သတင်းနှင့် လှုပ်ရှားမှုများ

          မြန်မာဆန်စပါးအွန်လိုင်း(MyRO)ကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနနှင့် မြန်မာနိုင်ငံဆန်စပါးအသင်းချုပ်တို့ ပူးပေါင်းဆောင်ရွက်လျက်ရှိပြီး (MyRO)တွင် မှတ်ပုံတင်သက်တမ်း တစ်နှစ်ပြည့်မြောက်ပြီးသော သိုလှောင်ရုံများ သက်တမ်းပြန်လည်တိုးနိုင်ရေးနှင့် www.myro.com.mm တွင် လစဉ်လဆန်း(၁)ရက်နေ့မှ(၇)ရက်နေ့အတွင်း သိုလှောင်ရုံလုပ်ငန်းရှင်များအနေဖြင့် မိမိတို့သိုလှောင်ရုံများ၏ ကုန်ရ/ ကုန်ထုတ်/ ကုန်လက်ကျန် အခြေအနေများကို ထည့်သွင်းပေးနိုင်ရေး မြင်းခြံခရိုင်ဦးစီးမှူးရုံးအနေဖြင့် ကြပ်မတ်ဆောင်ရွက်လျက်ရှိပါသည်။

          မြင်းခြံမြို့နယ်တွင် လက်ရှိအချိန်ထိ (MyRO)တွင် မှတ်ပုံတင်ထားသော ဆန်သိုလှောင်ရုံ အလုံး (၂၀)ရှိပြီး ယခင်နှစ် ဇူလိုင်လ၌ (MyRO)မှတ်ပုံတင်ထားသော ဆန်သိုလှောင်ရုံများသည် တစ်နှစ်ပြည့်မြောက်ပြီးသည့်အတွက် ခရိုင်ဦးစီးမှူးရုံးသို့ သက်တမ်းတိုးဆောင်ရွက်နိုင်ရေးလုပ်ငန်းစဉ်များအား လာရောက်မေးမြန်းဆောင်ရွက်လျက်ရှိရာ(၂၂.၈.၂၀၂၅)ရက်နေ့တွင် အမှတ်(၈)ရပ်ကွက်ရှိ ဆန်သိုလှောင် ပိုင်ရှင်ဦးဝင်းမောင်သည် ၎င်း၏သိုလှောင်ရုံအား မှတ်ပုံတင်သက်တမ်းတိုးနိုင်ရေးအတွက် လာရောက် တွေ့ဆုံမေးမြန်းလျှောက်ထားလာသဖြင့် ဒု-ခရိုင်ဦးစီးမှူး ဦးတင်ဇော်ထွေးက သက်တမ်းတိုး လျှောက်ထားမှုလုပ်ငန်းစဉ်အဆင့်ဆင့်နှင့် လစဉ်လဆန်း(၁)ရက်နေ့မှ(၇)ရက်နေ့အတွင်း သိုလှောင်ရုံများ၏ ကုန်ရ/ ကုန်ထုတ်/ကုန်လက်ကျန် အခြေအနေများအား ထည့်သွင်းပေးရန် ရှင်းလင်းဆွေးနွေး၍ မှတ်ပုံတင်သက်တမ်းတိုးခြင်းအား ကူညီဆောင်ရွက်ပေးခဲ့ကြောင်း သိရှိရပါသည်။

DOCA(မန္တလေး)

      ဖျာပုံခရိုင်၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်း တို့သည် ၂၀၂၅ ခုနှစ်၊  ဩဂုတ်လ (၁၉)ရက်နေ့တွင် ဒေးဒရဲမြို့  ကမ်းနားလမ်းရှိ၊ မိဘမေတ္တာဆန်စက်သို့ ထုတ်ကုန်လုံခြုံစိတ်ချရမှုရှိစေရေး MSMEs လုပ်ငန်း ဖွံ့ဖြိုးတိုးတက်ရေး ကွင်းဆင်းဆောင်ရွက်ခဲ့ကြောင်း သိရသည်။

       ထိုသို့ ကွင်းဆင်းဆောင်ရွက်ရာတွင် ဆန်/စပါး အရည်အသွေးနှင့် ဈေးနှုန်း၊ဈေးကွက်အခြေအနေ၊ အလေးချိန် အချိန်အတွယ် မှန်ကန်မှုနှင့် ခေတ်မီစက်ကိရိယာများ တပ်ဆင်မှု အခြေအနေ၊ အရည်အသွေးမြင့် ထုတ်ကုန်များ ထုတ်လုပ်နိုင်ရေးတို့ကိုလည်းကောင်း၊ မေးမြန်းဆွေးနွေးခြင်း၊ ဆန်စက်လုပ်သားများ လုပ်ခလစာပေးအပ်မှုနှင့် စွန့်ပစ်ပစ္စည်းများ စနစ်တကျစွန့်ပစ်မှုရှိကြောင်း၊ ပတ်ဝန်းကျင် ထိခိုက်မှုမရှိပဲ လုပ်ငန်း လည်ပတ်လျက် ်ရှိကြောင်း တို့ကို ကွင်းဆင်းစစ်ဆေးမှု ပြုလုပ်ခဲ့သည်ဟု သတင်းရရှိပါသည်။

(Doca ဧရာဝတီ)

     ဖျာပုံခရိုင်၊ ဘိုကလေးမြို့နယ် စားသုံးသူရေးရာဦးစီးဌာန မြို့နယ်တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ ဩဂုတ်လ (၂၁) ရက်နေ့၊ နေ့လယ် (၁၄:၃၀) နာရီအချိန်တွင် မြို့မ(၁) ရပ်ကွက် ၊ အမှတ်(၁၄)၊ ဗိုလ်ဗထူးလမ်းရှိ CHINLAND NETWORK အင်တာနက်ဝန်ဆောင်မှုလုပ်ငန်းသို့ ကွင်းဆင်းဆောင်ရွက်ခဲ့ကြပါသည်။

          ထိုသို့ကွင်းဆင်းစိစစ်မှုတွင် မြို့နယ်တာဝန်ခံမှ CHINLAND NETWORK တာဝန်ခံ ဦးဗန်အုပ်မန်းအား ဝန်ဆောင်မှု ကဏ္ဍများအကြောင်း ပြောကြားခဲ့ပါသည်။ ပြည်သူသုံးစွဲမှုမှ တစ်လလျှင် 23 Mbps ကို (၃၇၀၀၀) ကျပ်၊ 28 Mbps ကို (၄၀၅၀၀) ကျပ် နှင့် 34 Mbps လျှင် (၄၈၅၀၀) ကျပ် တို့အား လစဉ်ပေးဆောင်ရသည်။ ဝန်ဆောင်မှုအနေဖြင့် စက်ဖိုး၊ကြိုးဖိုး၊ အင်တာနက်တပ်ဆင်ကြေး အားလုံးအခမဲ့ တပ်ဆင်ပြီး ဘိုကလေးမြို့နယ်အနေဖြင့် အလုံး(၅၀၀) တပ်ဆင်ထားကြောင်းသိရသည်။ လုပ်သား(၇) ဦးရှိပြီး ဝန်ဆောင်မှုကဏ္ဍ အနေဖြင့် စက်ပျက်စီး၊ လိုင်းပြတ်တောက်၊ ချို့ယွင်းမှုရှိပါက ဖုန်းဆက်လျှင် ချက်ချင်းသွားရောက်ဆောင်ရွက်ပေးကြောင်း သတင်းရရှိပါသည်။

(Doca ဧရာဝတီ)

       ဧရာဝတီတိုင်းဒေသကြီး၊ ဖျာပုံခရိုင်ဦးစီးမှူးရုံး၊ စားသုံးသူရေးရာဦးစီးဌာနမှ ခရိုင်ဦးစီးမှူးနှင့် ဝန်ထမ်းများသည် ဌာနဆိုင်ရာများနှင့် ပူးပေါင်း၍ ၂၀၂၅ခုနှစ်၊ ဩဂုတ်လ(၂၀)ရက်နေ့၊နံနက်(၈:၀၀) နာရီအချိန်တွင် ဖျာပုံမြို့(၁၈)ရပ်ကွက်ဈေးအနီးတွင်  အခြေခံစားသောက်ကုန်များကိုဈေးနှုန်းချိုသာစွာဖြင့် ရောင်းချခဲ့ပါသည်။

     အဆိုပါ အခြေခံစားသောက်ကုန်များကို ဈေးနှုန်းချိုသာစွာဖြင့် ရောင်းချရာတွင် ဝက်သား(၂၀)သား တစ်ထုပ်လျှင်(၄၇၀ဝိ/-)ကျပ်၊အမဲသား(၂၀)သားတစ်ထုပ်လျှင်(၃၉၀ဝိ/)၊ကျပ်နှင့် စားသုံးဆီတစ်ဗူးလျှင် ( ၃၄၇၅/- )ကျပ်ဖြင့် သက်သာဈေးနှုန်းဖြင့်ရောင်းချပေးသောကြောင့် စားသုံးသူပြည်သူများဝယ်ယူမှု  များခဲ့ကြောင်း၊မြို့နယ်အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့၊ရပ်ကွက်အုပ်ချုပ်ရေး မှုးနှင့်တာဝန်ရှိသူများမှ ပြည်သူများအဆင်ပြေစွာဝယ်ယူနိုင်ရေးအတွက် ဝိုင်းဝန်းကူညီဆောင်ရွက်ပေးခဲ့ကြောင်း သတင်းရရှိပါသည်။

(Doca ဧရာဝတီ)

    ဧရာဝတီတိုင်းဒေသကြီး၊ ဖျာပုံခရိုင်ဦးစီးမှူးရုံး၊ စားသုံးသူရေးရာဦးစီးဌာနမှ ခရိုင်ဦးစီးမှူးနှင့် ဝန်ထမ်းများသည် ဌာနဆိုင်ရာများနှင့် ပူးပေါင်း၍ ၂၀၂၅ခုနှစ်၊ ဩဂုတ်လ(၂၀)ရက်နေ့၊နံနက်(၈:၀၀) နာရီ အချိန်တွင် ဖျာပုံမြို့(၁၈)ရပ်ကွက်ဈေးအနီးတွင် အခြေခံစားသောက်ကုန်များကို ဈေးနှုန်းချိုသာစွာဖြင့် ရောင်းချခဲ့ပါသည်။

   အဆိုပါ အခြေခံစားသောက်ကုန်များကို ဈေးနှုန်းချိုသာစွာဖြင့် ရောင်းချရာတွင် ဝက်သား(၂၀)သား တစ်ထုပ်လျှင်(၄၇၀ဝိ/-)ကျပ်၊အမဲသား(၂၀)သားတစ်ထုပ်လျှင်(၃၉၀ဝိ/)၊ကျပ်နှင့် စားသုံးဆီတစ်ဗူးလျှင် ( ၃၄၇၅/- )ကျပ်ဖြင့် သက်သာဈေးနှုန်းဖြင့်ရောင်းချပေးသောကြောင့် စားသုံးသူပြည်သူများ ဝယ်ယူမှုများခဲ့ကြောင်း၊မြို့နယ်အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့၊ ရပ်ကွက်အုပ်ချုပ်ရေး မှုးနှင့်တာဝန်ရှိသူများမှ ပြည်သူများအဆင်ပြေစွာဝယ်ယူနိုင်ရေးအတွက် ဝိုင်းဝန်းကူညီဆောင်ရွက်ပေးခဲ့ကြောင်း သတင်းရရှိပါသည်။

(Doca ဧရာဝတီ)