သတင်းနှင့် လှုပ်ရှားမှုများ

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် မြန်မာနိုင်ငံ ဆန်စပါးအသင်းချုပ်နှင့် ပူးပေါင်း၍ ပြည်တွင်း၌ ဆန်စပါးဖူလုံရေး ပြည်ပသို့ စနစ်တကျတင်ပို့ရောင်းချနိုင်ရေး၊ ဆန်စပါးစျေးကွက်၌ စျေးနှုန်းမှန်ကန်တည်ငြိမ်စေ‌ရေး၊ သမရိုးကျရောင်းဝယ်ခြင်းမဟုတ်သော စျေးကစားလိုသည့် ရည်ရွယ်ချက်ဖြင့် သိုလှောင်ခြင်း၊ စျေးနှုန်းမြှင့်တင်ရောင်းချခြင်းများ မဖြစ်ပေါ်စေရေး တို့အတွက် လစဉ် သင့်တင့်မျှတသော ဆန်စျေးနှုန်းများ ထုတ်ပြန်ပေးလျက်ရှိပါသည်။

          မကွေးမြို့ပေါ်ရှိ ဆန်ပွဲရုံ၊ ဆန် လက်လီ၊ လက်ကားအရောင်းဆိုင်များအား လစဉ်ထုတ်ပြန်ပေးလျက်ရှိသော သင့်တင့်မျှတသော ဆန်စျေးနှုန်းများအတိုင်း ရောင်းချမှုရှိ/မရှိ၊ အမျိုးအစားမတူ၊ စျေးနှုန်းမတူသောဆန်များ ရောနှောရောင်းချမှုမရှိစေရေးတို့အား (၁၇.၃.၂၀၂၅)ရက်နေ့၊ နေ့လယ် (၁၄:၀၀) နာရီအချိန်တွင် စားသုံးသူရေးရာဦးစီးဌာန၊ မကွေးခရိုင်ဦးစီးမှူးနှင့် ဝန်ထမ်းများ၊ အထွေထွေအုပ်ချုပ်ရေးဦးစီးဌာနနှင့် စည်ပင်သာယာရေးအဖွဲ့တို့ ပူးပေါင်းပြီး ကွင်းဆင်းစစ်ဆေးခဲ့ကြောင်း သိရပါသည်။

DOCA(မကွေး)

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်မှုနှင့် ဖျာပုံခရိုင်ဦးစီးမှူးမှကြီးကြပ်၍ ဖျာပုံခရိုင်အတွင်းရှိ ဖျာပုံမြို့နယ် မြို့နယ်တာဝန်ခံရုံးမှ ဒေါ်အေးသီတာဇော်သည် ၁၅.၃.၂၀၂၅ ရက်နေ့ နံနက်(၁၀:၀၀)နာရီတွင် ဖျာပုံမြို့နယ် ပြန်ကြား ရေးနှင့် ပြည်သူ့ဆက်ဆံရေးဦးစီးဌာန မြို့နယ်ဦးစီးမှူးနှင့်ပူးပေါင်း၍ ဖျာပုံမြို့နယ်ပြန်ကြား ရေးနှင့် ပြည်သူ့ ဆက်ဆံရေးဦးစီးဌာနရုံးတွင် Talk Show  စီစဉ် ဆောင်ရွက်ခဲ့ကြောင်းသိရပါသည်။

            Talk Show ဟောပြောသည့်အစီအစဉ်တွင် ဖျာပုံမြို့နယ် မြို့နယ်တာဝန်ခံရုံးမှ ဒေါ်အေးသီတာဇော်က စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များနှင့် စားသုံးသူ ကာကွယ်ရေးဥပဒေပါ စီးပွားရေးလုပ်ငန်းရှင်များ လိုက်နာရမည့်တာဝန်များနှင့် အခွင့်အရေးများ ၊  မိမိတို့ ဝယ်ယူရောင်းချသော ကုန်စည်နှင့်ဝန်ဆောင်မှုများ စားသုံးသူကာကွယ်ရေး ဥပဒေပါပြဌာန်း ချက်များနှင့် ကိုက်ညီသောကုန်စည်များကိုသာ မှာယူဝယ်ယူရောင်းချကြာရန်နှင့် ကုန်စည်များတွင် ကုန်အညွှန်း အမှတ်အသားပြည့်စုံစွာဖော်ပြပါရှိရမည့် အချက်အလက်များကို ရှင်းလင်းပြောကြား ခြင်း၊ မိမိတို့ ဝယ်ယူအသုံးပြုသောကုန်စည်နှင့် ဝန်ဆောင်မှုများကြောင့် နစ်နာဆုံးရှုံးမှုများ ဖြစ်ပေါ် လာပါက တိုင်ကြားခွင့်ရှိကြောင်းနှင့် တိုင်ကြားမှု လက်ခံဆောင်ရွက်ရေးစင်တာများ (CICC) ဖွင့်လှစ်ထားရှိမှု အခြေအနေများနှင့် ပြစ်မှုပြစ်ဒဏ်များအကြောင်း ၊ တိုင်ကြားနိုင်သည့် နည်းလမ်း များကို အသိပညာပေး ရှင်းလင်းဆွေးနွေးခြင်း၊  ထို့အပြင် အွန်လိုင်းရောင်းချခြင်းမှတ်ပုံတင် လက်မှတ်မရှိဘဲ အွန်လိုင်း အသုံးပြု၍ ကုန်စည်နှင့်ဝန်ဆောင်မှုများကို ရောင်းချခြင်း ကြော်ငြာခြင်း ပြုလုပ်ပါက မိမိတို့ စားသုံးသူ ရေးရာဦးစီးဌာနမှ မြေပြင်ကွင်းဆင်းစစ်ဆေးပြီး စစ်ဆေးတွေ့ရှိပါက အရေကြီးကုန် စည်နှင့်ဝန်ဆောင်မှု ဥပဒေအရ အရေးယူခံရမည်ဖြစ်ကြောင်းနှင့် အွန်လိုင်းရောင်း ချခြင်းနှင့် ပတ်သက်၍ မှတ်ပုံတင်လိုင်စင် လျှောက်ထားလိုပါက မိမိတို့ စားသုံးသူရေးရာဦးစီးဌာနမှ ကူညီဆောင်ရွက်ပေးလျက်ရှိကြောင်းနှင့်  အွန်လိုင်းရောင်းချခြင်း မှတ်ပုံတင်လျှောက်ထားလိုပါက လိုအပ်သည့် အချက်အလက်များနှင့် အထောက်အထားများ မှတ်ပုံတင်ကြေးပေးသွင်းရမည့် ကုန်ကျ စရိတ်များအကြောင်း ရှင်းလင်းပြေားကြားခဲ့ပြီး စားသုံးသူရေးရာဦးစီးဌာန၏ လုပ်ငန်းဆောင်ရွက် ချက်များကိုသိရှိလိုပါက Website တွင် ဝင်ရောက်လေ့လာနိုင်ကြောင်းနှင့် Consumer Call Center 1535 သို့ ဆက်သွယ်မေးမြန်းနိုင်ကြောင်းကိုလည်း အသိပညာပေး ဟောပြောခဲ့ကြောင်းသိရပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်မှုနှင့် ဖျာပုံခရိုင်ဦးစီးမှူးမှကြီးကြပ်၍  ဖျာပုံခရိုင်အတွင်းရှိ  ဘိုကလေးမြို့နယ် မြို့နယ်တာဝန်ခံ ဒေါ်ခင်စန်းအေးသည့် ၁၀.၃.၂၀၂၅ ရက်နေ့တွင် နံနက်(၁၀:၀၀)နာရီအချိန်တွင်  ဘိုကလေးမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန မြို့နယ်ဦးစီးမှူးနှင့်ပူးပေါင်း၍ ပြန်ကြားရေးနှင့် ပြည်သူ့ဆက်ဆံရေးရုံးရှိ   စာဖက်ပြည်သူ (၁၃)ဦးအား စားသုံသူရေးရာကာကွယ်ရေးဆိုင်ရာ အသိ ပညာပေးဟောပြောခြင်း‌ ဆောင်ရွက်ခဲ့ကြောင်းသိရသည်။ ဟောပြောပွဲတွင် ဘိုကလေးမြို့နယ် မြို့နယ်တာဝန်ခံ ဒေါ်ခင်စန်းအေးက စားသုံးသူ ရေးရာဦးစီးဌာန၏ လုပ်ငန်းဆောင် ရွက်ချက်များနှင့် စားသုံးသူပြည်သူများ ရရှိနိုင်သည့်အခွင့်အရေး (၈) ချက်အားရှင်းလင်းခြင်း၊ ကုန်စည်များတွင် ကုန်အညွှန်းအမှတ်အသားပြည့်စုံစွာ ဖော်ပြပါရှိရမည့် အချက်အလက်များကို ရှင်းလင်းပြောကြားခြင်း၊ မိမိတို့ဝယ်ယူ အသုံးပြုသောကုန်စည်နှင့် ဝန်ဆောင် မှုများကြောင့် နစ်နာဆုံးရှုံးမှုများ ဖြစ်ပေါ်လာပါက တိုင်ကြားခွင့်ရှိကြောင်းနှင့် တိုင်ကြားမှု လက်ခံဆောင်ရွက်ရေးစင်တာများ (CICC) ဖွင့်လှစ် ထားရှိမှုအခြေအနေများနျင့် ပြစ်မှုပြစ်ဒဏ်များ အကြောင်း ၊ တိုင်ကြားနိုင်သည့် နည်းလမ်းများကို အသိပညာပေး ရှင်းလင်းဟောပြောခဲ့ပြီး  စားသုံးသူရေးရာဦးစီးဌာန၏ လုပ်ငန်းဆောင်ရွက် ချက်များကိုသိရှိလိုပါက Website တွင် ဝင်ရောက် လေ့လာနိုင်ကြောင်းနှင့် Consumer Call Center 1535 သို့ ဆက်သွယ်မေးမြန်းနိုင်ကြောင်းကိုလည်း အသိပညာပေး ဟောပြောခဲ့ကြောင်းသိရပါသည်။

DOCA(ဧရာဝတီ)

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူခရိုင် အနေဖြင့် တိုင်းဒေသကြီးဦးစီးမှူး၏လမ်းညွှန်မှု၊ ခရိုင်ဦးစီးမှူး၏ကြီးကြပ်မှုတို့ဖြင့် ဒေသတွင်းရှိ MSMEsလုပ်ငန်းများ၏ လိုအပ်ချက်တို့ကို ပေါင်းစပ်ညှိနှိုင်းဆောင်ရွက်ပေးနိုင်ရန် လစဉ် စီးပွားရေး လုပ်ငန်းရှင်များနှင့် ကွင်းဆင်းတွေ့ဆုံဆွေးနွေးခြင်းများ ဆောင်ရွက်လျက်ရှိကြောင်း သိရသည်။

          ၂၀၂၅ ခုနှစ်၊ မတ်လအတွင်း ကန့်ဘလူမြို့နယ်တာဝန်ခံ ဦးမျိုးဝင်းသန်းနှင့် ဒေါ်အိမွန် ကျော်အကြီးတန်းစာရေးတို့သည် ကန့်ဘလူမြို့၊ အမှတ်(၁)ရပ်ကွက်ရှိ ဇမ္ဗူကျော်ဆန်စက်လုပ် ငန်းရှင်နှင့်ကွင်းဆင်းတွေ့ဆုံ၍ ကုန်စည် သို့မဟုတ် ဝန်ဆောင်မှုများ ဘေးအန္တရာယ်ကင်းရှင်းပြီး လုံခြုံစိတ်ချရမှုရှိစေရေးအတွက် ဆောင်ရွက်ရမည့် အစီအမံများ၊ အမိန့်နှင့် ညွှန်ကြားချက်များ ထုတ်ပြန်ထားမှုဆိုင်ရာတို့ကိုရှင်း လင်းပြောကြားပြီး လိုက်နာဆောင်ရွက်သွားရန် အသိပညာပေး ဆွေးနွေးခဲ့ကြောင်း၊ ကျွန်းလှမြို့နယ် တာဝန်ခံသည် ကျွန်းလှမြို့၊ ပျဉ်းမမြိုင်ရပ်ကွက်ရှိ ကျွန်းလှ မြေပဲဆီသန့်ရောင်းဝယ်ရေးလုပ်ငန်းရှင်နှင့်တွေ့ဆုံခဲ့ပြီး ကုန်စည် သို့မဟုတ် ဝန်ဆောင်မှုများကိုဘေး အန္တရာယ်ကင်းရှင်းပြီး လုံခြုံစိတ်ချရမှုရှိစေရေး ဆောင်ရွက်သွားရန် စသည်တို့ကိုဆွေးနွေးခဲ့ကြောင်း၊ စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များကို သိရှိထားရန်လိုအပ်ကြောင်းနှင့် မိမိတို့ထုတ်လုပ်သည့် ကုန်စည်များကိုဘေး အန္တရာယ်ကင်းရှင်းပြီး ထုတ်ကုန်လုံခြုံစိတ်ချရမှုရှိစေရေး ဆောင်ရွက်သွားရန် စသည်တို့ကိုအသိ ပညာပေးဆွေးနွေးခဲ့ကြပြီး လက်ကမ်းစာစောင်များ ဖြန့်ဝေပေးခဲ့ကြောင်း သိရသည်။

DOCA(စစ်ကိုင်း)

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်မှုနှင့် ဖျာပုံခရိုင်ဦးစီးမှူးမှကြီးကြပ်၍ ဖျာပုံခရိုင်အတွင်းရှိ ကျိုက်လတ်မြို့နယ်တွင် ၆.၃.၂၀၂၅ ရက်နေ့ နံနက်(၁၀:၀၀)နာရီအချိန် ကျိုက်လတ်မြို့နယ်တာဝန်ခံ ဦးမိုးမင်းသန်းသည် ကျိုက်လတ် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန မြို့နယ်ဦးစီးမှူးနှင့်ပူးပေါင်း၍ ပြန်ကြားရေး နှင့် ပြည်သူ့ဆက်ဆံရေးရုံးရှိ စာဖတ်ပြည်သူ (၁၂)ဦးအား စားသုံသူရေးရာကာကွယ်ရေးဆိုင်ရာ အသိ ပညာပေးဟောပြောခြင်း‌ ဆောင်ရွက်ခဲ့ကြောင်းသိရသည်။ ဟောပြောပွဲတွင် ကျိုက်လတ်မြို့နယ်တာဝန်ခံ ဦးမိုးမင်းသန်းက စားသုံးသူရေးရာဦးစီး ဌာန၏ လုပ်ငန်းဆောင်ရွက်ချက်များနှင့် စားသုံးသူကာကွယ်ရေးဥပဒေပါ စားသုံးသူပြည်သူများ ရရှိနိုင်သည့်အခွင့်အရေး (၈)ချက်အားရှင်းလင်းခြင်း၊ ကုန်စည်များတွင် ကုန်အညွှန်းအမှတ်အသား ပြည့်စုံစွာဖော်ပြပါရှိရမည့် အချက်အလက်များကို ရှင်းလင်းပြောကြားခြင်း၊ မိမိတို့ဝယ်ယူအသုံး ပြုသောကုန်စည်နှင့် ဝန်ဆောင်မှုများကြောင့် နစ်နာဆုံးရှုံးမှုများ ဖြစ်ပေါ်လာပါက တိုင်ကြားခွင့်ရှိ ကြောင်းနှင့် တိုင်ကြားမှု လက်ခံဆောင်ရွက်ရေးစင်တာများ (CICC) ဖွင့်လှစ် ထားရှိမှုအခြေအနေ များနျင့် ပြစ်မှုပြစ်ဒဏ်များအကြောင်း ၊ တိုင်ကြားနိုင်သည့် နည်းလမ်းများကို အသိပညာပေး ရှင်းလင်းဟောပြောခြင်း ၊ ထို့အပြင် အွန်လိုင်းရောင်းချခြင်းမှတ်ပုံတင်လက်မှတ်မရှိဘဲ အွန်လိုင်း အသုံးပြု၍ ကုန်စည်နှင့်ဝန်ဆောင်မှုများကို ရောင်းချခြင်း ကြော်ငြာခြင်း ပြုလုပ်ပါက မိမိတို့ စားသုံးသူ ရေးရာဦးစီးဌာနမှ မြေပြင်ကွင်းဆင်းစစ်ဆေးပြီး စစ်ဆေးတွေ့ရှိပါက အရေကြီးကုန် စည်နှင့်ဝန်ဆောင်မှု ဥပဒေအရ အရေးယူခံရမည်ဖြစ်ကြောင်းနှင့် အွန်လိုင်းရောင်းချခြင်းနှင့် ပတ်သက်၍ မှတ်ပုံတင်လိုင်စင် လျှောက်ထားလိုပါက မိမိတို့ စားသုံးသူရေးရာဦးစီးဌာနမှ ကူညီဆောင်ရွက်ပေးလျက်ရှိကြောင်းနှင့်  အွန်လိုင်းရောင်းချခြင်း မှတ်ပုံတင်လျှောက်ထားလိုပါက လိုအပ်သည့် အချက်အလက်များနှင့် အထောက်အထားများ မှတ်ပုံတင်ကြေးပေးသွင်းရမည့် ကုန်ကျ စရိတ်များအကြောင်း ရှင်းလင်းပြေားကြားခဲ့ပြီး၊ စားသုံးသူရေးရာဦးစီးဌာန၏ လုပ်ငန်းဆောင်ရွက် ချက်များကိုသိရှိလိုပါက Website တွင် ဝင်ရောက်လေ့လာနိုင်ကြောင်းနှင့် Consumer Call Center 1535 သို့ ဆက်သွယ်မေးမြန်းနိုင်ကြောင်းကိုလည်း အသိပညာပေး ဟောပြောခဲ့ကြောင်းသိရှိရပါသည်။

DOCA(ဧရာဝတီ)