သတင်းနှင့် လှုပ်ရှားမှုများ

           စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ် တာဝန်ခံ ဒေါ်စန်းစန်းမော်သည် ဇူလိုင်လ(၂၄)ရက်နေ့၊ နေ့လယ်(၁၁:၃၀) နာရီအချိန်တွင် အွန်လိုင်းစနစ်ဖြင့် ရောင်းချသည့် လုပ်ငန်းရှင်များအား မြို့နယ်တာဝန်ခံရုံးတွင် ခေါ်ယူ၍ အသိပညာပေးဆွေးနွေးခဲ့ကြောင်း သိရသည်။

         အဆိုပါ အသိပညာပေး ဆွေးနွေးပွဲတွင် သုံးခွမြို့နယ်အတွင်း အွန်လိုင်းစနစ်ဖြင့် ရောင်းချနေသော လုပ်ငန်းရှင်များဖြစ်သည့် အမှတ်(၂)ရပ်ကွက် တပင်ရွှေထီးလမ်းရှိ ဒေါ်ခင်ဝါဆိုဦး (Warso Collection)၊ အမှတ်(၁)ရပ်ကွက် မာလာလမ်းရှိ ဒေါ်ဥမ္မာအေး (လင်းလက်သဘာဝထုတ် ကုန်ရောင်းဝယ်ရေး)၊ အမှတ်(၉)ရပ်ကွက်၊ အောင်ဇေယျလမ်းရှိ မစုသဲဖြူ (အဲလစ်တီရှပ်)တို့အား မြေပြင်စစ်ဆေးအတည်ပြုပြီး မှတ်ပုံတင်ရရှိထားသည့် လုပ်ငန်းရှင်များဖြစ်၍ အွန်လိုင်းစနစ်ဖြင့်ရောင်းချသည့် လုပ်ငန်းဆိုင်ရာ အမိန့်ကြော်ငြာစာအမှတ် (၅၁/၂၀၂၃) နှင့်စပ်လျဉ်း၍ အသိပညာပေးရှင်းလင်းခြင်း၊ စားသုံးသူရေးကာကွယ်ရေး ဥပဒေပါ စီးပွားရေးလုပ်ငန်းရှင်၏ တာဝန်များနှင့် ကုန်အညွှန်းအမှတ်အသား ဖော်ပြချက်များနှင့် စပ်လျဉ်း၍ ကုန်စည်များတွင် ကုန်အညွှန်းအမှတ် အသားများအား မြန်မာဘာသာဖြင့်သော်လည်းကောင်း၊ မြန်မာဘာသာနှင့် အခြားဘာသာတစ်ခု (သို့မဟုတ်) တစ်ခုထက်ပို၍ တွဲလျက်ဖြစ်စေ ဖော်ပြရမည်ဖြစ်ကြောင်းနှင့် ကုန်အညွှန်းအမှတ် အသားပြည့်စုံမှုမရှိသည့် ကုန်စည်များအား ရောင်းချခြင်းမပြုလုပ်ကြရန်၊ ထိုသို့ ပြုလုပ်ပါက စားသုံးသူကာကွယ်ရေးဥပဒေနှင့်အညီ အရေးယူဆောင်ရွက်သွားမည်ဖြစ်ကြောင်း အသိပညာပေး ဆွေးနွေးခဲ့ကြောင်း သိရှိရပါသည်။

DOCA(ရန်ကုန်)

             မြန်မာအီလက်ထရောနစ် မဲပေးစက် (MEVM)ကိုင်တွယ်အသုံးပြုနည်း သင်တန်းအား ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် မြို့သစ်ရပ်ကွက် အခြေခံပညာအထက်တန်းကျောင်း နှင်းဆီခန်းမ၌ ဇူလိုင်လ (၂၄)ရက်နေ့၊ နံနက်(၁၀:၀၀)နာရီအချိန်တွင် ဆက်လက်ကျင်းပပြုလုပ်ခဲ့ကြောင်း သိရှိရသည်။

            အဆိုပါ သင်တန်းဆက်လက် ကျင်းပပြုလုပ်ခဲ့ရာတွင် မြန်မာအီလက်ထရောနစ် မဲပေးစက် (MEVM)ကိုင်တွယ်အသုံးပြုနည်းသင်တန်းကို တွံတေးခရိုင်သို့ ခရိုင်အဆင့်သင်တန်း တက်ရောက်ခဲ့သော သင်တန်းဆရာ၊ ဆရာမများက မဲပေးစက်တည်ဆောက်ပုံနည်းလမ်းများ၊ မဲပေးစက်တပ်ဆင်ပုံ၊ စမ်းသပ်မဲပေးပုံ၊ ဖြန့်ခွဲပုံ၊ ရွေးကောက်ပွဲကျင်းပမည့်နေ့တွင် မဲရုံများ၌ မဲပေးစက်တပ်ဆင် ခင်းကျင်းပုံ၊ မဲရလဒ်ရေတွက်ပုံ၊ နည်းဥပဒေပါအတိုင်း မဲရလဒ်စာရင်းပြုစုပုံ၊ မဲပေးစက်အား ပြန်လည်ထုပ်ပိုးသိမ်းဆည်းပုံ၊ နည်းလမ်းတို့အား အကျယ်တဝင့် ရှင်းလင်းဆွေးနွေး အသိပညာပေး သင်ကြားပေးခဲ့ကြပြီး မြန်မာအီလက်ထရောနစ်မဲပေးစက် (MEVM) ကိုင်တွယ်အသုံးပြုနည်းသင် တန်းသို့ တက်ရောက်သော သင်တန်းသား/ သင်တန်းသူများက မရှင်းလင်းသောအချက်များနှင့် သိရှိလိုသည့် အချက်များကိုမေးမြန်းခဲ့ပြီး တာဝန်ရှိသူများက ပြန်လည်ဖြေရှင်း သင်ကြားပြသပေးခဲ့ကြောင်း သိရှိရပါသည်။

DOCA(ရန်ကုန်)

             စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် (၂၄.၇.၂၀၂၅) ရက်နေ့ နံနက်(၁၁:၁၀) နာရီအချိန်တွင် လှိုင်သာယာမြို့နယ်၊ အမှတ်(၁၁၄၈)၊ (6)လမ်း၊ (5)ရပ်ကွက်ရှိ Friday Online Store အမည်ဖြင့် လူသုံးကုန်ပစ္စည်းများ အွန်လိုင်းမှတ်ပုံတင်ထားရှိမှုအား မြေပြင်ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

          ထိုသို့ ကွင်းဆင်းစစ်ဆေးရာတွင် ဒေါ်နီလာဝင်း၊ ဦးစီးမှူးမှ ဈေးကွက်အတွင်း ရောင်းချနေသာ လူသုံးကုန်ပစ္စည်းများ ဝယ်ယူအသုံးပြုရာတွင် ဘေးအန္တရာယ်ကင်းရှင်းစေရန် လုံခြုံစိတ်ချရမှုရှိစေရန် ကုန်အညွှန်းအမှတ်အသားပြည့်စုံစွာ ဖော်ပြထားခြင်းရှိ/ မရှိ၊ လုပ်ငန်းလျှောက်လွှာပုံစံတွင် ဖြည့်သွင်းထားသည့်လိပ်စာအတိုင်း လုပ်ငန်းအမှန်တစ်ကယ် တည်ရှိခြင်းရှိ/ မရှိ ရောင်းချရန်တင်ပြထားသော ကုန်စည်(သို့မဟုတ်)ဝန်ဆောင်မှုအမျိုးအစား စာရင်းအတိုင်း မြေပြင်တွင် အမှန်တကယ် ရောင်းချနေသော စာရင်းကိုက်ညီမှုရှိ/ မရှိတို့ကို စစ်ဆေးခဲ့ပြီး စားသုံးသူကာကွယ်ရေးဥပဒေပါ ကုန်စည်ပေါ်တွင် ဖော်ပြပါရှိရမည့် ကုန်အညွှန်းအမှတ်အသား ဖော်ပြမှုတို့ကို ကွင်းဆင်းစစ်ဆေးခဲ့ကြောင်း သိရှိရပါသည်။

DOCA (ရန်ကုန်)

    ပဲခူးတိုင်းဒေသကြီး၊  သာယာဝတီခရိုင် စားသုံးသူရေးရာဦးစီးဌာန  မှ  လစဉ်ကျင်း ပပြု လုပ် သော ကြာသပတေးနေ့တိုင်း ဝန်ထမ်းများစွမ်းဆောင်ရည်မြှင့်တင်ရေးအတွက် အသိပညာပေး Talk Showဟောပြောပွဲများကျင်းပပြုလုပ်ခဲ့ရာ ဆဌမအကြိမ် မြောက်ဟောပြောပွဲ ကို ( ၂၄.၇.၂၀၂၅ ) ရက်‌ နေ့ နံနက် ( ၁၀:၀၀ ) နာရီအချိန်တွင်   သာယာဝတီမြို့နယ် တာဝန်ခံဒေါ်အေးသန္တာထွန်းမှ “အွန်လိုင်း စနစ်ဖြင့်ရောင်းချခြင်း မှတ်ပုံတင်လက်မှတ်ရရှိထားသူများ၏တာဝန်များနှင့် အခွင့်အရေးများ” အကြောင်းသိကောင်းစရာ  ခေါင်းစဉ်ဖြင့် အသိပညာပေး Talk Showဆွေးနွေးပွဲကိုသာယာဝတီ၊ လက်ပံ တန်း၊မင်းလှ၊မိုးညို၊အုတ်ဖို၊ကြို့ပင်ကောက်မြို့နယ်များမှဝန်ထမ်းများနှင့်ဆောင်ရွက်ခဲ့ပါသည်။

     အခမ်းအနားတွင် ခရိုင်ဦးစီးမှူးမှ အဖွင့်အမှာစကား ပြောကြားရာတွင်  ဝန်ထမ်းများကိုလစဉ်အသိပညာပေး ဟောပြောခြင်းဖြင့် ဝန်ထမ်းများ စွမ်းဆောင်ရည်မြင့်မား လာပါကြောင်း မိမိတို့ အနေဖြင့်  လည်း  ပြည်သူများနှင့်ဆွေးနွေးပွဲများပြုလုပ်ရာတွင်လည်းစိတ်ပါဝင်စားစွာဆွေးနွေးပြောပြနိုင်အောင် အပြန်အလှန်ပရိတ်သတ်ကိုလည်းကြည့်ပြီးအလွတ်ဆွေးနွေးပြောကြားနိုင်အောင်လေ့ကျင့် ပြောကြားသင့်ပါကြောင်း ပြောကြားခဲ့ပါသည်။

          ဒေါ်အေးသန္တာထွန်းမှမည်သူမဆိုအွန်လိုင်းစနစ်ဖြင့် ရောင်းချခြင်းလုပ်ငန်းကို လက်မှတ် လျှောက်ထားရရှိပြီးမှလုပ်ကိုင်ဆောင်ရွက်ရမည်ဟုစီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှအရေးကြီး ကုန်စည်နှင့်ဝန်ဆောင်မှု ဥပဒေပုဒ်မ-၄ ပုဒ်မခွဲ(ဂ) အရ အပ်နှင်းထားသော လုပ်ပိုင်ခွင့် ကိုကျင့်သုံး၍ ၂၀၂၃ခုနှစ် ဇူလိုင်လ (၂၁) ရက် အမိန့်ကြော်ငြာ စာအမှတ် (၅၀/၂၀၂၃)ဖြင့် အွန်လိုင်း စနစ်ရောင်းချခြင်း လုပ်ငန်းကို အရေးကြီးဝန်ဆောင်မှုလုပ်ငန်း အဖြစ်သတ်မှတ်သည့် အမိန့် ကို ထုတ်ပြန်ခဲ့ပြီး အဆိုပါ နေ့ မှာပင် အမိန့်ကြော်ငြာစာအမှတ် (၅၁/၂၀၂၃၀ဖြင့် အွန်လိုင်းစနစ်ဖြင့် ရောင်း ချခြင်း မှတ်ပုံတင်ခြင်း ဆိုင်ရာအမိန့်ကိုထုတ်ပြန်ခဲ့ပါကြောင်းနှင့် အွန်လိုင်းစနစ်ဖြင့် ရောင်း ချခြင်း လုပ်ငန်းဆိုတာ ၎င်းအမိန့်အရ ကုန်စည်ကိုဖြစ်စေ၊ ဝန်ဆောင်မှုကိုဖြစ်စေ အွန်လိုင်း စနစ်မှ တဆင့် ဝန်ဆောင်မှုပေး၍ရောင်းချသည့် လုပ်ငန်းဖြစ်ကြောင်းတို့ကို အသေးစိတ်ဟောပြောခဲ့ပြီး အွန်လိုင်းဖြင့် တက်ရောက်သော မြို့နယ်တာဝန်ခံများနှင့် ခရိုင်စားသုံးဌာနခွဲ တာဝန်ခံတို့မှ ဖြည့်စွက် ဆွေးနွေး ခဲ့ကြကြောင်းသိရှိရပါသည်။

DOCA(ပဲခူး)

               စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ စစ်ဆေးရေးအရာရှိများသည် (24.7.၂၀၂၅)ရက်နေ့ နံနက်(၀၉:30) နာရီအချိန်တွင် အင်းစိန်မြို့နယ်၊ အမှတ်(69/ဘီ)၊ နီလာ(၃) လမ်း၊ စော်ဘွားကြီးကုန်းဝင်းအတွင်း ဖွင့်လှစ်ထားသော New Star Trading အမည်ဖြင့် Online မှတ်ပုံတင်ထားရှိသည့်လုပ်ငန်းအား မြေပြင်စစ်ဆေးခြင်းများ ဆောင်ရွက်ခဲ့ပါသည်။

            ထိုသို့ဆောင်ရွက်ရာတွင် စစ်ဆေးရေးအရာရှိမှ အွန်လိုင်းမှတ်ပုံတင်စနစ်တွင် မှတ်ပုံတင်ထား ရှိသည့်အချက်အလက်များ မြေပြင်စစ်ဆေးရာတွင် ကိုက်ညီမှုရှိ/ မရှိနှင့် အခြား လိုအပ်သည့်အချက်အလက်များ ပြည့်စုံမှန်ကန်မှုရှိ/ မရှိနှင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ လိုက်နာရမည့်တာဝန်များအကြောင်း ရှင်းလင်းဆွေးနွေးခဲ့ကြောင်း သိရှိရပါသည်။

DOCA (ရန်ကုန်)