သတင်းနှင့် လှုပ်ရှားမှုများ

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊စစ်ကိုင်းတိုင်းဒေသကြီး၊ ရွှေဘိုခရိုင်အနေဖြင့် စားသုံးသူပြည်သူများ ဘေးအန္တရာယ်ကင်းရှင်းရေးအတွက် ဈေးကွက်စောင့်ကြည့် စစ်ဆေးခြင်းများ ဆောင်ရွက်လျက်ရှိရာ စက်တင်ဘာလ(၇)ရက်နေ့ နေ့လယ်(၁၃:၀၀)နာရီ အချိန်တွင် စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးမှ ခရိုင်ဦးစီးမှူး၊ ဒု-ခရိုင်ဦးစီးမှူး၊ ထုန်ကုန်လုံခြုံ စိတ်ချရမှုဌာနခွဲတာဝန်ခံနှင့် ရေဦးမြို့နယ်တာဝန်ခံတို့သည် ရွှေဘိုမြို့၊ အမှတ်(၄)ရပ်ကွက်၊ အောင်ဇေယျရပ်ကွက်ရှိ ကုန်စုံဆိုင်အား ဈေးကွက်စောင့်ကြည့်စစ်ဆေးခဲ့ပါသည်။

         အဆိုပါဆိုင်အား ဈေးကွက်စောင့်ကြည့်စစ်ဆေးရာတွင် ရွှေဘိုမြို့နယ်၊ ကုန်းသာကျေးရွာမှ ထုတ်လုပ်ဖြန့်ဖြူးရောင်းချသည့် ညီနောင်ထက်အမှတ်တံဆိပ်ပါ အာလူးကြော်တွင် မြန်မာဘာသာဖြင့် ထားသိုသိမ်းဆည်းမှုအညွှန်းနှင့် ဓါတ်မတည့်ကြောင်းဖော်ပြချက်များ ထည့်သွင်းဖော်ပြထားခြင်း မရှိ သဖြင့် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၁/၂၀၂၂)နှင့်အညီ ပြည့်စုံစွာထည့်သွင်း ဖော်ပြထားခြင်းမရှိကြောင်း စစ်ဆေးတွေ့ရှိရပါသည်။ စစ်ဆေးတွေ့ရှိချက်နှင့်ပတ်သက်၍ ထုတ်လုပ် ရောင်းချသည့် စီးပွားရေးလုပ်ငန်းရှင်အား တယ်လီဖုန်းဖြင့် ချိတ်ဆက်၍ ကုန်အညွှန်းအမှတ်အသားများ ပြည့်စုံစွာထည့်သွင်း၍ လျှောက်ထားနိုင်ရေး တစ်ပါတည်းဆောင်ရွက်ခဲ့ပါသည်။ ၎င်းအပြင် ထုတ်လုပ် ဖြန့်ဖြူးရောင်းချသည့် စီးပွားရေးလုပ်ငန်းရှင်များအား စားသုံးသူရေးရာဦးစီးဌာနမှ ဆောင်ရွက်နေ သည့် စားသုံးသူကာကွယ်ရေး လုပ်ငန်းများနှင့် ဥပဒေပါအကြောင်းအရာများကို အသိပညာဗဟုသုတ ရရှိနိုင်စေရန် စားသုံးသူကာကွယ်ရေးဥပဒေ၊ အခန်း(၁၈)ပါ ကုန်အညွန်းအမှတ်အသားဖော်ပြခြင်းနှင့် စပ်လျဉ်း၍ မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက် အမှတ်(၂/၂၀၁၉)နှင့် အညီ ပြည့်စုံစွာထည့်သွင်းဖော်ပြထားသည့် ကုန်ပစ္စည်းများကိုသာ ရောင်းချကြရန်၊ ကုန်စည်ကို ထုတ်လုပ်ဖြန့်ဖြူးရောင်းချသည့် စီးပွားရေးလုပ်ငန်းရှင်များအနေဖြင့် ကုန်အညွှန်းအမှတ်အသား ဖော်ပြခြင်းနှင့်ပတ်သက်၍ ဌာန၏ အတည်ပြုချက်ရယူနိုင်ရေးဆောင်ရွက်ကြရန်၊ စားသုံးသူ၏ အခွင့် အရေးနှင့် တာဝန်များ၊ စီးပွားရေးလုပ်ငန်းရှင်၏တာဝန်များ၊ ကုန်စည်နှင့်စပ်လျဉ်း၍ အာမခံချက်ပေး ခြင်းနှင့် အာမခံပေးထားမှုအပါ် စားသုံးသူက တောင်းဆိုနိုင်သည့်အခွင့်အရေး၊ ကုန်စည်နှင့် ဝန်ဆောင်မှုအပေါ် တာဝန်ရှိမှု၊ ပြစ်မှုနှင့်ပြစ်ဒဏ်များ၊ ကုန်စည်နှင့်ဝန်ဆောင်မှုကြောင့် စားသုံးသူ အခွင့်အရေးဆုံးရှုံမှုဖြစ်ပါက ဌာနသို့တိုင်ကြားနိုင်သည့် နည်းလမ်းများအကြောင်း၊ တိုင်ကြားမှုအပေါ် စီးပွားရေးလုပ်ငန်းရှင်မှ အာမခံမှုနှင့်အညီ တာဝန်ယူဆောင်ရွက်ပေးရမည့်အကြောင်းတို့ကို အကျယ် တဝင့်ရှင်းလင်းဆွေးနွေးခဲ့ပြီး မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက် အမှတ်(၂/၂၀၁၉)နှင့် အသိပညာပေး လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ညောင်တုန်းမြို့နယ် ဦးစီးမှူး ဦးအောင်လွင်နှင့် ဝန်ထမ်းများသည် (၈.၉.၂၀၂၂) ရက်နေ့ နေ့လယ် (၁၄:၀၀) နာရီမှ (၁၅:၀၀)နာရီ အထိ ညောင်တုန်းမြို့နယ် အရွဲကျေးရွာရှိ ရွှေဝါနဒီဆန်စက်သို့ သွားရောက်၍ ထုတ်ကုန်လုံခြုံစိတ်ချ ရမှုရှိစေရေးအတွက် ကွင်းဆင်းဆောင်ရွက်ခဲ့ကြပါသည်။

     ထိုသို့ကွင်းဆင်းစစ်ဆေးဆောင်ရွက်ရာတွင် ရွှေဝါနဒီဆန်စက်ပိုင်ရှင်နှင့် တွေ့ဆုံ၍ ဆန်စက်ကြိတ်ခွဲထုတ်လုပ်မှု အဆင့်ဆင့်အကြောင်းနှင့်၊ ထွက်ရှိလာသော ဆန်များကို ရန်ကုန် ဈေးကွက်သို့ တင်ပို့ခြင်း၊ ဆန်/စပါး ဈေးနှုန်း ဈေးကွက်အခြေအနေများ မိုးမနောသုခစပါး (၅၀)ပေါင် ကွင်းဈေးမှာ ၁၂၈၀၀ကျပ်၊ စက်ဈေးနှုန်းမှာ ၁၃၀၀၀ကျပ်ဖြစ်ကြောင်း၊ မနောသုခ ဆန်(၁၀၈)ပေါင်လတ်စ ဈေးမှာ ၄၃၀၀၀ကျပ်၊ ထိပ်စ ၄၅၀၀၀ကျပ်နှင့် နှံကား စပါး(၅၀)ပေါင် ကွင်းဈေး မှာ ၁၂၃၀၀ကျပ်၊ စက်ဈေးမှာ ၁၂၅၀၀ကျပ်နှင့် နှံကားဆန်(၁၀၈)ပေါင် လတ်စ ၃၈၀၀၀ကျပ်နှင့် ထိပ်စ (၄၀၀၀၀)ကျပ် ရှိကြောင်းရှင်းလင်းပြောကြားပြီး၊ ဆန်စက်မှ ထွက်ရှိလာသော ဆန်များကို အရည်အသွေးမြင့်ကုန်စည် ထွက်ရှိစေရေးနှင့် လုပ်ငန်းရှင်တို့၏ ကုန်စည်အပေါ် အာမခံချက်ပေးနိုင်ခြင်းနှင့်စပ်လျဉ်၍ ဆွေးနွေးခြင်း၊ လုပ်ငန်းရှင်လိုက်နာရမည့် တာဝန်၊ တားမြစ်ချက်များ၊ ပြစ်မှု၊ ပြစ်ဒဏ်များအကြောင်းကို ရှင်းလင်း ဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

   ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ လပွတ္တာခရိုင်၊ မော်ကျွန်းမြို့နယ် မြို့နယ်တာဝန်ခံ ဦးမင်းဇော်လတ်သည် အားကစားနှင့်ကာယပညာဦးစီးဌာန၊ တိုင်းရင်းဆေးပညာ ဦးစီးဌာန၊ မွေးမြူရေးနှင့်ကုသရေးဦးစီးဌာန၊ သဘာဝဘေးအန္တရာယ်စီမံခန့်ခွဲမှုဦးစီးဌာနတို့နှင့် ပူးပေါင်း၍ (၇.၉.၂၀၂၂)ရက် နေ့လယ် (၁၃:၀၀)နာရီတွင် မော်လမြိုင်ကျွန်းမြို့နယ် တောရအလယ်တန်းကျောင်း၌ ကျောင်းသား/သူများအား စားသုံးသူကာကွယ်ရေးအသိပညာပေး ဟောပြောပွဲကို ဆောင်ရွက်ခဲ့ပါသည်။

  ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မြို့နယ်တာဝန်ခံမှ စားသုံးသူရေးရာဦးစီးဌာန၏ ရည်မှန်းချက်၊ မျှော်မှန်းချက်များ စားသုံးသူရေးရာဦးစီးဌာန၏ လက်ရှိဆောင်ရွက်နေသော လုပ်ငန်းတာဝန်များ၊ စားသုံးသူများ၏အခွင့်အရေးနှင့်တာဝန်များ၊ စီးပွားရေးလုပ်ငန်း ရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ ဥပဒေအခန်း(၁၈)ပါ ကုန်အညွှန်းအမှတ် အသားဖော်ပြခြင်းနှင့်စပ်လျဉ်၍မည်သည့်စီးပွားရေးလုပ်ငန်းရှင်မဆို ပုဒ်မ(၄၁)ပုဒ်ခွဲ(ခ)(ဂ)(ဆ) တို့ ပါထုတ်လုပ်သည့်ရက်စွဲနှင့် သက်တမ်းကုန်ဆုံးသည့် ရက်စွဲများ၊ ထုတ်လုပ်မှုအမှတ်စဉ်၊ ဘေးထွက် ဆိုးကျိုး(သို့)ဓါတ်မတည့်ကြောင်းဖော်ပြချက်နှင့် ကြိုတင်သတိပေးချက်များကို ကျောင်းသား/ ကျောင်းသူများ သိရှိလွယ်ကူစေရန် ဟောပြောဆွေးနွေးခဲ့ပြီး၊ စားသုံးရန်မသင့်သော အစားအ သောက်များအကြောင်း၊ ဓါတုဆိုးဆေးများလွန်ကဲစွာပါဝင်သော အစားအသောက်များ စားသုံးမိပါက ကျန်းမာရေးဆိုင်ရာ ဘေးထွက်ဆိုးကျိုးများ ဖြစ်ပေါ်လာပြီး ဆေးကုသမှုအတွက် ကုန်ကျစရိတ်များ နှင့်နောက်ဆက်တွဲ ဆိုးကျိုးများဖြစ်ပေါ်လာနိုင်သောကြောင့် အစားအသောက်များအား ရွေးချယ် ဝယ်ယူစားသုံးသင့်ကြောင်း ရှင်းလင်းဆွေးနွေးမှာကြားခဲ့ပါသည်။ ၎င်းနောက်ကျောင်းမုန့်ဈေးတန်း တွင် ရောင်းချနေသော ဆိုင်ရှင်များအား သက်တမ်းလွန်နေသောအစားအသောက်များ၊ သတ်မှတ်ချက်များနှင့်မကိုက်ညီသော အစားအသောက်များ ရောင်းချခြင်းမပြုရန် ဈေးဆိုင်ပိုင်ရှင်များအား ဆွေးနွေးမှာကြားစစ်ဆေးခဲ့ပါသည်။ ဟောပြောပွဲသို့ ဆရာ/ဆရာမ၊ ကျောင်းသား/ကျောင်းသူ  (၁၅၀)ဦးတက်ရောက်ခဲ့ကြောင်း သိရှိရပါသည်။

DOCA (ဧရာဝတီ)

      ဧရာဝတီတိုင်းဒေသကြီး ၊ စားသုံးသူရေးရာဦးစီးဌာန လပွတ္တာခရိုင် ၊လပွတ္တာမြို့နယ်တာဝန်ခံ    ဦးမြင့်ဌေးသည် (၆.၉.၂၀၂၂) ရက်နေ့ နံနက်(၀၉:၀၀) နာရီက မြို့နယ်စည်ပင်သာယာရေးအဖွဲ့၊ မြို့နယ်မွေးမြူရေးနှင့်ကုသရေးဦးစီးဌာနတို့ ဦးဆောင်သောအဖွဲ့ဖြင့်လိုက်ပါ၍ အမှတ်(၇)ရပ်ကွက် နန္ဒဝန်ဈေးရှိ အသား/ငါးရောင်းချနေသော ဈေးသို့ကွင်းဆင်းစစ်ဆေးခဲ့ပါသည်။

     ထိုသို့ကွင်စစ်ဆေးရာတွင် မြို့နယ်တာဝန်ခံဦးမြင့်ဌေးမှ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသာ စားသုံးသူကာကွယ်ရေးဥပဒေ ၂၀၁၉ ပါပြဌာန်းချက်များအရ  စားသုံးသူ၏အခွင့်အရေးနှင့်တာဝန်များ၊  စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များအား ရှင်းလင်းပြောကြားပြီး၊ မွေးမြူရေးနှင့်ကုသရေးဦးစီးဌာန၏ ဥပဒေများအရ ရောင်းချနေသော အသား/ငါးများတွင် ပိုးမွှားအန္တရာယ်ကင်းစင်ပြီး လတ်ဆတ်သော အသားငါး များရောင်းချနိုင်ရေး၊ အသားငါးထုတ်လုပ်ရောင်းချသူများ လိုက်နာဆောင်ရွက်ရမည့် အချက်များ ပါဝင်သည့် အသိပညာပေးလက်ကမ်းစာစောင်များအား ဈေးသည်များသို့ ဖြန့်ဝေပေးခဲ့ပြီး စားသုံးသူရေးရာဦးစီးဌာန၏ စားသုံးသူကာကွယ်ရေးဥပဒေပါ ထုတ်လုပ်ရောင်း စီးပွားရေးလုပ်ငန်းရှင် များ လိုက်နာဆောင်ရွက်ရမည့်စည်းကမ်းချက်များအား ရှင်းလင်းဆွေးနွေးစစ်ဆေး ဆောင်ရွက်ခဲ့ ကြောင်း သိရှိရပါသည်။

DOCA(ဧရာဝတီ)

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ အိမ်မဲမြို့နယ်၊ မြို့နယ်တာဝန်ခံဦးလေးလွင်သည်(၅.၉.၂၀၂၂)ရက်နေ့ နံက်(၁၁:၀၀)နာရီအချိန်က အိမ်မဲမြို့နယ်၊ အိမ်မဲကြီးရပ်ကွက်ရှိ မုန့်မျိုးစုံဆိုင်များအား  ကုန်အညွှန်းအမှတ်အသား ပြည့်စုံမှုရှိမရှိ ကွင်းဆင်း စစ်ဆေးခဲ့ပါသည်။

    ထိုသို့ ကွင်းဆင်းစစ်ဆေးရာတွင်  အိမ်မဲမြို့နယ်၊ အိမ်မဲကြီးရပ်ကွက်ရှိ မုန့်မျိုးစုံဆိုင်ရှင်များ အား စားသုံးသူကာကွယ်ရေးဥပဒေ ၂၀၁၉ ပါပြဌာန်းချက်အရ စားသုံးသူများ၏အခွင့်အရေးနှင့် တာဝန်များ၊ စီးပွားရေးလုပ်ငန်းရှင်များ၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များအား စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ(၄၁)ပုဒ်မခွဲ(ခ)နှင့်(ဆ)တို့ပါကုန်အညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု(သို့)တစ်ခုထက် ပို၍တွဲလျှက်ဖြစ်စေ ရေးသားဖော်ပြရမည်ဖြစ်ပြီး မိမိတို့ရောင်းချနေသော ကုန်ပစ္စည်းအမျိုးအစားအလိုက် စားသုံးသူရေးရာဦးစီးဌာနမှ ထုတ်ပြန်ထားသော ဥပဒေများနှင့်အညီ လိုက်နာဆောင်ရွက် ကြရန် ဆိုင်ပိုင်ရှင်များအား ရှင်းလင်းဆွေးနွေးမှာကြားစစ်ဆေးခဲ့ကြောင်း သိရှိရပါသည်။

DOCA(ဧရာဝတီ)