သတင်းနှင့် လှုပ်ရှားမှုများ

၁။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စားသုံးသူရေးရာဦးစီးဌာနပိုင် ရန်ကုန် တိုင်းဒေသကြီး၊ လှိုင်မြို့နယ်၊ ဓမ္မသုခကျောင်းလမ်းရှိ အမှတ်(၁-က)၊ အဆောက်အဦ(၁)လုံး (၁၂၀'x၅၀' x၂၀')(သွပ်၊ အုတ်၊ ကွန်)အား (၅)နှစ်သက်တမ်း (၁)နှစ်တစ်ကြိမ် စာချုပ်ချုပ်ဆို၍ အိတ်ဖွင့်တင်ဒါစနစ်ဖြင့် ငှားရမ်းမည်ဖြစ်ကြောင်း ကြော်ငြာအပ်ပါသည်-
(က) တင်ဒါပုံစံရောင်းချမည့်ရက် - (၁၇.၁.၂၀၂၂)ရက်မှ (၁၆.၂.၂၀၂၂)ထိ
( ခ ) တင်ဒါပိတ်မည့်နေ့/အချိန် - (၁၆.၂.၂၀၂၂)ရက် ညနေ( ၁၆:၀၀)နာရီ
( ဂ ) တင်ဒါယှဉ်ပြိုင်ရမည့်ရက်/အချိန် - (၁၇.၂.၂၀၂၂)ရက်နေ့၊ (၁၃:၀၀)နာရီ
(ဃ) တင်ဒါတင်သွင်းရမည့်နေရာ - စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ရုံးအမှတ်(၃)၊ နေပြည်တော်။
(င) စာရင်းပေးသွင်းရမည့်နေရာ - ရုံးအမှတ်(၅၂)၊ နေပြည်တော်
(စ) တင်ဒါစည်းကမ်းချက်များ - (၁၇.၂.၂၀၂၂)ရက်နေ့၊ (၁၁:၀၀)နာရီ
ရှင်းလင်းမည့်နေ့/အချိန်/နေရာ ရုံးအမှတ်(၅၂)၊ နေပြည်တော်
(ဆ) တင်ဒါပုံစံရောင်းချမည့်နေရာ - စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၊ စီမံရေးရာဌာနခွဲ၊ အမှတ် (၂၂၈/၂၄၀)၊ ဒုတိယထပ်၊ ကမ်းနားလမ်းနှင့်ရွှေဘုံသာလမ်းထောင့်၊ ရန်ကုန်မြို့။
(ဇ) Depositပေးသွင်းနိုင်သည့်ဘဏ် - တင်ဒါစည်းကမ်းသတ်မှတ်ချက်ပုံစံတွင် ဖော်ပြထားပြီး ဖြစ်ပါသည်။
၂။ စားသုံးသူရေးရာဦးစီးဌာနမှ ငှားရမ်းမည့် အဆောက်အဦ(၁)လုံး၏ မျက်မြင်အခြေအနေအား သက်ဆိုင်ရာ မြို့နယ်သို့ သွားရောက်ကြည့်ရှုနိုင်ပြီး အသေးစိတ် အချက်အလက်များကို သိရှိလိုပါက တင်ဒါပုံစံ ဝယ်ယူရမည့်နေရာသို့ လူကိုယ်တိုင်ဖြစ်စေ၊ ဖုန်း ၀၁-၂၅၀၄၃၂ သို့ ဆက်သွယ်စုံစမ်းမေးမြန်း နိုင်ပါသည်။

တင်ဒါစိစစ်ရေးကော်မတီ
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန

စားသုံးသူရေးရာဦးစီးဌာန၊ဖျာပုံခရိုင် ဖျာပုံမြို့နယ်နှင့် ကျိုက်လတ်မြို့နယ် ဦးစီးမှူးရုံးတို့တွင် မြို့နယ်တာဝန်ခံတို့နှင့် ဧရာဝတီတိုင်းဒေသကြီး အသေးစားစက်မှုလက်မှုလုပ်ငန်း ဦးစီးဌာနတို့ပူးပေါင်း၍ ၂၀၂၂ ခုနှစ်၊ ဇန်နဝါရီလ(၁)ရက်နေ့တွင် ဒေသထုတ်စားသောက်ကုန်လုပ်ငန်းများဖွံ့ဖြိုးတိုးတက်လာစေရန် ဖျာပုံမြို့ နယ်လုပ်ငန်းရှင်(၁၅)ဦး၊ကျိုက်လတ်မြို့နယ်(၈)ဦးတို့အား စားသုံးသူကာကွယ်ပေးရေးဆိုင်ရာနှင့်အသေးစားစက်မှုလက်မှုလုပ်ငန်း မှတ်ပုံတင်ခြင်းဆိုင်ရာ သိကောင်းစရာများ အသိပညာပေးဆောင်ရွက်ခဲ့ကြောင်းသိရသည်။
အဆိုပါအခမ်းအနားတွင် စားသုံးသူကာကွယ်ရေးဥပဒေပါ အခန်း(၁၈)ပုဒ်မ(၄၁)(၄၃)အရထုတ် ကုန်များပေါ်တွင် ကုန်အညွှန်းအမှတ်အသားဖော်ပြရာ၌ မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခုသို့မဟုတ်တစ်ခုထက်ပို၍တွဲလျက်ဖြစ်စေရေးသားဖော်ပြရမည်ဖြစ်ကြောင်း၊ မြန်မာနိုင်ငံစားသုံးသူကာကွယ်ရေးကော်မတီ၏ ညွှန်ကြားချက်အမှတ်(၂/၂၀၁၉)အရ ကုန်စည်အမျိုးအစားအလိုက် ကုန်အညွှန်းအမှတ်အသားဖော်ပြရမည်ဖြစ်ကြောင်း၊ မြို့နယ်တာဝန်ခံက အသိပညာပေးပြောကြားပါသည်။ ဆက်လက်၍ အသေးစားစက်မှုလက်မှုလုပ်ငန်းဦးစီးဌာနမှ လက်ထောက်ညွှန်ကြားရေးမှူးဒေါ်ခင်ညိမ်းချမ်းကဒေသထွက်ကုန်လုပ်ငန်းရှင်များ မှတ်ပုံတင်သက်တမ်းတိုးရေးနှင့်အသစ်လျှောက်ထားလိုသူများအတွက် စားသုံးသူရေးရာဦးစီးဌာန၏ အကူအညီဖြင့်ရောက်ရှိလာပါကြောင်း၊စားသောက်ကုန်ပစ္စည်းနမူနာ ဓါတ်ခွဲစမ်းသပ်ပြီးမှ ရလဒ်ပေါ်တွင် မှတ်ပုံတင်ထုတ်ပေးပါကြောင်း၊မှတ်ပုံတင်ခြင်း၏ အကျိုးကျေးဇူးအနေဖြင့် နည်းပညာအကူအညီအထောက်အပံ့များရရှိနိုင်ခြင်း၊ ငွေကြေးအထောက်အပံ့များရရှိနိုင်ခြင်း၊ ကုန်စည်ပြပွဲများ၊ ပြိုင်ပွဲများတွင်ပါဝင်ပြသနိုင်ခြင်း၊ လုပ်ငန်းများပိုမိုအောင်မြင်လာစေရန် လုပ်ငန်းမျိုးတူစုအဖွဲ့များဖွဲ့စည်းဆောင်ရွက်နိုင်ခြင်း၊ ပြည်ပမှ ကျွမ်းကျင်သူများ၏အကူအညီရယူနိုင် ခြင်းနှင့်ပြည်ပနှင့် စီးပွားရေးလုပ်ငန်းများ၊ စာချုပ်များ ချုပ်ဆိုလုပ်ကိုင်နိုင်ခြင်း၊အသစ်ထူထောင်သည့် လုပ်ငန်းများအတွက် လုပ်ငန်းစတင်လုပ်ဆောင်သည့် နှစ်အပါအဝင် တစ်ဆက်တည်း သုံးနှစ်ကာလတွင် ဝင်ငွေခွန်ကင်းလွတ်ခွင့်ရနိုင်ခြင်း၊ဦးစီးဌာနနှင့် အစိုးရဌာနများက အခါအားလျော်စွာသတ်မှတ်ပေးသော အခြားအခွင့်အရေးများကို ခံစားခွင့်များရရှိနိုင်မည်ဖြစ်ပါကြောင်းအသိပညာပေးပြောကြားပါသည်။
အခမ်းအနားသို့ တက်ရောက်လာသူများမှ သိလိုသည်များ မေးမြန်းမှုအပေါ်တာဝန်ရှိသူများက ပြန်လည်ဖြေကြားခဲ့ပြီး ၂၀၁၉ ခုနှစ်၊ စားသုံးသူကာကွယ်ရေးဥပဒေစာအုပ်နှင့် လက်ကမ်းစာစောင်များ အသေးစားစက်မှုလက်မှုလုပ်ငန်းဦးစီးဌာနက မှတ်ပုံတင်ခြင်းဆိုင်ရာလမ်းညွှန်ချက်စာအုပ်နှင့် လက်ကမ်းစာစောင်များ ဖြန့်ဝေပေးခဲ့ကြောင်း သတင်းရရှိပါသည်။
စားသုံးသူရေးရာဦးစီးဌာန
ဧရာဝတီတိုင်းဒေသကြီး

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူး၏ လမ်းညွှန်ချက်ဖြင့် စားသုံးသူများ ထုတ်ကုန်လုံခြုံစိတ်ချရမှုရှိစေရန်နှင့် လုပ်ငန်းရှင်များအနေဖြင့် မိမိတို့ထုတ်လုပ်သော ကုန်ပစ္စည်းများတွင် စားသုံးသူကာကွယ်ရေးဥပဒေအရ ကုန်အညွှန်းအမှတ်အသားများ ပြည့်စုံစွာပါဝင်နိုင်ရေးအတွက် ရည်ရွယ်၍ (၆.၁.၂၀၂၂)ရက်နေ့၊ နံနက် (၁၀:၀၀) အချိန်တွင် ဒု-ခရိုင်ဦးစီးမှူး ဒေါ်မွန်မွန်စိုးနှင့် ဝန်ထမ်းများသည် ပခုက္ကူမြို့အမှတ်(၁)ရပ်ကွက်ရှိ “ပြည့်စုံလျှန်” ဇီးနှစ်ဖျော်ရည်လုပ်ငန်း၊ အမှတ်(၂) ရပ်ကွက်ရှိ “OK 1” သဘာဝ ဇီး/ မန်ကျည်းဖျော်ရည်လုပ်ငန်း၊ အမှတ်(၄)ရပ်ကွက်ရှိ “ကူးကူး” ဆေးမန်ကျည်းနှင့် ယိုမျိုးစုံလုပ်ငန်း၊ အမှတ်(၉)ရပ်ကွက်ရှိ “မြကေခိုင်” ဇီးနှင့်မန်ကျည်းလုပ်ငန်းရှင် များနှင့်တွေ့ဆုံဆွေးနွေးခဲ့ရာ ဒု-ခရိုင်ဦးစီးမှူးက စားသုံးသူကာကွယ်ရေးဥပဒေပါ စားသုံးသူ၏အခွင့် အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ ကုန်အညွှန်းအမှတ်အသား ဖော်ပြချက်များအား လုပ်ငန်းရှင်များသိရှိနိုင်စေရန် အသေးစိတ်ရှင်းလင်းဆွေးနွေးခဲ့ပြီး၊ လုပ်ငန်းရှင်များအနေ ဖြင့် မိမိတို့ထုတ်လုပ်သော ကုန်ပစ္စည်းများတွင် ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြရန်လိုအပ်ကြောင်း၊ စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဖော်ပြချက် များနှင့် ကိုက်ညီမှုရှိ/မရှိကို ပခုက္ကူခရိုင်စားသုံးသူရေးရာဦးစီးဌာနသို့လာရောက်၍ ကုန်အမှတ် တံဆိပ်စိစစ်ခွင့်ပြုချက် လျှောက်ထားရယူနိုင်ကြောင်း ရှင်းလင်းဆွေးနွေးခဲ့ပြီး စားသုံးသူကာကွယ် ရေးဥပဒေစာအုပ်နှင့် လက်ကမ်း စာစောင်များအား ဖြန့်ဝေခဲ့ပါသည်။
“OK 1” သဘာဝဇီး/မန်ကျည်းဖျော်ရည်လုပ်ငန်းနှင့်ပတ်သက်၍ လေ့လာရာတွင် “OK 1” သဘာဝဇီး/ မန်ကျည်းဖျော်ရည်လုပ်ငန်းအပြင် “ဖိုးသာထူး”အမှတ်တံဆိပ်ဖြင့် ဆီးဖြူသီးဖျော်ရည်၊ ရှယ်ဇီးငံစပ်အရသာဘူး၊ ဇီးဖျော်ရည်၊ မန်ကျည်းဖျော်ရည်၊ မန်ကျည်းဆော့၊ မန်ကျည်းအနှစ်၊ ရွှေချဉ်ပေါင်၊ ပုဇွန်ပသျူးငပိကြော်၊ ငါးနီတူးငရုတ်ကြော်၊ ပသျူးငပိထောင်း စသည်တို့ကိုလည်း ထုတ်လုပ်ရောင်းချလျက်ရှိကြောင်း၊ လုပ်ငန်းရှင်မှ မိမိသည် “OK 1” ဇီး/မန်ကျည်းဖျော်ရည် လုပ်ငန်းကိုသာ ဦးစားပေးလုပ်ဆောင်ပြီး “OK 1” သဘာဝဇီး/မန်ကျည်းဖျော်ရည်လုပ်ငန်းကို လုပ်ဆောင်လာ သည်မှာ(၂)နှစ်ကျော်သက်တမ်းဖြင့်“ဖိုးသာထူး”အမှတ်တံဆိပ် စားသောက်ကုန်များအား ကိုဗစ်ကာလအတွင်း အလုပ်သမားများအား အလုပ်အကိုင်အခွင့်အလမ်း ဖန်တီးပေးနိုင်ရေးအတွက် ဆောင်ရွက် ခြင်းဖြစ်ကြောင်း၊ လုပ်သားဦးရေ(၄)ဦးရှိပြီး လုပ်အားခအနေဖြင့် (၁)ဦးလျှင် အမျိုးသား(၅၅၀၀) ကျပ်နှင့် အမျိုးသမီး (၄၀၀၀)ကျပ် ပေးရကြောင်း၊ ကုန်ကြမ်းအနေဖြင့် မန်ကျည်းအသားများကို ကျောက်ပန်းတောင်းမြို့မှ တစ်ပိဿာလျှင် (၂၅၀၀)ကျပ်ပေးဝယ်ယူကြောင်း၊ ဇီးဖျော်ရည်လုပ်ငန်း အတွက် သန့်စင်ပြီး ဇီးခွံကို ပခုက္ကူ၊ မြစ်ခြေ၊ ကမ္မမြို့တို့မှ(၁)တင်းလျှင် (၄၀၀၀)ကျပ်ပေးဝယ်ယူ ကြောင်း၊ ဈေးနှုန်းအနေဖြင့် “OK 1” အမှတ်တံဆိပ် ဂျင်းဇီးဖျော်ရည်မှာ တစ်ပုလင်းလျှင်လက္ကားဈေးနှုန်း (၄၅၀၀)ကျပ်၊ လက်လီဈေးနှုန်း (၄၈၀၀)ကျပ်၊ ဇီး၊ မန်ကျည်း ဖျော်ရည်မှာ တစ်ပုလင်းလျှင် လက္ကားဈေးနှုန်း(၃၅၀၀)ကျပ်၊ လက်လီဈေးနှုန်း (၃၈၀၀)ကျပ်ဖြင့် ရောင်းချပါကြောင်း၊ ဈေးကွက်အနေဖြင့် ရန်ကုန်၊ မန္တလေး၊ ပဲခူးမြို့များသို့ ဖြန့်ဖြူးရောင်းချရပါကြောင်း၊ အသေးစားစက်မှုလုပ်ငန်းလိုင်စင်များရရှိထားပြီး FDA ထောက်ခံချက်လည်း လျှောက်ထားဆဲဖြစ်ကြောင်း၊ ကုန်စည်ပြပွဲများတွင်လည်း ဒေသထွက်ကုန် “OK 1” ကုန်အမှတ် တံဆိပ်ဇီး/မန်ကျည်းဖျော်ရည်ကို ပြသလျက်ရှိကြောင်း၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့်ဦးစီးဌာနသို့“OK 1” အမှတ်တံဆိပ်မူပိုင်ခွင့်ရရှိရန်အတွက်လည်း Online မှတဆင့်လျှောက်ထားပြီးကြောင်းနှင့် စားသုံးသူရေးရာဦးစီးဌာန၏ ကုန်အညွှန်းအမှတ်အသား စိစစ်ခွင့်ပြုချက်ရရှိနိုင်ရေးအတွက်လည်း ဆောင်ရွက်သွားမည်ဖြစ်ကြောင်း သတင်းရရှိပါသည်။
စားသုံးသူရေးရာဦးစီးဌာန
မကွေးတိုင်း‌ဒေသကြီး

လွိုင်ကော်ခရိုင် ဆန်သယ်ယူပိုဆောင်ဖြန့်ဖြူးမှု ကြီးကြပ်ရေးကော်မတီ၏ လုပ်ငန်းညှိနှိုင်း အစည်းအဝေး (၁/၂၀၂၂) ကို ၂၀၂၂ ခုနှစ်၊ ဇန်နဝါရီလ(၆)ရက်နေ့၊ နံနက် (၀၉ ၀၀) နာရီ အချိန်တွင် ခရိုင်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပပြု လုပ်ဆောင် ရွက်ခဲ့ရာ ဥက္ကဌ၊ အတွင်းရေးမှူး၊ကော်မတီအဖွဲ့ဝင်များနှင့် ဆန်ဖြန့်ဖြူးရောင်းချသည့် လုပ်ငန်းရှင်များ(၁၆)ဦး တက်ရောက်ခဲ့ကြပါသည်။
အဆိုပါအစည်းအဝေးတွင် ဆန်သယ်ယူပို့ဆောင်ဖြန့်ဖြူးမှုကြီးကြပ်ရေးကော်မတီ ဥက္ကဌ ခရိုင် အထွေထွေအုပ်ချုပ်ရေးဦးစီးဌာန၊ ခရိုင်အုပ်ချူပ်ရေးမှူး၊ ဦးဝင်းဇော်နိုင်က အဖွင့်အမှာ စကားပြော ကြားခဲ့ပြီး၊လက်ရှိဖြစ်ပေါ်နေသည့် အခြေအနေအရ ပြည်နယ်အတွင်း ဆန်တင်သွင်းမှုကို ပြည်နယ် အစိုးရအဖွဲ့မှယာယီကန့်သတ်ထားပါကြောင်း ၊ မဖြစ်မနေ ဆန်သယ်ယူမည်ဆိုပါက ဆန်သယ်ယူ ခွင့်ကိုကြိုတင်ပြီး တင်ပြရမည်ဖြစ်ပါကြောင်း၊ ဆန်များကို တရားဝင်လမ်းကြောင်းမှသာ သယ်ယူသင့်ပါကြောင်း၊ တရားမဝင်လမ်းကြောင်းမှ တင်သွင်းသော ဆန်များမရှိစေရေးအတွက် လွိုင်ကော်ခရိုင် ဆန်သယ်ယူပို့ဆောင်ဖြန့်ဖြူးမှုကော်မတီမှ ကြီးကြပ်သွားရန်လိုအပ်ကြောင်း ပြောကြားခဲ့ပြီးတက်ရောက်လာသော ဆန်ကုန်သည်များမှ အသီးသီးဆွေးနွေးခဲ့ပြီးနောက် အစည်းအဝေးကို (၁၀;၀၀) နာရီအချိန်တွင် ရုပ်သိမ်းခဲ့ပါသည်။
စားသုံးသူရေးရာဦးစီးဌာန
ကယားပြည်နယ်

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကချင်ပြည်နယ်၊ ပြည်နယ်ဦးစီးမှူး ဦးကိုကိုဦးသည် ၆.၁၂.၂၀၂၁ ရက်နေ့တွင် မြစ်ကြီးနားမြို့၊ စီတာပူရပ်ကွက်ရှိ Star Light သောက်ရေသန့်၊ Grage 40 သောက်ရေသန့်၊ သက်စမ်းရေသောက်ရေသန့် လုပ်ငန်းရှင်များနှင့် တွေ့ဆုံ၍ ကုန်အညွှန်းအမှတ်အသားဖော်ပြခြင်းဆိုင်ရာ အသိပညာပေးဆွေးနွေးခဲ့ပါသည်။
ဆွေးနွေးရာတွင် ပြည်နယ်ဦးစီးမှူးက “ကုန်စည်လုံခြုံစိတ်ချရမှုအစ ကုန်အညွှန်းအမှတ်အသား က”ဆိုသည့်အတိုင်း ထုတ်ကုန်ပစ္စည်းများတွင် ကုန်အညွှန်းအမှတ်အသားပြည့်စုံစွာ ဖော်ပြပေးခြင်း ကြောင့် ထုတ်ကုန်များအပေါ်ယုံကြည်စိတ်ချရမှု ရှိလာမည်ဖြစ်ပြီး စီးပွားရေးလုပ်ငန်းရှင်သည်လည်း မိမိထုတ်လုပ်သည့်ကုန်စည်များတွင် ကုန်အညွှန်းအမှတ်အသားများကို ပြည့်စုံစွာဖော်ပြပေးခြင်းသည် စားသုံးသူအား ရိုးရှင်းမှန်ကန်သော သတင်းအချက်အလက်ပေးခြင်းဖြစ်ကြောင်း၊ စားသုံးသူကာကွယ်ရေး ဥပဒေပုဒ်မ ၄၁ အရ စီးပွားရေးလုပ်ငန်းရှင်သည် ကုန်အညွှန်အမှတ်အသားဖော်ပြခြင်းနှင့် စပ်လျဉ်း၍ ကုန်စည်အမျိူးအစားအလိုက်သတ်မှတ်အချက်နှင့်အညီ စီးပွားရေးလုပ်ငန်းရှင်များ လိုက်နာဆောင်ရွက်ရမည့် အချက်(၈)ချက် ဖော်ပြပါရှိပြကြောင်း၊ ပုဒ်မ ၄၃ အရ ကုန်စည်၏ အမျိုးအမည်၊ အရွယ်အစား၊ အရေအတွက်နှင့်အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ကျန်းမာရေး ဆိုင်ရာဘေးထွက်ဆိုးကျိုး သို့မဟုတ် ဓာတ်မတည့်ကြောင်းဖော်ပြချက်နှင့် ကြိုတင်သတိပေးချက် တို့ကို မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ မဖြစ်မနေဖော်ပြပေးရမည်ဖြစ်ကြောင်း ဆွေးနွေးခဲ့ပါသည်။

စားသုံးသူရေးရာဦးစီးဌာန
ကချင်ပြည်နယ်