သတင်းနှင့် လှုပ်ရှားမှုများ

           စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးမှ ဦးဇော်မင်း၊ ဓနုဖြူမြို့နယ်တာဝန်ခံ ဦးဝင်မင်းစိုးနှင့်  အဖွဲ့ဝင်များသည်  ဓနုဖြူမြို့နယ်၊ ထန်းပင်ကွေ့ကျေးရွာရှိ ရွှေမြင့်မိုရ်ဆန်စက်သို့ ထုတ်ကုန်လုံခြုံစိတ်ချရမှုရှိစေရေးအတွက်(၅.၅.၂၀၂၂) နေ့ နံနက်ပိုင်းတွင် ကွင်းဆင်းစစ်ဆေးမှု ဆောင်ရွက်ခဲ့ပါသည်။

            ရွှေမြင့်မိုရ်ဆန်စက်သို့  သွားရောက်၍ ကွင်းဆင်းဆောင်ရွက်ရာတွင် ဆန်စက်သို့ တနေ့စပါး ဝင်ရောက်မှုအခြေအနေ၊ ဆန်စက်၏  ကြိတ်ခွဲထွက်ရှိမှုအခြေအနေ၊ ဆန်/စပါး ဈေးကွက်၊ ဈေးနှုန်း အခြေအနေများ၊ ကြိတ်ခွဲထွက်ရှိလာသော ဆန်များအား ရန်ကုန်သို့ တင်ပို့နေမှု အခြေအနေများ၊ ကုန်စည်၏ အရည်အသွေးပြည့်ဝစွာ ကြိတ်ခွဲထွက်ရှိစေရေး အသိပညာပေးမှုများ၊ ကုန်အညွှန်းအမှတ်အသားပါဝင်မှု ဖော်ပြမှုအခြေုအနေများ၊ ထုတ်ကုန်လုံခြုံစိတ်ချရမှုရှိစေရေး အလေးပေးဆောင်ရွက်ရန် ဆွေးနွေးပြီး ဆန်စက်ကြိတ်ခွဲလည်ပတ်မှု အခြေအနေများကို လိုက်လံကြည့်ရှုခဲ့ကြောင်း သတင်းရရှိပါသည်။

DOCA(ဧရာဝတီ)

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူပြည်သူများ ဘေးအန္တရာယ်ကင်းရှင်းစေရေးအတွက် ဈေးကွက်စောင့်ကြည့်စစ်ဆေးခြင်းများ ဆောင်ရွက်လျှက်ရှိရာ ( ၆.၅.၂၀၂၂ ) ရက်နေ့ (၁၃: ၀၀) နာရီအချိန်တွင် ရွှေဘိုမြို့ပေါ်ရှိ ဆေးနှင့်ဆေးပစ္စည်းအရောင်းဆိုင်များအား ခရိုင်စားသုံးသူရေးရာဦးစီးဌာနမှ ဦးဆောင်၍ ခရိုင်ဦးစီးမှူး ၊ဒု-ခရိုင်ဦးစီးမှူး၊ ရွှေဘိုမြို့နယ်တာဝန်ခံ၊ ခရိုင်ထုတ်ကုန်လုံခြုံစိတ်ချရမှုဌာနခွဲတာဝန်ခံနှင့် ခရိုင်တိုင်းရင်းဆေးပညာဦးစီးဌာနမှ ခရိုင်တိုင်းရင်းဆေးမှူးအပါအဝင် ဝန်ထမ်း(၂)ဦးတို့ပူးပေါင်း၍ အန္တရာယ်ရှိ ဆေးနှင့်ဆေးပစ္စည်းများ ဈေးကွက်အတွင်းရောင်းချမှုရှိ/မရှိ ဈေးကွက်စောာင့်ကြည့် စစ်ဆေးခဲ့ပါသည်။

          ရွှေဘိုမြို့ပေါ်ရှိ ဆေးနှင့်ဆေးပစ္စည်းအရောင်းဆိုင်များတွင် အန္တရာယ်ရှိဆေးနှင့်ဆေးပစ္စည်းများ လုပ်ထုံးလုပ်နည်းနှင့်အညီ တင်သွင်းထားခြင်းမဟုတ်သော ဆေးနှင့် ဆေးပစ္စည်းများ ရောင်းချခြင်း မရှိကြောင်း စစ်ဆေးတွေ့ရှိရပါသည်။

          ထို့နောက် ဆေးဆိုင်ပိုင်ရှင်များအား အန္တရာယ်ရှိဆေးနှင့် ဆေးပစ္စည်းများ မရောင်းချစေရေးနှင့် တရားဝင်တင်သွင်းပြီးမှတ်ပုံတင်ရရှိပြီးသည့် ဆေးနှင့်ဆေးပစ္စည်းမျာကိုသာ ရောင်းချကြစေရန် အသိပညာပေးဆွေးနွေးပြောကြားခဲ့ကြောင်း သတင်းရရှိပါသည်။

DOCA(စစ်ကိုင်း)

            ၂၀၂၂-၂၀၂၃ ဘဏ္ဍာရေးနှစ် ဒေသန္တရစီမံကိန်း ရည်မှန်းချက်များ တာဝန်ပေးအပ်ပွဲနှင့် စီမံကိန်းဆိုင်ရာညှိနှိုင်းအစည်းအဝေးကို ၂၀၂၂-ခုနှစ် မေလ(၅)ရက်နေ့တွင် ကသာမြို့၊ ကသာခရိုင်စီမံအုပ်ချုပ်ရေးအဖွဲ့ရုံး၊ အစည်း အဝေးခန်းမ၌ ကျင်းပပြုလုပ်ခဲ့ရာ စားသုံးသူရေးရာဦးစီးဌာန၊ ကသာခရိုင်ဦးစီးမှူး၊ ဦးငြိမ်းချမ်းသူ(လ/ထညွှန်ကြားရေးမှူး)က တက်ရောက်လာသော ကသာခရိုင်၊ ခရိုင်အဆင့်ဌာနဆိုင်ရာများအား စားသုံးသူကာကွယ်ရေးဥပဒေကို ၂၀၁၉-ခုနှစ် မတ်လ(၁၅)ရက်နေ့တွင် အခန်း(၂၅)ခန်း၊ ပုဒ်မ (၈၄)ခုဖြင့် ပြဌာန်းခဲ့ကြောင်း၊ စားသုံး သူကာကွယ်ရေးနည်းဥပဒေကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ အမိန့်ကြော်ငြာ စာအမှတ်(၉/၂၀၂၂)ဖြင့် ပြဌာန်းပြီးဖြစ်ကြောင်း ဦးစွာပထမ မိတ်ဆက်ပြောကြားခဲ့ပါသည်။

          ဆက်လက်၍ စားသုံးသူရေးရာဦးစီးဌာန၊ ကသာခရိုင်ဦးစီးမှူးမှ တက်ရောက်လာသော ဌာနဆိုင်ရာများအား စားသုံးသူကာကွယ်ရေးဥပဒေတွင်ပါရှိသော စားသုံးသူအခွင့်အရေးနှင့် တာဝန်များ၊ စီးပွားရေးလုပ်ငန်းရှင်၏တာဝန်များ၊ ကုန်အညွှန်းအမှတ်အသားဖော်ပြခြင်းနှင့် ပတ်သက်သည့် အချက်များအား ရှင်းလင်းဆွေးနွေးခဲ့ပြီး စားသုံးသူအသိပညာပေး လက်ကမ်းစာစောင်များ ဖြန့်ဝေခဲ့ကြောင်း သိရှိရပါသည်။

DOCA(စစ်ကိုင်း)

              (၈-၅-၂၀၂၂)နေ့ နံနက် (၈:၀၀)နာရီ အချိန်တွင် မင်းပြားမြို့ မြိုနယ် စီမံအုပ်ချုပ်ရေး အစည်းအဝေးခန်းမ၌ (၈-၅-၂၀၂၂)ရက်‌နေ့တွင် ကျရောက်သည့် ကမ္ဘာ့ကြက်ခြေနီနေ့ အထိမ်းအမှတ် အခမ်းအနားကို ကျင်းပခဲ့ရာ မြို့နယ်စီမံအုပ်ချုပ်ရေး အဖွဲ့ဝင်များ၊ ဌာနဆိုင်ရာများ၊ ကြက်ခြေနီတပ်ဖွဲ့ဝင်များနှင့် လူမှုရေးအသင်းအဖွဲ့များ စုစုပေါင်း (၅၃)ဦးတက်ရောက်ခဲ့ကြပါသည်။

             အခမ်းအနားတွင် စားသုံးသူရေးရာဦးစီးဌာန၊ မင်းပြားမြို့နယ်တာဝန်ခံ ဦးမောင်သန်းဝင်းက တက်ရောက်လာကြသူများအား  စားသုံးသူကာကွယ်ရေးနှင့် ပတ်သက်၍အသိပညာဗဟုသုတများရရှိစေရေးနှင့် စားသုံးသူများအနေဖြင့် မိမိတို့ရရှိနိုင်သည့် အခွင့်အရေးများအား တောင်းဆိုတတ်စေရန် ရည်ရွယ်၍ အသိပညာပေးဆွေးနွေး ဟောပြောခြင်းဖြစ်ကြောင်း၊ စားသုံးသူရေးရာဦးစီးဌာနအနေဖြင့် ၂၀၁၉ စားသုံးသူကာကွယ်ရေးဥပဒေကို (၁၅-၃-၂၀၁၉)နေ့တွင် ပြဌါန်းခဲ့ပြီး စားသုံးသူကာကွယ်ရေး လုပ်ငန်းများကို နေပြည်တော်ကောင်စီနယ်မြေနှင့် တိုင်း‌ဒေသကြီး/ပြည်နယ်များတွင် ကျယ်ကျယ်ပြန့်ပြန့် ဆောင်ရွက်လျက်ရှိပါကြောင်း၊ စားသုံးသူကာကွယ်ရေးဥပဒေ(၂၀၁၉)ပါ ပြဌာန်းချက်တွင် စားသုံးသူအခွင့်အရေး(၈)ချက်နှင့်  တာဝန်များ၊ ကုန်စည် သို့မဟုတ် ဝန်ဆောင်မှုဝယ်ယူသုံးစွဲရာတွင်  စားသုံးသူနစ်နာဆုံးရှုံးမှုနှင့်စပ်လျဉ်း၍  တိုင်ကြားနိုင်သည့် စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ(CICC) ဖွင့်လှစ်ထားရှိမှု၊ စားသုံးသူများအနေဖြင့် မိမိတို့သိရှိလိုသည်များကို မေးမြန်းစုံစမ်းရန်နှင့် တိုင်ကြားမှုဆောင်ရွက်နိုင်သည့် Consumer Call Center ၊ စီးပွားရေးလုပ်ငန်းရှင်များလိုက်နာ‌ဆောင်ရွက်ရမည့်တာဝန်များ၊ ကုန်ပစ္စည်းထုတ်လုပ်ရာ၌ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ စီးပွားရေးလုပ်ငန်းရှင်များ လိုက်နာဆောင်ရွက်ရမည့်အချက်များ၊ တားမြစ်ချက်များ၊ ပြစ်မှု/ပြစ်ဒါဏ်များအား အသိပညာပေးဆွေး‌နွေးခဲ့ပါကြောင်း သတင်းရရှိပါသည်။

DOCA(ရခိုင်)

           ဧရာဝတီတိုင်းဒေသကြီး၊ ပုသိမ်ခရိုင်၊ ရေကြည်မြို့နယ်စားသုံးသူရေးရာဦးစီးဌာနမှ မြို့နယ်တာ၀န်ခံ ဒေါ်ချယ်ရီမြင့်နှင့် ၀န်ထမ်းများသည် (၃.၅.၂၀၂၂)ရက်နေ့ နံနက် (၁ဝး၃၀)နာရီတွင် မြို့နယ် စည်ပင်သာယာရေးအဖွဲ့၊ မြန်မာနိုင်ငံရဲတပ်ဖွဲ့၊ မီးသတ်တပ်ဖွဲ့များနှင့် ပူးပေါင်း၍ ရေကြည်မြို့နယ်၊ ငါးသိုင်းချောင်းမြို့သစ်ရပ်ကွက်ရှိ မုန့်မျိုးစုံရောင်းချသောဆိုင် (၄)ဆိုင်သို့ သွားရောက်ကွင်းဆင်းစစ်ဆေးခဲ့ပါသည်။

         အဆိုပါ မုန့်မျိုးစုံရောင်းချသောဆိုင်များရှိ မုန့်များတွင် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဆိုင်ရာ အချက်များပြည့်စုံစွာ ပါ၀င်ခြင်းရှိ/မရှိစျေးကွက်စောင့်ကြည့် စစ်ဆေးရေးအဖွဲ့များနှင့် စစ်ဆေးခဲ့ရာသတ်မှတ်ထားသော ကုန်အညွှန်းအမှတ်အသားနှင့် ကိုက်ညီမှုရှိကြောင်း တွေ့ရှိရပါသည်။

DOCA(ဧရာဝတီ)