သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးဝင်းနိုင် (ဦးစီးအရာရှိ) နှင့် ဝန်ထမ်းများသည်  ဒေါပုံမြို့နယ် စည်ပင်သာယာရေးကော်မတီနှင့် ပူးပေါင်း၍ အမှတ်(၂၉၇) ၊  ရတနာသီရိလမ်း ၊ မြို့သစ်ရပ်ကွက် ၊ ဒေါပုံမြို့့နယ်ရှိ   PMH အမှတ်တံဆိပ် (သောက်ရေသန့်) လုပ်ငန်းသို့ (၃-၃-၂၀၂၅) ရက်နေ့၊ နေ့လယ် (၁၃:00) နာရီတွင် သွားရောက်၍ ကွင်းဆင်းခဲ့ကြ ကြောင်း သိရှိရပါသည်။

ကွင်းဆင်းစစ်ဆေးရာတွင် စားသုံးသူရေးရာဦးစီးဌာနမှ ဦးဝင်းနိုင်က ယခုလုပ်ငန်းသည် ဝန်ဆောင်မှုလုပ်ငန်းဖြစ်သည့်အတွက်  စားသုံးသူကာကွယ်ရေးဥပဒေပါ  အခန်း(၁၇)၊ ရှိ ကုန်စည်  (သို့မဟုတ်) ဝန်ဆောင်မှုအပေါ် တာဝန်ရှိမှုနှင့် စီးပွားရေးလုပ်ငန်းရှင်၏ အာမခံချက် များပါ အချက်အလက်များ စားသုံးသူကာကွယ်ရေးဥပဒေပါ   အခန်း(၁၈)ရှိ ကုန်အညွှန်း အမှတ်အသား ဖော်ပြခြင်းနှင့်ပတ်သတ်၍အသိပေးပြောကြားခဲ့ကြောင်း သိရှိရပါသည်။

DOCA(ရန်ကုန်)

ရန်ကုန်တိုင်းဒေသကြီးအတွင်း ဒေသဆိုင်ရာ MSME  အေဂျင်စီများအနေဖြင့် နိုင်ငံတော်မှ မတည်ရင်းနှီးထားသည့် ငွေကြေးအရင်းအနှီးကို Quality Loan အဖြစ်အမှန်တကယ်လိုအပ် သည့် MSME လုပ်ငန်းရှင်များထံသို့ အပြည့်အဝရရှိစေရေးနှင့် အကျိုးထိရောက်စွာ အသုံးပြု နိုင်ရေးစီမံကြပ်မတ်ဆောင်ရွက်လျက်ရှိရာ အမှတ်(အေ-၃၉) ဦးဝိစာရလမ်း၊(၃၄) ရပ်ကွက်၊ ဒဂုံမြို့သစ်မြောက်ပိုင်းရှိ အောင်ပွင့်သစ် (အင်္ကျီတံဆိပ်ရိုက်) လုပ်ငန်းသို့ (၄-၃-၂၀၂၅) ရက်နေ့ ၊ နေ့လယ် (၁၃:00) နာရီတွင် MSME ဌာနမှ ဦးဆောင်၍ ဒဂုံမြို့သစ်ခရိုင် အထွေထွေအုပ်ချုပ်ရေး ဦးစီးဌာန၊ စက်မှုကြီးကြပ်ဦးစီးဌာန၊ မြောက်ဒဂုံမြို့နယ်စည်ပင်သာယာရေးကော်မတီ၊ အရှေ့ပိုင်း ခရိုင်စားသုံးသူရေးရာဦးစီးဌာနမှ ဦးနေလင်း(ဌာနခွဲစာရေး) တို့ပါဝင်သည့် အဖွဲ့ဝင်များမှ ကွင်းဆင်း ဆောင်ရွက်ခဲ့ကြကြောင်း သိရှိရပါသည်။

ကွင်းဆင်းဆောင်ရွက်ရာတွင် စားသုံးသူရေးရာဦးစီးဌာနမှ ဦးနေလင်းက  ယခုလုပ်ငန်း သည် လူသုံးကုန်လုပ်ငန်းဖြစ်သည့်အတွက် စားသုံးသူကာကွယ်ရေးဥပဒေပါ စီးပွားရေးလုပ်ငန်း ရှင်၏ တာဝန်များအတိုင်း လိုက်နာဆောင်ရွက်စေလိုကြောင်း အသိပေးပြောကြားခဲ့ကြောင်း သိရှိရပါသည်။

DOCA(ရန်ကုန်)

တွံတေးမြို့နယ် ၊ မတ်လ  (၅) ရက်

ရန်ကုန်တိုင်းဒေသကြီး၊ တွံတေးခရိုင်၊ တွံတေးမြို့နယ် စည်ပင်သာယာဈေး အတွင်း/ အပြင်ရှိ ဆန်ဆိုင်များတွင် ရွှေဘိုပေါ်ဆန်း၊ ဧရာဝတီပေါ်ဆန်း စသည့်ဆန်ချောများတွင် ဆန်ကြမ်းများ ရောနှောရောင်းချခြင်းရှိ/မရှိကို မတ်လ (၄)ရက်နေ့၊ နံနက်(၁၀:၀၀)နာရီ အချိန်တွင် ကွင်းဆင်းစစ် ဆေးခဲ့ကြောင်း သိရသည်။

ထိုသို့ကွင်းဆင်းစစ်ဆေးခဲ့ရာတွင် မြို့နယ်စားသုံးသူရေးရာဦးစီးဌာနမှ ဝန်ထမ်းများ၊ မြို့နယ် ဆန်စပါးနှင့်ဆန်ကုန်သည်ကြီးများအသင်းမှ ဥက္ကဌနှင့် မြို့နယ်စည်ပင်သာယာရေး အဖွဲ့မှ ဝန်ထမ်းများ စသည့်ပူးပေါင်းအဖွဲ့ဖြင့် ဆန်ကြမ်း၊ ဆန်ချောရောင်းချသည့် ဆန်ဆိုင်များဖြစ်သည့် မလှလှဝင်း ဆန်ဆိုင်၊ နေဦးဆန်ဆိုင်များသို့ ရွှေဘိုပေါ်ဆန်း၊ ဧရာဝတီပေါ်ဆန်းများတွင် ဆန်ကြမ်းများရောနှော ရောင်းချခြင်းရှိ/မရှိ ကွင်းဆင်းစစ်ဆေးခဲ့ပြီး ဆန်အမျိုးအစားအမျိုးမျိုးအား သတ်မှတ်ရည်ညွှန်းဈေး ထက်ပိုမိုရောင်းချခြင်းမရှိစေရေး အသိပညာပေး ဆောင်ရွက်ခဲ့ပြီး ရောင်းချလျက်ရှိသောဆန်များမှ မြို့နယ်အတွင်း ဆန်စက်များမှ ဝယ်ယူရောင်းချကြောင်း သိရသည်။

DOCA(ရန်ကုန်)

              စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် စားသုံးသူပြည်သူများ ကုန်စည်နှင့်ဝန်ဆောင်မှုများ ဝယ်ယူအသုံးပြုရာတွင် ဘေးအန္တရာယ်ကင်းရှင်းစေရန်၊  လုံခြုံစိတ်ချရမှုရှိစေရန်၊ လုံခြုံစိတ်ချရမှုမရှိသောကုန်စည်များ ဈေးကွက်အတွင်းသို့ မရောက်ရှိစေရန်နှင့် ဈေးကွက်အတွင်းမှ ပပျောက်သွားစေရန် စသည့်ရည်ရွယ်ချက်၍ ပန်းတနော်မြို့နယ် စားသုံးသူရေးရာဦးစီးဌာနမှင့် စည်ပင်သာယာရေးအဖွဲ့တို့ ပူးပေါင်း၍ အလှကုန်နှင့် လူသုံးကုန်များကို (၄.၂.၂၀၂၅) ရက်နေ့တွင် နံနက် (၁၀း၀၀)နာရီအချိန်တွင် ဈေးကွက်စောင့်ကြည့်စစ်ဆေးခြင်းလုပ်ငန်းများကို ဆောင်ရွက်ခဲ့ကြောင်း သိရသည်။

              စားသုံးသူရေးရာဦးစီးဌာန၊ ပန်းတနော်မြို့နယ်ဦးစီးမှူးရုံးမှ မြို့နယ် တာဝန်ခံ ဦးအောင်ကျော်သက်နှင့် မြို့နယ်စည်ပင်သာယာရေးအဖွဲ့တို့သည် ပန်းတနော်မြို့ပေါ်ရှိ အလှကုန်ပစ္စည်းအရောင်းဆိုင်များ၊ လူသုံးကုန်ပစ္စည်းအရောင်းဆိုင်များ၊ စတိုးဆိုင်များသို့ သွားရောက်၍ ဈေးကွက်အတွင်း ရောင်းချနေသော စားသောက်ကုန်ပစ္စည်းများ၊ လူသုံးကုန်ပစ္စည်းများတွင် စားသုံးသူကာကွယ်ရေးဥပဒေ အခန်း(၁၈)၊ ပုဒ်မ(၄၁)ပါ ကုန်အညွှန်းအမှတ်အသား ဖော်ပြချက်များ၊ မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)ဖြင့်ထုတ်ပြန်ထားသော ကုန်စည်အုပ်စုအလိုက် မဖြစ်မနေဖော်ပြရမည့် ကုန်အညွှန်းအမှတ်အသားများ ပြည့်စုံမှုရှိ/ မရှိ ဈေးကွက်စောင့်ကြည့် စစ်ဆေးခဲ့ကြပြီးနောက် ဆိုင်ရှင်များအား  ကုန်အညွှန်းအမှတ်အသားနှင့် ပြည့်စုံသော ကုန်စည်များကိုသာ ရောင်းချကြရန်၊ စီးပွားရေးလုပ်ငန်းရှင်များ လိုက်နာရမည့်တာဝန်များ၊ ကုန်စည်ဝန်ဆောင်မှုနှင့်ပတ်သက်၍ အာမခံပေးရမည့် အချက်များကို ရှင်းလင်းဆွေးနွေးကာ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉) လက်ကမ်းစာစောင်များကို ဖြန့်ဝေပေးခဲ့ကြောင်း သတင်းရရှိပါသည်။

DOCA(ဧရာဝတီ)

ကော့မှူးမြို့နယ်၊ မတ်လ  (၅) ရက်

          စားသုံးသူရေးရာဦးစီးဌာန၊ ရန်ကုန်တောင်ပိုင်းခရိုင်ဦးစီးမှူးရုံး၏ ညွှန်ကြားချက် နှင့်အညီ ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်ရှိ ဆေးဆိုင်များတွင် ဖြန့်ဖြူးရောင်းချ ပေးလျက်ရှိသော ဆေးဝါးများ၏ ဈေးနှုန်းအခြေအနေအား မတ်လ(၃)ရက်နေ့၊ နံနက်(၀၉:၃၀)နာရီ အချိန်တွင် ရပ်ကွက်များနှင့် စည်ပင်သာယာမြို့မဈေး အတွင်း/အပြင်ရှိ ဆေးဆိုင်များသို့ ဌာနဆိုင်ရာ တာဝန်ရှိသူများ ပူးပေါင်းအဖွဲ့ဖြင့် ကွင်းဆင်းစစ်ဆေးခဲ့ကြောင်း သိရသည်။

ထိုသို့ကွင်းဆင်းစစ်ဆေးခဲ့ရာတွင် မြို့နယ်ကျန်းမာရေးဦးစီးဌာနမှတာဝန်ရှိသူများ၊ မြို့နယ် စည်ပင်သာယာရေးအဖွဲ့မှ ဈေးတာဝန်ခံနှင့် စားသုံးသူရေးရာဦးစီးဌာနမှ မြို့နယ် တာဝန်ခံတို့သည် ကော့မှူးမြို့နယ် စည်ပင်သာယာမြို့မဈေး အတွင်း/အပြင်ရှိ အေးမင်းစိုး ဆေးဆိုင်၊ ဝင်းလဲ့စိုးဆေးဆိုင်၊ မေခလာဆေးဆိုင်များနှင့် ဗိုလ်ချုပ်လမ်းမြို့မရပ်ကွက်ရှိ အောင်သစ္စာဆေးဆိုင်၊ မကျီးတန်း ရပ်ကွက်ရှိ ဇာနည်ဆေးဆိုင်တို့တွင် ဖြန့်ဖြူးရောင်းချ လျက်ရှိသော စားသုံးသူပြည်သူများ အသုံးများသော ဆေးဝါများအနေဖြင့် ယခင်လဈေးနှုန်း၊ ယခုလဈေးနှုန်း အခြေအနေ အတက်၊ အကျဈေးနှုန်းတို့အား စာရင်းကောက်ယူကွင်းဆင်း စစ်ဆေးခဲ့ပြီး ဆေးဆိုင်ပိုင်ရှင်စီးပွားရေးလုပ်ငန်းရှင်များအား စံမညီဆေးဝါးများ၊ သက်တမ်းလွန် ဆေးဝါးများ ဆရာဝန်ညွှန်ကြားမှုမရှိသည့် စပ်ဆေးများအား ဝယ်ယူဖြန့်ဖြူးရောင်းချခြင်းများ မပြုလုပ်ကြရန်နှင့် စားသုံးသူဘေးအန္တရာယ်ကင်းရှင်းစေရေး၊ ထုတ်ကုန်များ လုံခြုံစိတ်ချရမှုရှိ စေရေးတို့အတွက် လစဉ်လတိုင်းဌာနဆိုင်ရာ တာဝန်ရှိသူများပူးပေါင်း၍ စဉ်ဆက်မပြတ် ဈေးကွက်စောင့်ကြည့် ကွင်းဆင်းစစ်ဆေးသွားမည်ဖြစ်ကြောင်း စားသုံးသူကာကွယ်ရေး အသိပညာပေးဆွေးနွေးပြောကြားခဲ့ကြောင်း သိရသည်။

DOCA(ရန်ကုန်)