သတင်းနှင့် လှုပ်ရှားမှုများ

      ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများသည် ရန်ကုန်တောင်ပိုင်းခရိုင်ဦးစီးမှူးရုံး၏ ညွှန်ကြားချက် နှင့်အညီ ဩဂုတ်လ(၁၁)ရက်နေ့၊ နံနက် (၀၉:၁၅)နာရီအချိန်တွင် ပူးပေါင်းအဖွဲ့ဖြင့် ကွမ်းခြံကုန်း မြို့မဈေးအတွင်း ကွင်းဆင်းဆောင်ရွက်ခဲ့ကြောင်း သိရှိရပါသည်။

     ထိုသို့ ကွင်းဆင်းစိစစ်ခြင်းများ ဆောင်ရွက်ရာတွင် ကွမ်းခြံကုန်းမြို့နယ် အထွေထွေ အုပ်ချုပ်ရေးဦးစီးဌာန ဒုဦးစီးမှူး ဦးအောင်ပြည့်စုံ၊ မြို့နယ်စည်ပင်သာယာရေးအဖွဲ့မှ ဈေးတာဝန်ခံ ကျန်းမာရေးမှူး-၃ ဦးထွန်းထွန်း၊ မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေးနှင့် ဌာနခွဲစာရေး ဦးတင်ထွန်းဦးတို့ပါဝင်သော ပူးပေါင်းအဖွဲ့သည် ကွမ်းခြံကုန်းမြို့မဈေးအတွင်း ရောင်းချသော ဒေါ်အေးကြိုင် (ဆန်နှင့်ဆန်ထွက်ပစ္စည်းရောင်းဝယ် ရေး)၊ ဦးမျိုးထွန်း (ဆန်နှင့်ဆန်ထွက်ပစ္စည်းရောင်းဝယ်ရေး)၊ ဦးသန်းအေး+ဒေါ်အေးလှိုင် (ဆန်နှင့် ဆန်ထွက်ပစ္စည်းရောင်းဝယ်ရေး)၊ ကိုနိုင်ထွန်း+မရီမြင့် (ဆန်ရောင်းဝယ်ရေး)ဆိုင်များတွင် ရောင်း ချသော ငစိန်(ထွန်းပု)ဆန်၊ ဧည့်မထ (ရက်၉၀)၊ မင်းဧရာ၊ မီးဒုံ(ခွန်နီ)ဆန်၊ ငကျွဲ (တောင်ပျံ)၊ ပုသိမ်ညွှန့်(ကြားပျံ)ဆန် ဈေးနှုန်းများအား ကွင်းဆင်းစိစစ်ခဲ့ကြောင်း သိရှိရပါသည်။

ထို့နောက် စားသုံးသူရေးရာဦးစီးဌာန မြို့နယ်တာဝန်ခံ ဒေါ်နွယ်နွယ်အေးက စားသုံးသူရေး ရာဌာန အနေဖြင့် ဆန်အမျိုးအစားအလိုက် ရောင်းချရမည့် သင့်တင့်မျှတသော ဆန်ဈေးနှုန်း ရည် ညွှန်းဈေးများကို လစဉ်ထုတ်ပြန်လျှက်ရှိရာ ရောင်းချသူ လုပ်ငန်းရှင်များမှလည်း သတ်မှတ်ထား သော ဈေးနှုန်းဖြင့်သာ ရောင်းချကြရန်၊ ဈေးနှုန်းမြှင့်တင်ရောင်းချခြင်းများ မပြုလုပ်ကြရန်၊ ဈေးကစားရန် ရည်ရွယ်၍ သိုလှောင်ထားခြင်းများ မပြုလုပ်ကြရန် လုပ်ငန်းရှင်များနှင့် တွေ့ဆုံ ဆွေးနွေး ကွင်းဆင်းစိစစ်ခဲ့ကြကြောင်း သိရှိရပါသည်။

DOCA (ရန်ကုန်)

     ရန်ကုန်တိုင်းဒေသကြီး၊ တွံတေးခရိုင်၊ တွံတေးမြို့နယ် စည်ပင်သာယာမြို့မဈေးအတွင်းရှိ စားသုံးဆီအမျိုးမျိုးတို့ ဖြန့်ဖြူးရောင်းချသော ကုန်ခြောက်ဆိုင်များသို့ သွားရောက်၍ စားသုံးဆီ ဘူးဆီတို့တွင် ကုန်အညွှန်းအမှတ်အသား ဖော်ပြရာ၌ ညွှန်ကြားချက်အမှတ် (၁/၂၀၂၁)နှင့်အညီ ကိုက်ညီမှုရှိ/မရှိအား ဩဂုတ်လ(၁၂)ရက်နေ့၊ နံနက်(၀၉:၃၀)နာရီအချိန်တွင် ကွင်းဆင်းစစ်ဆေးခဲ့ကြောင်း သိရှိရသည်။

      ထိုသို့ ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာနမှ မြို့နယ်တာဝန်ခံ ဦးသန်းနိုင်နှင့် စည်ပင်သာယာရေးအဖွဲ့မှ ဈေးတာဝန်ခံ ဦးဟန်ဇော်ဇော်ထွန်းတို့ ပူးပေါင်း၍ စည်ပင်သာယာမြို့မဈေးအတွင်း/အပြင်ရှိ စားသုံးဆီအမျိုးမျိုး ဖြန့်ဖြူးရောင်းချသော ကုန်ခြောက် ဆိုင်များသို့ သွားရောက်၍ ကုန်အညွှန်းအမှတ်အသား ဖော်ပြရာ၌ ညွှန်ကြားချက်အမှတ် (၁/၂၀၂၁)ပါ ပင်ရင်းပါဝင်ပစ္စည်းကို အခြေခံ၍ ဖော်ပြရာတွင် စီးပွားရေးလုပ်ငန်းရှင်များ လိုက်နာ ရမည့် ဟင်းသီးဟင်းရွက်ဆီ (Vegetable Oil, Cooking Oil)နှင့်စပ်လျဉ်းသော ကုန်အညွှန်း အမှတ်အသား ညွှန်ကြားချက်အမှတ်(၁/၂၀၂၁)အား ဖော်ပြထားခြင်းရှိ/မရှိ စစ်ဆေးခဲ့ပြီး  စားသုံး ဆီအမျိုးမျိုး ရောင်းချသော ဆိုင်ပိုင်ရှင်စီးပွားရေး လုပ်ငန်းရှင်များအား ကုန်အညွှန်းအမှတ်အသား ညွှန်ကြားချက်အမှတ် (၂/၂၀၁၉) အပြင်(၁/၂၀၂၁)တို့နှင့် ကိုက်ညီမှုမရှိသည့် စားသုံးဆီများအား ရောင်းချခြင်းမပြုလုပ်ကြရန်နှင့် ညွှန်ကြားချက်အမှတ်(၁/၂၀၂၁)နှင့် ကိုက်ညီမှုမရှိသော စားသုံး ဆီများ ရောင်းချနေခြင်းရှိ/မရှိ ကွင်းဆင်းစစ်ဆေးရခြင်း ဖြစ်ကြောင်း အသိပညာပေး ဆွေးနွေး ပြောကြား ကွင်းဆင်းစစ်ဆေးခဲ့ကြောင်း သိရှိရပါသည်။

DOCA (ရန်ကုန်)

       စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးကွပ်ကဲမှုအောက်ရှိ လှည်းကူး မြို့နယ်ခွဲတာဝန်ခံ ဦးထွန်းထွန်းဦးသည် မြို့မဈေးအတွင်းရှိ ကုန်မျိုးစုံဆိုင်များ၌ ရောင်းချနေသော ငရုပ်ဆီနှင့်အချဉ်ရည်အမျိုးမျိုးတို့အား (၁၂.၈.၂၀၂၅)ရက်နေ့ နံနက်(၁၀:၀၀)နာရီအချိန်တွင် ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

          ထိုသို့ဆောင်ရွက်ခဲ့ရာတွင် မြို့မဈေးမှတာဝန်ခံ ဦးအောင်ကိုနိုင်ပါဝင်လျက် ဈေးအတွင်းရှိ ကုန်မျိုးစုံဆိုင်(၃)ဆိုင်တွင် ရောင်းချနေသော ငရုပ်ဆီနှင့်အချဉ်ရည်(၅)မျိုးတို့တွင် အခန်း(၁၈) တွင် သိသာထင်ရှားစွာဖော်ပြရမည့်အချက်များဖြစ်သော အမျိုးအမည်၊ အရွယ်အစား၊ အရေ အတွက်၊ အသားတင်ပမာဏ၊ သုံးစွဲပုံနည်းလမ်း၊ ထားသိုသိမ်းဆည်းမှုအညွှန်းနှင့် ဓါတ်မတည့်ကြောင်း ဖော်ပြချက်တို့ကို ဖော်ပြထားကြောင်း စစ်ဆေးတွေ့ရှိရပြီး ဆိုင်ရှင်များအား ကုန်အညွှန်းအမှတ်အသား ပြည့်စုံခြင်းမရှိသော ကုန်ပစ္စည်းများအား ရောင်းချခြင်းတွေ့ရှိပါက ဥပဒေအရ အရေးယူဆောင်ရွက် သွားမည်ဖြစ်ကြောင်း သိရှိရပါသည်။

DOCA (ရန်ကုန်)

      စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးကွပ်ကဲမှုအောက်ရှိ  တိုက်ကြီး မြို့နယ်ခွဲ တာဝန်ခံ ဦးရှင်းခန့်ကိုကိုသည် ဂျိုးဖြူစံပြကျေးရွာ၊ ပြည်လမ်းရှိ မြတ်မင်္ဂလာ စက်သုံးဆီ အရောင်းဆိုင် သို့ (၁၂.၈.၂၀၂၅)ရက်နေ့ နေ့လယ်(၁၃:၀၀)နာရီအချိန်တွင် ကွင်းဆင်းစစ်ဆေးခြင်း လုပ်ငန်းများ ဆောင်ရွက်ခဲ့ပါသည်။

      ထိုသို့ဆောင်ရွက်ခဲ့ရာတွင် မြတ်မင်္ဂလာစက်သုံးဆီဆိုင်သည် သတ်မှတ်ထားသော ရည်ညွှန်းဈေးများဖြင့် ရောင်းချခြင်းရှိ/မရှိ၊ LED ဈေးနှုန်းဘုတ်များတပ်ထားခြင်း ရှိ/မရှိ၊ ချိန်တွယ်ရာတွင်လည်း လီတာများ ပြည့်ဝမှုရှိ/မရှိနှင့် ဆီပြတ်လပ်မှုများရှိ/မရှိတို့ကို စစ်ဆေးခဲ့ရာ သတ်မှတ်ရည်ညွှန်းဈေးအတိုင်း ရောင်းချပါကြောင်း၊ LED ဘုတ်များလည်း နေ့စဉ်တင်ထား ပါကြောင်း၊ လီတာများကိုလည်း ပြည့်ဝစွာချိန်တွယ်ပေးပါကြောင်း၊ စက်သုံးဆီများလည်း ပြတ်လပ်မှုမရှိပါကြောင်းနှင့် ဆီဘောက်ဆာ အဝင်များကိုလည်း သက်ဆိုင်ရာဌာနများသို့ စာရင်းပေးပို့လျက်ရှိပါကြောင်း သိရှိရပါသည်။

DOCA(ရန်ကုန်)

      (၁၂.၈.၂၀၂၅)ရက်နေ့ နံနက်(၈:၀၀)အချိန်ခန့်တွင် တိုက်ကြီးခရိုင်၊ တိုက်ကြီးမြို့နယ်၊ အုပ်ပုံ ကျေးရွာအုပ်စု၊ ကွင်းအမှတ်(၇၄၁)၊ အုပ်ပုံကွင်း၊ ဦးပိုင်အမှတ်(၈၁)ရှိ တောင်သူ ဦးမောင်မောင်ညွန့်၏ လယ်မြေ(၅)ဧကပေါ်တွင် အောင်နိုင်တိုးစပါးမျိုးသစ်စိုက်ပျိုးပြီး အချိန်ကာလ ကွင်းသရုပ်ပြပွဲအား ကျင်းပပြုလုပ်ခဲ့ရာ အခမ်းအနားသို့ ခရိုင်စိုက်ပျိုးရေးလုပ်ငန်း ကြီးကြပ်မှုအဖွဲ့ဥက္ကဋ္ဌ၊ မြို့နယ်စိုက်ပျိုး ရေးလုပ်ငန်းကြီးကြပ်မှုအဖွဲ့ဥက္ကဋ္ဌနှင့်အဖွဲ့ဝင်များ၊  အထွေထွေ အုပ်ချုပ်ရေးဦးစီးဌာန၊ စားသုံးသူရေး ရာဦးစီးဌာန၊ ကျေးရွာအုပ်ချုပ်ရေးမှူးများနှင့် တောင်သူများ စုစုပေါင်းအင်အား(၁၀၀)တက်ရောက် ခဲ့ပါသည်။

     အခမ်းအနားတွင် ခရိုင်စိုက်ပျိုးရေးလုပ်ငန်းကြီးကြပ်မှုအဖွဲ့ဥက္ကဋ္ဌ၊ မြို့နယ်စိုက်ပျိုးရေး လုပ်ငန်း လုပ်ငန်းကြီးကြပ်မှုအဖွဲ့ဥက္ကဋ္ဌနှင့် အတွင်းရေးမှူးတို့မှ တောင်သူများအား အောင်နိုင်တိုး စပါးမျိုးသစ် နှင့် ပတ်သက်၍ ရှင်းလင်းပြောကြားပြီး တောင်သူများမှ သိလိုသည်များအား ရှင်းလင်းဆွေးနွေးကာ ကွင်းသရုပ်ပြပွဲတွင် ပြသထားသည်များကို လှည့်လည်ကြည့်ရှု ဆောင်ရွက်ပြီး အခမ်းအနားကို (၉:၀၀)အချိန်တွင် ရုပ်သိမ်းခဲ့ကြောင်း သိရှိရပါသည်။

DOCA(ရန်ကုန်)