သတင်းနှင့် လှုပ်ရှားမှုများ

    စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာနအနေဖြင့် ပြည်ထောင်စုအစိုးရအဖွဲ့သည် အရေးကြီးကုန်စည်နှင့်ဝန်ဆောင်မှုဥပဒေပုဒ်မ၄၊ ပုဒ်မခွဲ(ဂ)အရ အွန်လိုင်းစနစ်ဖြင့်ရောင်းချခြင်းလုပ်ငန်း များဆောင်ရွက်သည့် လုပ်ငန်းရှင်များအနေဖြင့် မိမိတို့၏ လုပ်ငန်းများအား မှတ်ပုံတင်ရယူ၍  ဆောင်ရွက်ရန်အတွက် အွန်လိုင်းစနစ်ဖြင့်ရောင်းချသည့်လုပ်ငန်းရှင်များနှင့် တွေ့ဆုံဆွေးနွေး အသိပညာ‌ပေးခြင်းလုပ်ငန်းများအား တိုင်းဒေသကြီးအတွင်းရှိ ခရိုင်၊ မြို့နယ်များတွင် ဇူလိုင်လအတွင်း အသိပညာပေးခြင်းလုပ်ငန်းများ  (၆) ကြိမ် ဆောင်ရွက်ခဲ့ကြောင်းသိရှိရပါသည်။

          လုပ်ငန်းရှင်များနှင့် တွေ့ဆုံအသိပညာပေးဆောင်ရွက်ရာတွင် အွန်လိုင်းစနစ်ဖြင့်ရောင်းချသည့် လုပ်ငန်းဆိုင်ရာ အမိန်ကြော်ငြာစာများ၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များနှင့် ကုန်အညွှန်းအမှတ်အသားဖော်ပြချက်များ အသိပညာပေး‌ဆွေးနွေးခြင်းတို့ ဆောင်ရွက်ခဲ့ကြောင်း သတင်းရရှိပါသည်။

DOCA (စစ်ကိုင်း)

      ၂၀၂၅ ခုနှစ်၊ သြဂုတ်လ ၁၃ ရက်နေ့၊ နေ့လယ် (၁၂း၀၀) နာရီအချိန်တွင် စားသုံးသူရေးရာဦးစီး ဌာန၊ တနင်္သာရီတိုင်းဒေသကြီးဦးစီးမှူးသည် တိုင်းဒေသကြီးဆန်စပါးကုန်သည်များအသင်း ဥက္ကဋ္ဌနှင့် အတူ စီးပွားရေးရာဝန်ကြီးထံသို့ သွားရောက်တွေ့ဆုံခဲ့ပါသည်။

          တွေ့ဆုံရာတွင် တိုင်းဦးစီးမှူးမှ ဆန်စပါးကိစ္စရပ်များ၊ အ‌ခြောက်ခံစက်ကိစ္စများနှင့်ပတ်သက်၍ တင်ပြခဲ့ရာ စီးပွားရေးရာဝန်ကြီးမှ မိမိတို့တိုင်းဒေသကြီးအစိုးရအဖွဲ့အနေဖြင့်လည်း တက်နိုင်သည့် ဘက်မှ ကူညီဆောင်ရွက်ပေးသွားမည်ဖြစ်ကြောင်း သိရှိရပါသည်။

DOCA(တနင်္သာရီ)

      ၂၀၂၅ခုနှစ်၊ သြဂုတ်လ(၁၂)ရက်နေ့တွင် မြိတ်ခရိုင်စားသုံးသူရေးရာဦးစီးဌာနနှင့်အတူ ဆက် သွယ်ရေးညွှန်ကြားမှုဦးစီးဌာနတို့ဖြင့် ၊ မြိတ်မြို့၊ မြစ်ငယ်ရပ်ရှိ MPT အိမ်သုံး ဖိုင်ဘာအင်တာနက် လုပ်ငန်းသို့ အင်တာနက်ဝန်ဆောင်မှုနှင့်ပတ်သက်၍  ကွင်းဆင်းစစ်ဆေးခဲ့ကြောင်းသိရှိရပါသည်။

     ကွင်းဆင်းစစ်ဆေးရာတွင် ဆက်သွယ်ရေးကဏ္ဍအားလုံးအတွက် အရေးကြီးဆုံးအစိတ် အပိုင်းတစ်ရပ်အနေဖြင့် ပါဝင်သည့်အတွက် အရည်အသွေးပြည့်မှီသော အင်တာနက်ဝန်ဆောင်မှု များရရှိစေရေးနှင့် သတင်းအချက်အလက်များအား စားသုံးသူများသိရှိစေရန် လက်ကမ်းကြော်ငြာ များနှင့် ရုံးတွင် ဗီနှိုင်းဆိုင်းဘုတ်များကပ်၍ ဆောင်ရွက်ထားရန်၊ တယ်လီဖုန်းဖြင့်ဆက်သွယ်၍ လိုအပ်သည်များအကြောင်းကြားရန်ပြောကြားခဲ့ပြီး စာချုပ်စာတန်းများထားရှိမှုနှင့် ဖြစ်လာသော ပြဿနာများအား ဖြေရှင်ဆောင်ရွက်ရန် call center များ ထားရှိမှုအခြေအနေများကို စစ်ဆေး ဆောင်ရွက်ခဲ့ကြောင်းသိရှိရပါသည်။

DOCA(တနင်္သာရီ)

       အခြေခံစားကုန်များထဲမှ အရေးကြီးကုန်စည်တစ်ခုဖြစ်သော စားအုန်းဆီများကို ရန်ကုန်မြို့ ဆီကုမ္ပဏီများမှ ဝယ်ယူလျက်ရှိပြီး လမ်းပမ်းဆက်သွယ်မှုအခြေအနေများကြောင့် ရောက်ရှိရန်ကြန့် ကြာနေသော MOAကုမ္ပဏီမှ ယာဉ်အမှတ်(6L-9618)ဖြင့် ထုတ်ယူခဲ့သောစားအုန်းဆီ (၆၆)ပေပါ၊ YGNDကုမ္ပဏီမှ ယာဉ်အမှတ်(7M-7344)ဖြင့် ထုတ်ယူခဲ့သော စားအုန်းဆီ (၃၈)ပေပါ GGPGကုမ္ပဏီ မှ ယာဉ်အမှတ်(6L-9521)ဖြင့်ထုတ်ယူခဲ့သော စားအုန်းဆီ(၇၈)ပေပါ၊ MOAကုမ္ပဏီမှ ယာဉ်အမှတ် (6L-9377)ဖြင့်ထုတ်ယူခဲ့သော စားအုန်းဆီ (၄၄)ပေပါ၊ YGNDကုမ္ပဏီမှ ယာဉ်အမှတ်(6F-4536)ဖြင့် ထုတ်ယူခဲ့သော စားအုန်းဆီ(၃၉)ပေပါ၊ GGPGကုမ္ပဏီမှ ယာဉ်အမှတ် (6R-5629)ဖြင့်ထုတ်ယူခဲ့သော စားအုန်းဆီ(၇၅)ပေပါစုစုပေါင်း စားအုန်းဆီ (၃၄၀)ပေပါသည် မြိတ်မြို့ သို့ရောက်ရှိလာခဲ့ပြီဖြစ် ကြောင်းသိရှိရပါသည်။ ရောက်ရှိလာသောစားအုန်းဆီများကို သြဂုတ်လ အတွင်းရောင်းချမည်ဖြစ် ပြီး မြိတ်ခရိုင်ဆီလက်ကားအရောင်းကိုယ် စားလှယ်မှ ၂ ရာခိုင်နှုန်းအမြတ် ဖြင့် သယ်ယူပို့ဆောင် ကုန်ကျစရိတ်များပေါင်း၍ လက်လီဆိုင်များသို့ ဖြန့်ခွဲရောင်းချပေး မည်ဖြစ်ပြီး ၎င်းလက်လီဆိုင်များ မှတစ်ဆင့်ပြည်သူများသို့ ပြန်လည်ရောင်းချပေး မည်ဖြစ်ကြောင်း သိရှိရ ပါသည်။

DOCA(တနင်္သာရီ)

     တနင်္သာရီတိုင်း၊ မြိတ်ခရိုင်စားသုံးသူရေးရာဦးစီးဌာန၊ ခရိုင်ဦးစီးမှူး(ဦးမျိုးဝင်း)နှင့်ဝန်ထမ်း များအပါအဝင် ကုန်စျေးနှုန်းတည်ငြိမ်ရေးအဖွဲ့ဝင်များဖြစ်သော အထူးစုံစမ်းစစ်ဆေး‌‌ရေးဦးစီဌာန၊ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ၊ ဗဟိုစာရင်းအင်းအဖွဲ့၊ ခရိုင်စီမံကိန်းဦးစီးဌာန၊ ကျေး လက်ဒေသဖွံ့ဖြိုးရေးဦးစီးဌာနနှင့် မြို့နယ်စည်ပင်သာယာရေးအဖွဲ့တို့ဖြင့် ၂၀၂၅ခုနှစ်၊ သြဂုတ်လ (၁၂)ရက်နေ့၊ နံနက်(၉း၀၀)အချိန်တွင် မြိတ်မြို့၊ နောက်လယ်ရပ်နှင့် မြို့သစ်ရပ်တို့တွင် ရောင်းချနေ သော ဆန်အရောင်းဆိုင်များအား သတ်မှတ်ရည်ညွှန်းစျေးများနှင့် ဒေသတွင်းဖြစ်သင့်ဖြစ်ထိုက် သောစျေးနှုန်းများဖြင့် ရောင်းချနေခြင်းရှိ/ မရှိ ကွင်းဆင်း စစ်ဆေးခဲ့ကြောင်း သိရှိရပါသည်။

      ကွင်းဆင်းစစ်ဆေးရာတွင် ကုန်စျေးနှုန်းတည်ငြိမ်ရေးအဖွဲ့ဝင်များမှ လက်ရှိဆန်အရောင်း ဆိုင်များတွင် ရောင်းချလျက်ရှိသော ဆန်စျေးနှုန်းများအပါအဝင် သတ်မှတ်ရည်ညွှန်းစျေးနှုန်း များဖြင့်ရောင်းချနေမှုများကိုစစ်ဆေးခဲ့ပြီး စျေးကစားရန်ရည်ရွယ်ချက်ဖြင့် သိုလှောင်ထားရှိမှုများ မဖြစ်စေရေး ကွင်းဆင်းစစ်ဆေးခဲ့ကြောင်း သတင်းရရှိပါသည်။

DOCA(တနင်္သာရီ)