို့တွင် စားသုံးသူကာကွယ်ရေးဥပဒေတွင် ပြဋ္ဌာန်းထားသည့် ကုန်အညွှန်းအမှတ်အသားဖော်ပြခြင်းဆိုင်ရာ အချက်များနှင့်ကိုက်ညီမှုရှိပြီး အမှတ်တံဆိပ်မပြည့်စုံသော ကုန်ပစ္စည်းများကိုမရောင်းချရန်၊ သတ်မှတ်အရည်အသွေးပြည့်မီသော ကုန်စည်များကိုသာရောင်းချရန်၊ စီးပွားရေးလုပ်ငန်းရှင်များအနေဖြင့် ထုတ်ပြန်ထားသောညွှန်ကြားချက်များအတိုင်း လိုက်နာဆောင်ရွက်ရန်၊ ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများစိတ်ကျေနပ်မှုရှိစေရေးနှင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များအကြောင်း၊ တားမြစ်ချက်များနှင့် ပြစ်မှုပြစ်ဒဏ်များအကြောင်း စသည်တို့ကို အသိပညာပေးဆွေးနွေးခဲ့ကြောင်းသိရှိရပါသည်။
DOCA(ရန်ကုန်)

မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် ၇-၁၁-၂၀၂၄ ရက်နေ့၊ နေ့လယ်(၁၃:၃၀)နာရီအချိန်တွင် လှိုင်သာယာ(အရှေ့ပိုင်း)မြို့နယ်ရှိ စက်သုံးဆီအရောင်းဆိုင်များသို့ သွားရောက်ကွင်းဆင်းစစ်ဆေးခြင်းလုပ်ငန်းများဆောင်ရွက်ခဲ့ပါသည်။
ထိုသို့ဆောင်ရွက်ခဲ့ရာတွင် စက်သုံးဆီများပြတ်လပ်မှုမရှိစေရေးနှင့် ဈေးနှုန်းမြှင့်တင်ရောင်းချခြင်းများမပြုကြရန်၊ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ကော်မတီက သတ်မှတ်ထုတ်ပြန်ထားသော ရည်ညွှန်းဈေးများအတိုင်း ရောင်းချခြင်းရှိ/ မရှိနှင့် တရားမဝင်စက်သုံးဆီများဖြန့်ဖြူးရောင်းချနေခြင်းများရှိ/ မရှိကိုစစ်ဆေးခဲ့ရာ သတ်မှတ်ရည်ညွှန်းဈေးဖြင့်ရောင်းပြီး တရားမဝင်စက်သုံးဆီများဖြန့်ဖြူးရောင်းချခြင်းများလည်းမရှိကြောင်း၊ မိမိတို့ဌာနမှလည်း သတ်မှတ်ဈေးနှုန်းထက်ပိုမိုရောင်းချခြင်း၊ သိုလှောင်ထားခြင်းများမပြုရန်နှင့် စီးပွားရေးလုပ်ငန်းရှင်လိုက်နာရမည့် ညွှန်ကြားချက်များအတိုင်း လိုက်နာဆောင်ရွက်သွားကြရန် ဆွေးနွေးပြောကြားခဲ့ကြောင်းသိရှိရပါသည်။
DOCA(ရန်ကုန်)

             ၇.၁၁.၂၀၂၄ ရက်နေ့၊ နံနက် (၁၀:၀၀) နာရီအချိန်တွင် စားသုံးသူရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်၊ ချောင်းဆုံမြို့နယ်တာဝန်ခံ ဒေါ်ထက်ထက်နွေဦးသည် ချောင်းဆုံမြို့နယ်၊ မြို့နယ်ကုသရေးနှင့်ပြည်သူ့ကျန်းမာရေးဦးစီးဌာန အစည်းအဝေးခန်းမ၌ကျင်းပပြုလုပ်သော မွန်ပြည်နယ်အစားအသောက်နှင့်ဆေးဝါးကွပ်ကဲရေးကော်မတီမှ ကြီးမှူးကျင်းပသည့် ကောင်းမွန်သောဆေးဝါးသိုလှောင်ရောင်းချမှုကျင့်စဉ် (GPP/GSP) နှင့်ပတ်သက်၍ ဆေးဆိုင်များအား အသိပညာပေးဆွေးနွေးပွဲသို့ တက်ရောက်ခဲ့ပါသည်။

            ရှေးဦးစွာ မြို့နယ်ပြည်သူ့ကျန်းမာရေးဦးစီးဌာနမှ မြို့နယ်ဆရာဝန် ဒေါက်တာဒေါ်သူဇာဝင်းက အဖွင့်အမှာစကားပြောကြားခဲ့ပါသည်။ ထို့နောက် ပြည်နယ်အစားအသောက်နှင့်ဆေးဝါးကွပ်ကဲရေးဦးစီးဌာနမှ ဦးစီးအရာရှိ ဒေါ်ပန်းရိပ်အောင်မှ ဆေးများရောင်းချရာတွင် လိုက်နာရမည့်စည်းမျဉ်းစည်းကမ်းများ၊ ကောင်းမွန်သောဆေးဝါးသိုလှောင်ရောင်းချမှုကျင့်စဉ် (GPP/GSP) နှင့်ပတ်သက်၍  ဟောပြောဆွေးနွေးခဲ့ကြောင်းသိရှိရပါသည်။

DOCA(မွန်)