သတင်းနှင့် လှုပ်ရှားမှုများ

          (၅-၅-၂၀၂၅) ရက်နေ့၊ နေ့လယ်(၁၂:၀၀)နာရီအချိန်တွင် စားသုံးသူရေးရာဦးစီးဌာန၊ ရန်ကုန် အရှေ့ပိုင်းခရိုင်ဦးစီးမှူးရုံးမှ ဦးသိန်းထွန်း(ဌာနခွဲစာရေး) နှင့် ဝန်ထမ်းများသည် အမှတ်(၂)ဈေးအတွင်း၌ ဖွင့်လှစ်ထားသည့် ဆန်ဆိုင်များသို့ သွားရောက်၍ ဆန်ရောင်းချမှု အခြေအနေအား စစ် ဆေးဆောင်ရွက်ခဲ့ပါသည်။

          ထိုသို့ ကွင်းဆင်းစစ်ဆေးရာတွင် ဆန်များသတ်မှတ်ဈေးနှုန်းဖြင့် ရောင်းချနေခြင်း ရှိ/မရှိကို စစ်ဆေးခြင်းဖြစ်ပြီး၊ စားသုံးသူရေးရာဦးစီးဌာနမှ ဆန်ဈေးနှုန်းမြှင့်တင်ရောင်းချခြင်း မပြုရန်နှင့် ဈေးကစားရန် အလို့ငှာ ဆန်များကို သိုလှောင်ထားခြင်းမပြုရန် ပြောကြားခဲ့ပြီး ၊ ထိုသို့ ပြုလုပ်သည် ကို စစ်ဆေးတွေ့ရှိပါက  အရေးကြီးကုန်စည်နှင့်ဝန်ဆောင်မှုဥပဒေအရ အရေးယူခံရမည် ဖြစ် ကြောင်း အသိပေးပြောကြားခဲ့ကြောင်း သိရှိရပါသည်။

DOCA(ရန်ကုန်)

     စားသုံးသူရေးရာဦးစီးဌာန၊ ညောင်ဦးခရိုင် တာဝန်ခံသည် ၃၀.၄.၂၀၂၅ ရက်နေ့၊ နံနက် ၁၀:၀၀ နာရီအချိန်၌ ညောင်ဦးမြို့ရှိ ဆောက်လုပ်ရေးလုပ်ငန်းသုံး အရောင်းဆိုင်လုပ်ငန်းရှင်များနှင့် တွေ့ဆုံ၍ ဈေးနှုန်းမြှင့်တင်ရောင်းချမှုမရှိစေရေး၊ ဖြစ်သင့်ဖြစ်ထိုက်သောဈေးနှုန်းများဖြင့် ရောင်းချစေရေးအတွက် အသိပေးဆွေးနွေးမှုအား မြို့နယ်ရုံးတွင် ကျင်းပပြုခဲ့သည်။

    တွေ့ဆုံဆွေးနွေးရာတွင် စားသုံးသူရေးရာဦးစီးဌာန၊ ညောင်ဦးခရိုင်တာဝန်ခံ ဦးတင်မျိုးခိုင် (ဦးစီးအရာရှိ)က အချို့သောနေရာဒေသများ၌ ဆောက်လုပ်ရေးလုပ်ငန်းသုံးပစ္စည်းများကို ဈေးနှုန်း မြှင့်တင်ရောင်းချလျက်ရှိသဖြင့် နိုင်ငံတော်အနေမှ အရေးယူဆောင်ရွက်မှုများ ဆောင်ရွက်လျက်ရှိသည့် သတင်းများကို လုပ်ငန်းရှင်များအနေဖြင့် ကြားသိပြီးသူများရှိသလို မကြားမသိသေးသူများ လည်းရှိနိုင်သည့်အတွက် အဆိုပါညွှန်ကြားသတ်မှတ်ချက်များအား လုပ်ငန်းရှင်များအနေဖြင့် သိရှိ လိုက်နာစေရေး တွေ့ဆုံဆွေးနွေးရခြင်းဖြစ်ပါကြောင်း၊ မိမိတို့မြို့နယ်အတွင်းရှိ အရောင်းဆိုင်လုပ်ငန်းရှင်များ အရေးယူဆောင်ရွက်ခံရမှုအခြေအနေများ မဖြစ်ပေါ်စေလိုသည့်အတွက် သတ်မှတ်ပြဌာန်းချက်များကို လိုက်နာဆောင်ရွက်ရန်လိုအပ်ပါကြောင်း၊ ဝယ်ယူရသည့်ဈေးနှုန်း၊ သယ်ယူစရိတ်နှင့်ရောင်းချသည့်ဈေးနှုန်းတို့အပေါ် သင့်တင့်သောအမြတ်ဖြင့် ဖြစ်သင့်ဖြစ်ထိုက်သည့် ဈေးနှုန်းများဖြင့်သာ ရောင်းချစေလိုပါကြောင်း၊ လုပ်ငန်းရှင်များအနေဖြင့် နိုင်ငံတော်မှအခါအား လျော်စွာထုတ်ပြန်ထားသည့် အမိန့်ညွှန်ကြားချက်များ၊ စည်းမျဉ်းစည်းကမ်းများ၊ ကျင့်ဝတ်များကို လိုက်နာဆောင်ရွက်ခြင်းမရှိပါက အရေးယူဆောင်ရွက်မှုများ ရှိလာမည်ဖြစ်ပါ၍ လုပ်ငန်းရှင်များ သည် နိုင်ငံတော်၏မူဝါဒများနှင့်အညီ လိုက်နာကျင့်သုံးကြရန် လိုအပ်ပါကြောင်းနှင့် စားသုံးသူကာ ကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များအကြောင်းကိုလည်း ဟောပြောဆွေးနွေးခဲ့ကြောင်း သိရှိရသည်။

DOCA(မန္တလေး)

ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့နယ် စည်ပင်သာယာရေးအတွင်းရှိ ဆန် ဆိုင်များတွင် ရောင်းချလျှက်ရှိသော ရွှေဘိုပေါ်ဆန်းနှင့် ဧရာဝတီပေါ်ဆန်း ဆန်များအား သတ်မှတ် ရည်ညွှန်းဈေးများအတိုင်းရောင်းချမှုရှိ/မရှိနှင့် ဈေးနှုန်းမြှင့်တင်ရောင်းချမှု မရှိစေရေးကို ပူးပေါင်း အဖွဲ့ဖြင့်  မေလ(၈)ရက်နေ့၊ နံနက် (၀၉:၀၀)နာရီအချိန် တွင် မြေပြင်ကွင်းဆင်း စစ်ဆေးခဲ့ကြောင်း သိရသည်။

ထိုသို့ ကွင်းဆင်းစစ်ဆေးရာတွင် မြို့နယ်စီမံအုပ်ချုပ်ရေးအဖွဲ့၊ မြို့နယ်အထွေထွေအုပ်ချုပ် ရေးဦးစီးဌာန၊ မြန်မာနိုင်ငံရဲတပ်ဖွဲ့၊ မြို့နယ်ပြည်တွင်းအခွန်ဦးစီးဌာန၊ မြို့နယ်စည်ပင်သာယာရေး အဖွဲ့၊ မြို့နယ်စားသုံးသူရေးရာဦးစီးဌာန၊ မြန်မာနိုင်ငံဆန်စပါး အသင်းချုပ်ဒေသကော်မတီ တို့ပါဝင်သော ပူးပေါင်းအဖွဲ့သည် စည်ပင်သာယာမြို့မဈေးအတွင်း ဆန်လက်လီ/လက်ကား ရောင်းချလျှက်ရှိသော ဆန်ဆိုင်များတွင် ရောင်းချနေသော ဧည့်မထဆန်၊ ဧရာဝတီဆန်းဆန်၊ ကြားပျံ၊ ရွှေဘိုပေါ်ဆန်းဆန်များ၏ ရောင်းဈေးနှုန်းများ ကောက်ခံခြင်း၊   သိုလှောင် ထားရှိသော ဆန်အိတ်အရေအတွက် လက်ကျန်စာရင်းများ ကောက်ခံခြင်း၊ သတ်မှတ်ရည်ညွှန်းဈေးများ အတိုင်းရောင်းချခြင်းရှိ/မရှိနှင့် ဈေးနှုန်းမြှင့်တင်ရောင်းချခြင်းရှိမရှိတို့အား စစ်ဆေးမှုများပြုလုပ် ရာတွင် သတ်မှတ်ရည်ညွှန်းဈေးနှုန်းနှင့် ရောင်းလျက်ရှိကြောင်းတွေ့ရှိရပြီး ဆိုင်ပိုင်ရှင်များအား ဆန်များရောင်းချရာတွင် စီးပွားရေးကူးသန်းရောင်းဝယ်ရေး ဝန်ကြီးဌာနမှ လစဉ်သင့်တင့် မျှတသော ဈေးကွက်ဈေးနှုန်းများအား ထုတ်ပြန်ပေးလျှက်ရှိရာ သယ်ယူ၊ သိုလှောင် စရိတ်များ အပါ သတ်မှတ် ရည်ညွှန်းဈေးများအတိုင်း ရောင်းချကြရန်နှင့် ဈေးနှုန်းမြှင့်တင် ရောင်းချပါက ဥပဒေနှင့်အညီ အရေးယူ ဆောင်ရွက်သွားမည် ဖြစ်ကြောင်း အသိပေးခဲ့ကြောင်း သိရသည်။

DOCA(ရန်ကုန်)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံး အနေဖြင့် ဌာန၏လုပ်ငန်းများအပြင် သက်ဆိုင်ရာ ခရိုင်စီမံအုပ်ချုပ်ရေးအဖွဲ့မှ ဖွဲ့စည်းတာဝန်ပေးအပ်သည့် လုပ်ငန်းများကိုလည်း ဆောင်ရွက်လျက်ရှိပါသည်။ (၅.၅.၂၀၂၅)ရက်နေ့တွင် ရွှေဘိုခရိုင် စားသုံးသူရေးရာ ဦးစီးဌာနမှ ရွှေဘိုမြို့နယ်တာဝန်ခံသည် ရွှေဘိုခရိုင် စီမံအုပ်ချုပ်ရေးအဖွဲ့မှ ဖွဲ့စည်းတာဝန်ပေးအပ် ထားသည့် ခရိုင်/မြို့နယ်တရားမဝင်ဆင်းကတ်ရောင်းချမှု စစ်ဆေးရေးအဖွဲ့ဝင်များဖြစ်သည့် အထွေထွေ အုပ်ချုပ်ရေးဦးစီးဌာန၊ ရဲတပ်ဖွဲ့၊ မြို့နယ်စည်ပင်သာယာရေးအဖွဲတို့နှင့် ပူးပေါင်းစစ်ဆေးခဲ့ကြပါသည်။

   ရွှေဘိုမြို့အမှတ်(၃)ရပ်ကွက်ရှိ Htun Mobile၊ Linn Mobile၊ Friend Mobile၊ ရွှေဒင်္ဂါးဖုန်းဆိုင်နှင့် အမှတ်(၄)ရပ်ကွက်ရှိ ကြယ်တံခွန်ဖုန်းဆိုင်၊ မိုးဇက်ဖုန်းဆိုင်များအား ဆင်းကတ်အရောင်း ကိုယ်စားလှယ် များ၊ အရောင်းဆိုင်(POS)များအပါအဝင် ဆင်းကတ်ရောင်းချသူမည်သူမဆို အော်ပရေတာများနှင့် စာချုပ် ချုပ်ဆိုထားခြင်းရှိ/မရှိ၊ ကြိုတင်မှတ်ပုံတင်ထားသော ဆင်းကတ်များ ရောင်းချမှုမရှိစေရေးနှင့်  ဆင်းကတ်များကို ဆင်းကတ်မှတ်ပုံတင်းခြင်းဆိုင်ရာ ညွှန်ကြားချက်များနှင့်အညီ မှတ်ပုံတင်ပြုလုပ်ပြီး ရောင်းချမှုရှိ/မရှိ၊ ရောင်းချသူများမှ  သုံးစွဲသူများ၏ ကိုယ်ရေးအချက်အလက်မှန်ကန်စွာဖြင့် ဆင်းကတ် မှတ်ပုံတင်ခြင်း၊ ရောင်းချခြင်း၊ လွှဲပြောင်းခြင်းတို့နှင့်ပတ်သက်၍ လိုက်နာရမည့်အမိန့်ကြော်ငြာစာ၊ အမိန့်၊ ညွှန်ကြားချက်နှင့် လုပ်ထုံးလုပ်နည်းများအတိုင်း တိကျစွာလိုက်နာမှုရှိ/မရှိစစ်ဆေးခဲ့ပြီး ဆင်းကတ်များကို စနစ်တကျမှတ်ပုံတင်ရောင်းချခြင်းနှင့်  လွှဲပြောင်းရာတွင် စနစ်တကျပြန်လည်မှတ်ပုံတင်ခြင်း အမိန့် ကြော်ငြာစာအမှတ်(၁၈/၂၀၂၃)အား အသိပညာပေး ဖြန့်ဝေခဲ့ကြကြောင်း သတင်းရရှိပါသည်။

DOCA(စစ်ကိုင်း)

          ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် သခွတ်ပင်ကျေးရွာအုပ်စုရှိ ဆောက် လုပ်ရေးသုံးပစ္စည်းအရောင်းဆိုင်များသို့ ကော့မှူးမြို့နယ်၊ စီမံအုပ်ချုပ်ရေးအဖွဲ့ ဥက္ကဌ၏ ညွန်ကြား ချက်နှင့်အညီ ဘိလပ်မြေအမျိုးအစားအလိုက် ဈေးနှုန်းနှင့် ပစ္စည်းပြတ်လပ်မှုရှိ/မရှိ အခြေအနေ တို့အား မေလ(၇)ရက်နေ့၊ နံနက်(၁၀:၀၀)နာရီအချိန်တွင် မြို့နယ်အဆင့်ဌာန ဆိုင်ရာများ ပူးပေါင်း ၍ ကွင်းဆင်းစစ်ဆေးခဲ့ကြောင်း သိရသည်။

          ထိုသို့ ကွင်းဆင်းစစ်ဆေးခဲ့ရာတွင် မြို့နယ်စီမံအုပ်ချုပ်ရေးအဖွဲ့ဝင်(၁) ဗိုလ်မှူး ဇော်ဖြိုးမြင့်၊ မြို့နယ်စီမံအုပ်ချုပ်ရေး အဖွဲ့ဝင်(၂) ဦးမြင့်ဦး၊ မြို့နယ်ဒုတိယအုပ်ချုပ်ရေးမှူး ဦးစည်သူ၊ မီးသတ် ဦးစီးမှူး ဦးပြည့်ဖြိုးအောင်၊ စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းတို့ ပူးပေါင်း အဖွဲ့သည် သခွတ်ပင်ကျေးရွာရှိ မိဘရိပ် အိမ်ဆောက်ပစ္စည်းဆိုင်နှင့် ကြယ်စင်လင်း အိမ်ဆောက် ပစ္စည်းအမျိုးမျိုးရောင်းဝယ်ရေးဆိုင် စသည့် ဆောက်လုပ်ရေး လုပ်ငန်းသုံးပစ္စည်းများ ဝယ်ယူ၊ သိုလှောင်၊ ဖြန့်ဖြူးသည့် ဆိုင်ပိုင်ရှင် လုပ်ငန်းရှင်များနှင့် တွေ့ဆုံပြီး အိမ်ဆောက်ပစ္စည်းများဖြစ်သော သွပ်၊ သံ၊ ဘိလပ်မြေ၊ အိမ်ရိုက်သံနှင့် သစ်အစရှိသည့် ပစ္စည်းများအား ဈေးနှုန်းမြှင့်တင်ရောင်း ချခြင်း၊ ဈေးကစားရန် ရည်ရွယ် ချက်ဖြင့် သိုလှောင်ထားခြင်း၊ ရောင်းချမှုမရှိဘဲ ကြာရှည်စွာ သိုလှောင်ထားခြင်းများ မပြုလုပ်ကြရန် အသိပညာပေး ဆွေးနွေးပြောကြားခဲ့ပြီး သွပ်၊ သံ၊ ဘိလပ် မြေ၊ အိမ်ရိုက်သံနှင့် သစ် အစရှိသော ကုန်ပစ္စည်းဈေးနှုန်းများနှင့် ပစ္စည်းလက်ကျန် အခြေအနေ တို့အား ကွင်းဆင်းစစ်ဆေးခဲ့ကြောင်း သိရသည်။

DOCA(ရန်ကုန်)