သတင်းနှင့် လှုပ်ရှားမှုများ

      ၂၀၂၄  ခုနှစ်၊  မေ ၁၇  ရက်နေ့၊  နံနက် (၁၀း၀၀) အချိန်တွင် စီးပွားရေးနှင့်ကူသန်း ရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရုံးချုပ်မှ ဒုတိယညွှန်ကြားရေးမှူးချုပ် ဦးခင်မောင်လှိုင်မှ ဦးဆောင်၍ စားသုံးဆီဖြန့်ဖြူးခြင်း၊ရောင်းချခြင်း လုပ်ငန်းညှိနှိုင်းအစည်းအဝေးကို online virtual စနစ်ဖြင့် ကျင်းပပြုလုပ်ခဲ့ရာ UMFCC ဥက္ကဋ္ဌ၊ မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း ဥက္ကဋ္ဌ၊ စားသုံးသူရေးရာဦးစီးဌာန တိုင်းဒေကြီး/ပြည်နယ် ဦးစီးမှူးများ၊ ဖြန့်ဖြူးရောင်းချမည့် ကုမ္ပဏီ(၁၈)ခုမှ တာဝန်ရှိသူများ တက်ရောက်ခဲ့ပါသည်။

      အစည်းအဝေးတွင် UMFCCI ဥက္ကဋ္ဌ ဦးအေးဝင်းမှ Supply Chain ပြတ်တောက်မသွားအောင် အားလုံးပူးပေါင်း ဆောင်ရွက်ကြရန်နှင့် ဖြန့်ဖြူးသူများ သင့်တင့်မျှတသော အကျိုးအမြတ် ရရှိ ပြီး စားသုံးသူပြည်သူများလည်း ကုန်စျေးနှုန်းကြီးမြင့်ခြင်း မရှိစေရန် လုပ်ငန်းရှင်များအလေးထား  သတိပြုဆောင်ရွက်ရန်နှင့် မလိုလားအပ်သော စျေးနှုန်းမဖြစ်စေရန် အချင်းချင်း အပြန်အလှန် ထိန်းကျောင်းပေးရန်၊ မိမိတို့မှလည်း လုပ်ငန်းစဥ် အောင်မြင်ရေးအတွက် ပူးပေါင်းဆောင်ရွက်သွားမည် ဖြစ်ကြောင်း ပြောကြားခဲ့ပါသည်။

     ဆက်လက်၍ မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း ဥက္ကဋ္ဌ ဦးဆန်းလင်းမှ ဖြန့်ဖြူးသည့် ကုမ္ပဏီများမှ တင်သွင်းမှု၊ ဖြန့်ဖြူးမှုကိစ္စရပ်များနှင့် ဖြစ်ပေါ်လာမည့် အခြေအနေများကို တင်ပြဆွေးနွေးခဲ့ပါသည်။

       နိဂုံးချုပ်အနေဖြင့် စားသုံးသူရေးရာဦးစီးဌာန၊ ဒုတိယညွှန်ကြားရေးမှူးချုပ်မှ ဆွေးနွေးချက်များကို ပြန်လည်ရှင်းပြောကြားခဲ့ကာ အစည်းအဝေးအား နေ့လယ်(၁၁း၃၀)နာရီအချိန်တွင် ရုတ်သိမ်းခဲ့ကြောင်း သိရှိရပါသည်။

DOCA(တနင်္သာရီ)

      နတ်တလင်းခရိုင်၊ ပေါင်းတည်မြို့နယ်၌ (၁၄-၅-၂၀၂၄) ရက်နေ့၊ နံနက်(၀၉:၀၀) နာရီအချိန်တွင်  စားသုံးသူရေးရာဦးစီးဌာန၊ နတ်တလင်းခရိုင်တာဝန်ခံ ဦးခင်မောင်ထွန်းနှင့်  ပေါင်းတည်မြို့နယ်တာဝန်ခံ ဦးနိုင်ဝင်းသိန်းတို့သည် မိတ်ဖက်အဖွဲ့အစည်းများဖြစ်သည့် မြို့နယ်စည်ပင်သာယာရေးအဖွဲ့၊ မြို့နယ်မီးသတ်ဦးစီးဌာန၊ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့နှင့်ပူးပေါင်း၍ ပေါင်းတည်မြို့နယ်အတွင်းရှိ ခွဲတမ်းရစားအုန်းဆီအရောင်းဆိုင်များသို့ သွားရောက်စစ်ဆေးခဲ့ကြပါသည်။

      ထိုသို့စစ်ဆေးရာတွင် သတ်မှတ်ရည်ညွှန်းဈေးနှုန်းများကို ဗီနိုင်းများတွင်ဖော်ပြ၍ ချိတ်ဆွဲရောင်းချနေကြောင်းတွေ့ရှိရပါသည်။ ထို့နောက် တာဝန်ခံများက ရည်ညွှန်းဈေးနှုန်းများဖြင့် မှန်ကန်စွာရောင်းချပေးနိုင်ရေး၊ အချင်အတွယ်နှင့် အလေးချိန်မှန်ကန်စွာရောင်းချရေး၊ သတ်မှတ်ရည်ညွှန်းဈေးအပေါ်  ဖြစ်သင့်ဖြစ်ထိုက်သည့် သယ်ယူပို့ဆောင်ခစရိတ်အပြင် သတ်မှတ်အမြတ်ရာနှုန်းထက်ပိုမို၍ ရောင်းချခြင်းမပြုလုပ်ကြရန် အသိပေးပြောကြားခဲ့ကြောင်းသိရှိရပါသည်။

DOCA(ပဲခူး)

      ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့နယ်၊ ဥသျှစ်ပင်မြို့တွင် စားသုံးသူရေးရာဦးစီးဌာန၊ ပန်းတောင်းမြို့နယ်တာဝန်ခံ ဒေါ်သန်းသန်းအေးနှင့်ဝန်ထမ်းများအဖွဲ့သည် အခြားမိတ်ဖတ်ဌာနဆိုင်ရာများဖြစ်သော ကျန်းမာရေးဦးစီးဌာနမှ ဆရာဝန်ကြီး၊ မြို့နယ်စည်ပင်သာယာအဖွဲ့၊ ဒု-မြို့နယ်အုပ်ချုပ်ရေးမှူး၊ မြန်မာနိုင်ငံရဲတပ်ဖွဲ့နှင့် မီးသတ်တပ်ဖွဲ့၊ မြို့နယ်အခွန်ဦးစီးမှူးနှင့်အဖွဲ့သည် (၁၅-၅-၂၀၂၄)ရက်နေ့၊ နံနက်ပိုင်းတွင် ဥသျှစ်ပင်မြို့ပေါ်ရှိ ဆေးနှင့်ဆေးပစ္စည်းအရောင်းဆိုင်များသို့သွားရောက်၍ ကွင်းဆင်းစစ်ဆေးခဲ့ကြပါသည်။

        ထိုသို့ကွင်းဆင်းစစ်ဆေးရာတွင် လုပ်ငန်းလိုင်စင်ရှိ/မရှိ၊ ဆေးရောင်းချခွင့်လိုင်စင်ရှိ/မရှိ၊ သက်တမ်းလွန်ဆေးဝါးများရောင်းချမှုရှိ/မရှိ၊ သက်ဆိုင်ရာမှ ထုတ်ပြန်ထားသော သုံးစွဲရန်သင့်/မသင့်ဆေးဝါးနှင့် အလှကုန်များရောင်းချမှုရှိ/မရှိ၊ ဆရာဝန်ညွှန်ကြားချက်မလိုသော အိမ်သုံးဆေးဝါး၊ သောက်ဆေးအမျိုးမျိုးနှင့် လိမ်းဆေးအမျိုးမျိုး၊ အာဟာရဖြည့်စွက်စာအမျိုးမျိုး၊ တိုင်းရင်းဆေးအမျိုးမျိုးတို့တွင် ကုန်အမှတ်တံဆိပ်၊ အမျိုးအမည်၊ အရွယ်အစား၊ အရေအတွက်နှင့် အသားတင်ပါဝင်မှုပမာဏ၊ ထားသိုသိမ်းဆည်းပုံအညွှန်း၊ သုံးစွဲပုံနည်းလမ်း၊ ဘေးထွက်ဆိုးကျိုး၊ ကြိုတင်သတိပေးချက် စသည့်ကုန်အညွှန်းအမှတ်အသားဖော်ပြခြင်းဆိုင်ရာ အချက်အလက်များအား မြန်မာဘာသာဖြင့် ပြည်စုံမှန်ကန်စွာဖော်ပြထားခြင်းရှိ/မရှိ၊ စားသုံးသူကာကွယ်ရေးဥပဒေပါ ကုန်အညွှန်း အမှတ်အသားဖော်ပြခြင်းဆိုင်ရာ အချက်အလက်များပါဝင်မှုမရှိသော ကုန်ပစ္စည်းရောင်းချမှုရှိ/မရှိကို မြို့နယ်အတွင်းရှိ ဆေးပစ္စည်းအရောင်းဆိုင် (၁၁)ဆိုင်အား ကွင်းဆင်းစစ်ဆေးခဲ့ကြောင်းသိရပါသည်။

DOCA(ပဲခူး)

     စားသုံးသူပြည်သူများအား ထုတ်ကုန်လုံခြုံစိတ်ချရမှုရှိစေရေး၊ ဘေးအန္တရာယ်ရှိသောကုန်စည်များ ဈေးကွက်အတွင်းမှ ပပျောက်စေရေးနှင့် စားသုံးသူကာကွယ်ရေးဥပဒေပြဋ္ဌာန်းချက်ပါ ကုန်စည်များတွင် မြန်မာဘာသာဖြင့် ကုန်အညွှန်းအမှတ်အသားဖော်ပြထားမှုအခြေအနေတို့နှင့်စပ်လျဉ်း၍ သက်ဆိုင်ရာ မိတ်ဖက်ဌာနများနှင့်ပူးပေါင်း၍ ဈေးကွက်စောင့်ကြည့်စစ်ဆေးခြင်းလုပ်ငန်းများဆောင်ရွက်လျက်ရှိရာ ၂၀၂၄ခုနှစ်၊ မေလ (၁)ရက်နေ့မှ (၁၅)ရက်နေ့အတွင်း၌ ပြည်ခရိုင်၊ ပြည်မြို့၊ မြို့သစ်ရပ်ကွက်၊ ကုန်စုံဆိုင်များရှိ စားသုံးဆီအမျိုးမျိုးကိုလည်းကောင်း၊ ရွှေတောင်မြို့၊ မြို့ပေါ်ကုန်စုံဆိုင်များရှိ ကလေးအသုံးအဆောင်ပစ္စည်းအမျိုးမျိုးကိုလည်းကောင်း၊ သရက်တောရပ်ကွက်၊ ကုန်စုံဆိုင်များရှိ စားသုံးဆီအမျိုးမျိုးကိုလည်းကောင်း၊ ပန်းတောင်းမြို့၊ ဥသျှစ်ပင်ဈေးနှင့် ဥသျှစ်ပင်မြို့ပေါ်ကုန်စုံဆိုင်များရှိ စားသုံးဆီအမျိုးမျိုးကိုလည်းကောင်း၊  ပေါက်ခေါင်းမြို့၊ မြို့ပေါ်ကုန်စုံဆိုင်များရှိ စားသုံးဆီအမျိုးမျိုးကိုလည်းကောင်း ဈေးကွက်စောင့်ကြည့်စစ်ဆေးခြင်းများကို သက်ဆိုင်ရာမြို့နယ်တာဝန်ခံများနှင့် ဝန်ထမ်းများသည် သွားရောက်၍ ကုန်အညွှန်းအမှတ်အသားပါ သတ်မှတ်ချက်များနှင့်ကိုက်ညီမှုရှိသော ကုန်စည်များကိုတင်သွင်းရောင်းချခြင်းရှိ/မရှိ၊ သက်ဆိုင်ရာဌာန၏ထောက်ခံမှုရှိ/မရှိ ဈေးကွက်စောင့်ကြည့်စစ်ဆေးခဲ့ရာ စောင့်ကြည့်စစ်ဆေးခဲ့သည့် ကုန်စည်များတွင် ကုန်အညွှန်းအမှတ်အသားဖော်ပြချက်များနှင့်ကိုက်ညီမှုရှိပါကြောင်း သိရှိရပါသည်။

DOCA(ပဲခူး)

    စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံးရှိ ဝန်ထမ်းစွမ်းဆောင်ရည်မြှင့်တင်ရေးအထောက်အကူပြု Wednesday Talk နှင့် စာပေစကားဝိုင်း ဆွေးနွေးပွဲကို ၂၀၂၄ ခုနှစ်၊ ၁၅.၅.၂၀၂၄  ရက်နေ့၊ နေ့လယ်  (၁၄:၀၀) နာရီအချိန်တွင် တိုင်းဒေသကြီး ဦးစီးမှူးရုံး၊ အစည်းအဝေးခန်းမ၌ တိုင်းဒေသကြီးဦးစီးမှူး၏ လမ်းညွှန်မှုဖြင့် ပထမပိုင်း၊ ဒုတိယပိုင်း ဟူ၍ နှစ်ပိုင်းခွဲကာ ကျင်းပပြုလုပ်ဆောင်ရွက်ခဲ့ပါသည်။ ထိုသို့ပြုလုပ် ဆောင်ရွက်ခြင်းသည် ဝန်ထမ်းများအား ဝန်ထမ်းစွမ်းဆောင်ရည်မြင့်မားပြီး လုပ်ငန်းဆောင်ရွက်ချက်များကို အောင်မြင်စွာ လုပ်ကိုင်ဆောင်ရွက်တတ်စေရန်ရည်ရွယ်၍ ပြုလုပ်ဆောင်ရွက်ခြင်းဖြစ်ကြောင်း သိရှိရပြီး အရာထမ်းများ၊ အမှုထမ်းများ စုစုပေါင်း (၃၆) ဦးတက်ရောက်ခဲ့ကြကြောင်း သိရှိရပါသည်။

     ပထမပိုင်းတွင် တိုင်းဒေသကြီးဦးစီးမှူးရုံး၊ စားသုံးသူရေးရာဌာနခွဲမှ ဦးစီးအရာရှိ ဒေါ်ခိုင်မို့မို့က ကုန်ပစ္စည်းအမှတ်တံဆိပ်မှန်ကန်စေရေးနှင့် ပတ်သက်၍  သိကောင်းစရာများအကြောင်း ရှင်းလင်းဆွေးနွေးခဲ့ပြီး ငွေစာရင်းဌာနခွဲမှ ရုံးအကူမှူး ဦးကျော်သီဟက စာရေးဆရာဆလိုင်း အောင်မင်းလှိုင်၏ သင့်ရဲ့ ကျောက်ဆူးက ဘယ်သူလဲ စာအုပ်ကြောင်း ရှင်းလင်းဆွေးနွေးခဲ့ပါသည်။            

    ဒုတိယပိုင်းတွင် တိုင်းဒေသကြီးဦးစီးမှူးနှင့် ဒု-တိုင်းဒေသကြီးဦးစီးမှူးက တိုင်းဒေသကြီး ဦးစီးမှူးရုံးနှင့် ခရိုင်ဦးစီးမှူးရုံးများမှ သတင်းဆောင်းပါးရေးသားသည့် ဝန်ထမ်းများအား သတင်း၊ ဆောင်းပါးရေးသားရာတွင် ပါဝင်သင့်သည့် အချက်များ၊ ရှောင်ကြဉ်ရမည့်အချက်များ၊ သတိပြုရမည့်အချက်များ၊ သတင်းခေါင်းစဉ်ရေးသားရာတွင် ဂရုစိုက်ရမည့်အချက်များ၊ ဌာနခွဲအလိုက် ရေးသားပေးပို့နိုင်သည့် သတင်း၊ဆောင်းပါးအမျိုးအစားများ ရှင်းလင်းဆွေးနွေးခဲ့ပြီး  တိုင်း/ခရိုင်မှ သတင်းဆောင်းပါးရေးသားသူ(၂၄)ဦးအား ဆုငွေများချီးမြှင့်ပေးခဲ့ပြီး အရှိန်အဟုန်မပျက် ဆက်လက်ရေးသားကြရန် ပြောကြားခဲ့ကြောင်း သိရှိရပါသည်။  

DOCA(စစ်ကိုင်း)