ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ပန်းတနော်မြို့နယ်တာဝန်ခံနှင့် ဝန်ထမ်းများသည် ပန်းတနော် လှေဆွဲငူကျေးရွာရှိ ဦးသန်းကျော်သင်ဖျာလုပ်ငန်းအား (၈.၉.၂၀၂၂) နေ့ နေ့လယ် (၁၂:၀၀) အချိန် သွားရောက်၍ ထုတ်ကုန်လုံခြုံစိတ်ချရမှု ရှိစေရေး ကွင်းဆင်းဆောင်ရွက်ခဲ့ကြပါသည်။
ထိုသို့ကွင်းဆင်းဆောင်ရွက်ရာတွင် သင်ဖျာလုပ်ငန်းရှင် ဦးသန်းကျော်နှင့် တွေ့ဆုံ၍ လုပ်ငန်းအကြောင်းမေးမြန်းရာ လုပ်ငန်းရှင်မှ ကိုယ်တိုင်သင်ပင်ကိုစိုက်ပျိုးထားပြီး သင်ပင်သက်တမ်းမှာ ၆နှစ်၊ ၇နှစ်ရှိမှ ခုတ်လှဲ၍ နေလှမ်းပြီး၊ ထွင်၍ သင်ရကြောင်းနှင့် ထွက်ရှိလာသော သင်များကို ယက်လုပ်၍ ဖျာများကို ရန်ကုန်သို့ တင်သွင်းဖြန့်ဖြူးကြောင်း ရှင်းလင်းခဲ့ပါသည်။ စားသုံးသူရေးရာဦး စီးဌာကလည်း မိမိထုတ်လုပ်သောကုန်စည်ကို ပိုမိုကောင်းမွန်သော အရည်အသွေးပြည့် လက်မှုမှ စက်မှု သို့ပြောင်းလဲနိုင်ရေး ဌာနမှ ကူညီချိတ်ဆက် ဆောင်ရွက်နိုင်ပါကြောင်း၊ သင်ဖျာများတွင် အမှတ်တံဆိပ် နှင့် မည်မျှနှစ်ရှည်ခံနိုင်သည့် အာမခံချက်များ ဖော်ပြနိုင်ပါက ပိုမိုကောင်းမွန်နိုင်ကြောင်း လုပ်ငန်းရှင်တို့လိုက်နာရမည့် တာဝန်နှင့် တားမြစ်ချက်များအကြောင်းနှင့် ကုန်အညွှန်းအမှတ်အသား ဖော်ပြခြင်းစပ်လျဉ်းသည့် ကိစ္စရပ်များအကြောင်းကို ရှင်းလင်းဆွေးနွေးခဲ့ကြောင်း သတင်းရရှိပါသည်။
DOCA(ဧရာဝတီ)