သတင်းနှင့် လှုပ်ရှားမှုများ

      စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန (နေပြည်တော်) ရုံးချုပ်မှ ဒုတိယညွှန်ကြားရေးမှူးချုပ် ဦးခင်မောင်လှိုင်နှင့် အဖွဲ့၊ မကွေးတိုင်းဒေသကြီး၊ တိုင်းဒေသကြီးဦးစီးမှူး ဦးမြင့်ဝင်း နှင့် မကွေး/ချောက်ခရိုင်ဦးစီးမှူး ဒေါ်တင်တင်လှတို့သည် (၇.၉.၂၀၂၂)ရက်နေ့ (၁၂:၃၀)နာရီ တွင် မကွေးမြို့၊ ကံလှရွာ GBS စက်ရုံတွင် ဖွင့်လှစ်ထားသော တိုင်းတောင်သူဖွံ့ဖြိုးရေးအဖွဲ့၏ နှမ်း စုပေါင်းရောင်းချပွဲသို့ သွားရောက်ကြည့်ရှုအားပေးခဲ့ပါသည်။

       မကွေးမြို့၊ ကံလှရွာ တိုင်းတောင်သူဖွံ့ဖြိုးရေးအဖွဲ့စင်တာသို့ မကွေးမြို့၊ မြို့သစ်မြို့၊ မင်းဘူး မြို့နယ်၊ ‌ချောင်းဖြူရွာ၊ မင်းလှနှင့် ဆင်ပေါင်ဝဲမြို့နယ်များရှိ အဖွဲ့ဝင် တောင်သူများမှ လာရောက် ရောင်းချကြောင်း သိရှိရပါသည်။ (၇.၉.၂၀၂၂)ရက်နေ့ ဝယ်ယူသော နှမ်းသီးနှံစျေးနှုန်းများမှာ နှမ်းနက်(A)(၁၅)ပိဿာလျှင် (၁၀၃၁၀ဝိ/-)၊ နှမ်းနက်(B)(၁၅)ပိဿာလျှင်(၁၀၁၆၀ဝိ/-)၊ နှမ်းနက်(C)((၁၅)ပိဿာလျှင် (၁၀၀၁၀ဝိ/-)၊ နှမ်းဖြူ(A) (၁၅)ပိဿာလျှင် (၁၀၃၀၀ဝိ/-)၊ နှမ်းဖြူ(B)(၁၅)ပိဿာလျှင်(၁၀၁၅၀ဝိ/)၊ နှမ်းဖြူ(C) (၁၅)ပိဿာလျှင်(၁၀၀၀၀ဝိ/-)နှင့် နှမ်းနီ(A)(၁၅)ပိဿာလျှင် (၈၄၀၀ဝိ/-)စျေးနှုန်းအသီးသီးဖြင့် ဝယ်ယူ နေကြောင်းတွေ့ရှိရပြီး တိုင်းတောင်သူဖွံ့ဖြိုးရေးအဖွဲ့ မကွေး၊ ကံလှစင်တာအား (၁၅.၈.၂၀၂၂)မှ စတင်ဖွင့်လှစ်ဝယ်ယူခဲ့ပြီး (၆.၉.၂၀၂၂) ရက်နေ့ထိ နှမ်းမျိုးစုံ (၇၃၅.၃၅)တန် ဝယ်ယူပြီးဖြစ်ကြောင်းနှင့် တောင်သူ(၃၃၉၅)ဦးထံမှ နှမ်းတန်ချိန် (၃၀၀၀)ကျော် ဝယ်ယူမည်ဖြစ်ကြောင်း တောင်သူအကျိုးဆောင် ခေါင်းဆောင်များထံမှသိရှိရပါသည်။

DOCA( မကွေး)

      ကရင်ပြည်နယ်၊စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ ဦးကျော်မိုးလွင်(ဌာနခွဲစာရေး)သည် ၁၂.၉.၂၀၂၂ ရက်နေ့တွင် မိုးညှင်းမြို့နယ်၊ညောင်ကုန်းကျေးရွာအတွင်းရှိ စားသုံးသူများအား စားသုံးသူကာကွယ်ရေး အသိပညာပေးဟောပြောပွဲ ဆောင်ရွက်ခဲ့ပါသည်။

     စားသုံးသူကာကွယ်ရေး အသိပညာပေးဟောပြောရာတွင် စားသုံးသူဆိုသည်မှာ ကုန်စည် သို့မဟုတ် ဝန်ဆောင်မှုကို ကုန်သွယ်ရောင်းဝယ်ခြင်းပြုရန်၊ အသက်မွေးဝမ်းကျောင်းပြုရန်မဟုတ်ဘဲ ကိုယ်တိုင်သုံးစွဲမှု၊ အခြားသူများအတွက်သော်လည်းကောင်း ရည်ရွယ်၍ဝယ်ယူခြင်း၊ အသုံးပြုခြင်း၊ ရယူခြင်း၊ ကုန်စည်ချေးငှားခြင်းပြုလုပ်သူများ သို့မဟုတ် ပေးကမ်းထောက်ပံ့ခြင်းခံရသူများကိုဆိုလို ကြောင်း၊ စားသုံးသူ၏အခွင့်အရေးများဖြစ်သည့် စားသုံးသူများအတွက် ကုန်စည်သို့မဟုတ်ဝန်ဆောင်မှု နှင့်စပ်လျဉ်း၍ အခြေခံလိုအပ်ချက်များပေါ်တွင် စိတ်‌ကျေနပ်မှုရရှိစေခြင်း၊ ကုန်စည် သို့မဟုတ် ဝန်ဆောင်မှုကိုဘေးအန္တရာယ်ကင်းရှင်းစွာအသုံးပြုခွင့်ရှိခြင်း၊ ကုန်စည် သို့မဟုတ် ဝန်ဆောင်မှုကို ရွေးချယ်ဝယ်ယူအသုံးပြုရာတွင် လိုအပ်သောသတင်းအချက်အလက်များ ပြည့်စုံမှန်ကန်စွာသိရှိခွင့်နှင့် ပြေစာ သို့မဟုတ် အထောက်အထားရယူခွင့်ရှိခြင်း၊ ဈေးကွက်အတွင်းရှိ ကုန်စည်သို့မဟုတ်ဝန်ဆောင်မှု နှင့်စပ်လျဉ်း၍ စားသုံးသူစိတ်ကြိုက်‌ရွေးချယ်ဝယ်ယူနိုင်ခွင့်ရှိခြင်း၊ စားသုံးသူနစ်နာဆုံးရှုံးမှုနှင့်စပ်လျဉ်း သည့်ကိစ္စရပ်များတွင် ရှင်းလင်းတင်ပြခွင့်နှင့် တိုင်ကြားခွင့်ရရှိနိုင်စေခြင်း၊ ကုန်စည် သို့မဟုတ် ဝန်ဆောင်မှုကို ဝယ်ယူအသုံးပြုခြင်းကြောင့်ဖြစ်ပေါ်လာသည့် နစ်နာဆုံးရှုံးမှုများနှင့်စပ်လျဉ်း၍ ကုစားခွင့်ရရှိခြင်းစသည့်အချက်များအား အသိပညာပေးရှင်းလင်း‌ဟောပြောခဲ့ပြီး စားသုံးသူကာကွယ်ရေးဆိုင်ရာ လက်ကမ်းစာစောင်များဖြန့်ဝေခဲ့ပါသည်။

DOCA(ကချင်)

     စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန တိုင်းဒေသကြီးဦးစီးမှူးရုံးနှင့် ခရိုင်ဦးစီးမှူးရုံးများတွင် တာဝန်ထမ်းဆောင်လျက်ရှိသည့် ဝန်ထမ်းများအနေဖြင့်ဌာနမှ  ဆောင်ရွက် လျက်ရှိသော လုပ်ငန်းများအပေါ်သိရှိနားလည်နိုင်ရန်နှင့် အထက်ဌာနမှပေးအပ်သော လုပ်ငန်းလမ်း ညွှန်ချက်များကို အချိန်နှင့်တပြေးညီလုပ်ဆောင်နိုင်ရန်နှင့် လုပ်ငန်းများဆောင်ရွက်ရာတွင် ကျွမ်းကျင်မှုရှိစေရန် ရည်ရွယ်၍ ဝန်ထမ်းစွမ်းဆောင်ရည်မြှင့်တင်ရေး သင်တန်း သို့ (၇.၉.၂၀၂၂)ရက်နေ့မှ (၉.၉.၂၀၂၂) ရက်နေ့ထိ (၃) ရက်ဖွင့်လှစ် ခဲ့ပါသည်။

   သင်တန်းဖွင့်ပွဲတွင် တိုင်းဒေသကြီးဦးစီးမှူးဦးကျော်ကျော်လွင်က အဖွင့်အမှာစကား ပြောကြားရာတွင် ဝန်ထမ်များသည် မိမိလုပ်နေကျအလုပ်တစ်ခုတည်းကိုသာ ကျွမ်းကျင်နေရုံဖြင့် မလုံလောက်ပါကြောင်း၊ ဌာန၏ ရည်မှန်းချက်တာဝန်များကို အကောင်အထည်ဖော်ဆောင်ရွက်ခြင်း ပင်ဖြစ်ရာ စားသုံးသူကာကွယ်ရေးလုပ်ငန်းများကို ထောင့်ပေါင်းစုံအချက်ကျကျ ဗဟုသုတစုံလင်စွာဖြင့် စားသုံးသူကာကွယ်ရေးလုပ်ငန်းများကို ဆောင်ရွက်စေလိုကြောင်း၊ ဝန်ထမ်းအားလုံး၏အရည် အသွေး၊ အရည်အချင်းများသည်ဓားကဲ့သို့ အမြဲတမ်းသွေး၍ ထက်မြက်စေလိုကြောင်း၊ ဌာနအကြီး အကဲများမှ ချမှတ်ပေးသော မူဝါဒများ၊ လမ်းညွှန်ချက်များ ဌာနမှဆောင်ရွက်လျက်ရှိသော လုပ်ငန်းများ အပေါ်သိရှိနားလည်နိုင်ရန်နှင့် လုပ်ငန်းဆောင်ရွက်ရာတွင် ကျွမ်းကျင်မှုရှိစေရန် ရည် ရွယ်၍ ဝန်ထမ်းစွမ်းဆောင်ရည်မြှင့်တင်ရေးသင်တန်းကို ဖွင့်လှစ်ရပါကြောင်း ပြောကြားခဲ့ပါ သည်။

   သင်တန်းတွင် ဒု-တိုင်းဒေသကြီးဦးစီးမှူး၊ ဒုတိယညွှန်ကြားရေးမှူးနှင့် ဌာနခွဲ တာဝန်ခံများမှ သက်ဆိုင်ရာဘာသာရပ်များကို သင်တန်းပို့ချကြရာ အသိပညာပေးဟောပြောရာတွင် ပါဝင်သင့်သော အချက်များ ဌာနအလိုက်တာဝန်ယူ ဆောင်ရွက်လျက်ရှိသည့်လုပ်ငန်းများ၊ ရုံးလုပ်ငန်းလုပ်ထုံး လုပ်နည်းများဖြင့် ရုံးစာရေးသားရာတွင် သိရှိစေရန်အချက်များ၊ ဌာနမှ ဆက်လက်ဆောင်ရွက်မည့် လုပ်ငန်းများနှင့် စီမံချက်များနှင့် ပတ်သက်၍ သင်ခန်းစာများကို ပို့ချကြောင်းနှင့် သင်တန်းတွင် တိုင်းဒေသကြီးဦးစီးမှူးရုံးနှင့် ခရိုင်ဦးစီးမှူးရုံးမှ ဝန်ထမ်းများ စုစုပေါင်း(၄၈)ဦး တက်ရောက်ခဲ့ကြ ကြောင်း သတင်းရရှိပါသည်။

DOCA(စစ်ကိုင်း)

        စားသုံးသူရေးရာဦးစီးဌာန၊ သတင်းအချက်အလက်နည်းပညာနှင့် အရည်အသွေးစီမံခန့်ခွဲ ရေးဌာနခွဲ၊ ကုန်ပစ္စည်းစမ်းသပ်စစ်ဆေးရေးနှင့် အရည်အသွေးစီမံခန့်ခွဲမှုဌာနစု (လှည်းကူး) ၏ ဓာတ်ခွဲခန်းများမှ သြဂုတ်လအတွင်း လုပ်ငန်းရှင်ပေါင်း(၂၇)ဦးက အပ်နှံလာသော သီးနှံ အမျိုး အစား(၁၆)မျိုး၊ နမူနာအရေအတွက် (၆၉) ခု၊ ဓာတ်ခွဲစမ်းသပ်မှုပေါင်း (၁၆၇) ခုကို စမ်းသပ် စစ်ဆေးဆောင်ရွက်နိုင်ခဲ့ပါသည်။

        စမ်းသပ်စစ်ဆေးခဲ့သည့် သီးနှံအမျိုးအစားများမှာ ပဲတီစိမ်း၊ ပဲယင်း၊ ဆန်ကွဲ၊ ထောပတ်ပဲ၊ မတ်ပဲ၊ ပဲမှုန့်၊ နှမ်းနက်သိပ္ပံ၊ စားအုန်းဆီ၊ နှမ်းဖြူ၊ နေကြာစေ့၊ နွားစာဖွဲနု၊ ဖွဲနု၊ မုယောကြိတ်ဖတ်၊ ဆန်ကွဲဖတ်၊ ရှောက်ဘီလူးခွံနှင့် ငရုတ်သီးတို့ဖြစ်ပါသည်။

         ဓာတ်ခွဲခန်းအလိုက် ဓာတ်ခွဲစမ်းသပ်မှုအနေဖြင့် ပိုးသတ်ဆေးကြွင်းဆိုင်ရာ ဓာတ်ခွဲစမ်း သပ်မှု (၂၇) ခု၊ မှိုဆိပ်ဆိုင်ရာဓာတ်ခွဲစမ်းသပ်မှု (၅) ခု၊ ဆီနှင့်ဆီထွက်သီးနှံ ဓာတ်ခွဲစမ်းသပ်မှု (၁၂၁) ခုနှင့် သီးနှံ(ဓာတု)ဆိုင်ရာ ဓာတ်ခွဲစမ်းသပ်မှု (၁၄)ခု၊ စုစုပေါင်း ဓာတ်ခွဲစမ်းသပ်မှု (၁၆၇) ခု ဆောင်ရွက်နိုင်ခဲ့ပါသည်။

သတင်းအချက်အလက်နည်းပညာနှင့် အရည်အသွေးစီမံခန့်ခွဲရေးဌာနခွဲ

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး ၊ ရွှေဘိုခရိုင် အနေဖြင့် စားသုံးသူပြည်သူများ ဘေးအန္တရာယ်ကင်းရှင်းရေးအတွက် ဈေးကွက်စောင့်ကြည့်စစ်ဆေး ခြင်းများ ဆောင်ရွက်လျက်ရှိရာ စက်တင်ဘာလ(၇)ရက်နေ့ နေ့လယ် (၁၃:၀၀) နာရီအချိန်တွင်  ခရိုင်ဦးစီးမှူး၊ ရွှေဘိုမြို့နယ်တာဝန်ခံနှင့်  ရွှေဘိုခရိုင်ပြည်သူ့ကျန်းမာရေး ဦးစီးဌာနမှ ဝန်ထမ်း (၂)ဦးတို့ပူးပေါင်း၍ ရွှေဘိုမြို့၊ အမှတ်(၂)ရပ်ကွက်၊ ပြင်ဈေးတောင်ပိုင်းရှိ “ဟန်” ဆေးခန်း၊ ဆေးနှင့် ဆေးပစ္စည်းအရောင်းဆိုင်အား ဈေးကွက်စောင့်ကြည့် စစ်ဆေးခဲ့ပါသည်။

     အဆိုပါဈေးကွက်စောင့်ကြည့်စစ်ဆေးသည့် ဆေးခန်း၊ ဆေးနှင့်ဆေးပစ္စည်းအရောင်းဆိုင်သည်  အသစ်ဖွင့်လှစ်သည့်ဆေးခန်း၊ ဆေးနှင့်ဆေးပစ္စည်းအရောင်းဆိုင်ဖြစ်သဖြင့် ရွှေဘိုခရိုင် စားသုံးသူ ရေးရာဦးစီးဌာနမှ ခရိုင်ဦးစီးမှူးနှင့် ရွှေဘိုမြို့နယ်တာဝန်ခံတို့က စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနအနေဖြင့် အရေးကြီးကုန်စည်နှင့် ဝန်ဆောင်မှုဥပဒေပုဒ်မ ၄ ပုဒ်မခွဲ(က)အရ Covid-19 ကာကွယ်၊ ထိန်းချုပ်၊ ကုသရေးဆိုင်ရာ ကျန်းမာရေးအထောက်အကူပြုပစ္စည်းများ၊ ဆေးဝါးများ၊ စားသုံးကုန်ပစ္စည်းများကို အမိန့်ကြော်ငြာစာအမှတ်(၂၁/၂၀၂၀)ဖြင့် အရေးကြီးကုန်စည်အဖြစ်သတ်မှတ် လိုက်ပြီး အဆိုပါကုန်စည်များအား ဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင် ဖြန့်ဖြူးခြင်း သို့မဟုတ် ဈေးကစားရန်ရည်ရွယ်ချက်ဖြင့် သိုလှောင်ခြင်း ဆောင်ရွက်နေသည်ကို စိစစ်တွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေပုဒ်မ (၅) အရ အရေးယူခြင်းခံရမည် ဖြစ်ကြောင်းထုတ်ပြန်ထားပြီး ၎င်းအပြင် အမိန့်ကြော်ငြာစာအမှတ်(၂၂/၂၀၂၀)ဖြင့် အရေးကြီးကုန်စည် နှင့် ဝန်ဆောင်မှုဥပဒေပုဒ်မ ၁၁ ပုဒ်မခွဲ(ခ)အရ အထက်ပါတားမြစ်ထားသည့် ကုန်စည်များကို တင်သွင်းမှု၊ တင်ပို့မှု၊ ရောင်းဝယ်မှု၊ လက်ဝယ်ထားမှု၊ သိုလှောင်မှု၊ သယ်ဆောင်မှု၊ ဖြန့်ဖြူးမှု၊ အသုံးပြုမှု၊ စားသုံးမှုတို့နှင့်စပ်လျဉ်း၍ အမိန့်ကြော်ငြာစာ၊ အမိန့်၊ ညွှန်ကြားချက်နှင့် လုပ်ထုံးလုပ် နည်းများ ထုတ်ပြန်ခွင့်ကို စားသုံးသူရေးရာဦးစီးဌာနအား အခွင့်အာဏာအပ်နှင်းထားကြောင်း၊ ကျန်းမာရေး အထောက်အကူပြု အသုံးအဆောင်ပစ္စည်းအမျိုးမျိုးနှင့် ပတ်သက်၍ စားသုံးသူကာကွယ်ရေးဥပဒေ၊ အခန်း(၁၈)ပါ ကုန်အညွန်းအမှတ်အသားဖော်ပြခြင်းနှင့် မြန်မာနိုင်ငံ စားသုံးသူကာကွယ်ရေးကော်မရှင် ၏ ညွှန်ကြားချက်အမှတ် (၂/၂၀၁၉)နှင့်အညီ ပြည့်စုံစွာထည့်သွင်းဖော်ပြ၍ ထုတ်လုပ်ဖြန့်ဖြူးရောင်းချကြရန်၊ စားသုံးသူကာကွယ်ရေး ဥပဒေပါအကြောင်းအရာများအား အကျယ်တဝင့်ရှင်းလင်းဆွေးနွေးခဲ့ပြီး၊ လက်ကမ်းစာစောင်များဖြန့်ဝေ၍ ဆေးဈေးနှုန်းနှင့် လက်ကျန် အခြေအနေများ မေးမြန်းဆွေးနွေးခြင်း များကို ဆောင်ရွက်ခဲ့ပြီး ရွှေဘိုခရိုင် ပြည်သူ့ကျန်းမာရေး ဦးစီးဌာနမှ လိုင်စင်အသစ်လျှောက်ထားရာတွင် လိုအပ်သည့်အချက်များ၊ လိုက်နာဆောင်ရွက်ရမည့် အချက်များနှင့် စံမညီဆေးဝါးများ၊ တားမြစ် ဆေးဝါးများ၊ သက်တမ်းလွန်ဆေးဝါးများ ရောင်းချခြင်းမပြုရန် အသိပညာပေးဆွေးနွေးခြင်းနှင့် စစ်ဆေး ခြင်းများ ဆောင်ရွက်ခဲ့ကြကြောင်း သတင်းရရှိ ပါသည်။

DOCA(စစ်ကိုင်း)